Category Archives: Technology

ZTE’s Axon 7 នឹងមកដល់នៅថ្ងៃទី២៦ខែឧសភានេះ

Axon 7

ក្រុម​ហ៊ុន​ទូរស័ព្ទ​​ ZTE បាន​ត្រៀម​ខ្លួន​រួច​ជា​ស្រេច​ក្នុង​ការ​បញ្ចេញ​ទូរស័ព្ទ​​វ័យ​ឆ្លាត​របស់​ខ្លួន ដែល​មាន​ឈ្មោះ​ថា Axon 7​ នៅ​ថ្ងៃ​ទី​២៦ ខែ​ឧសភា​ខាង​មុខ​នេះ។ ព័ត៌មាន​ទាក់​ទង​នឹង​ទូរ​ស័ព្ទ​នេះ​បាន​លេច​ចេញ​មក​ក្រៅ ខណ⁣⁣:ដែល​ក្រុម​ហ៊ុន ZTE បាន​អញ្ចើញ​ភ្ញៀវ​មក​ចូល​រួម​ព្រឹត្តិការណ៍​​បង្ហាញ​អំ​ពី​ទូរស័ព្ទ​វ័យ​ឆ្លាត​មួយ​នេះ។

Axon 7 នឹង​បង្ហាញ​ពី​សមត្ថភាព​លើ​បច្ចេក​វិទ្យា​ស្កេន​ក្រយ៉ៅដៃ​នៅ​ខាង​​ក្រោយ​ទូរស័ព្ទ​ផង​ដែរ ហើយ​ប្រ​ហែល​នឹង​មាន​គម្រោង​វាយ​លុក​ទី​ផ្សារ​ក្នុង​សហ​រដ្ឋ​អាមេរិច។ ចំពោះ​តម្លៃ​ទូរស័ព្ទ​វ័យ​ឆ្លាត​ថ្មី​មួយ​នេះ​មិន​ទាន់​​បាន​បង្ហើប​ឲ្យ​ដឹង​នៅ​ឡើយ​ទេ។
ខាង​ក្រោម​គឺ​ជា​​បច្ចេក​វិទ្យា​លម្អិត​របស់​ Axon 7៖

  • 5.5-inch Quad-HD display
  • Quad-core Snapdragon 820 chipset
  • 4GB of RAM
  • 64GB of storage, expandable up to 128GB via MicroSD slot
  • 20MP rear camera, 8MP front-facing camera
  • Android 6.0.1
  • 3140mAh battery

ប្រភព៖ The Verge

Like ផេក អាឡាដាំង Like Ahladang ដើម្បី​ទទួលបានពត៌មានជាច្រើនទៀត។​

Xiaomi Mi5 គឺ​ជា​ស្មាត​ហ៊្វូន​លំដាប់​កំពូល​ដែល​មាន​សមត្ថភាព​ខ្លាំង​ជា​មួយ​នឹង​តម្លៃ​សមរម្យ

ជាការពិតណាស់ MI គឺ​ជាក្រុម​ហ៊ុន​លំដាប់​កំពូល​មួយ​របស់​ប្រទេស​ចិន​ដែល​បាន​ផ្គត់​ផ្គង់​និង​ផលិត​ឧបករណ៏​អេឡិច​ត្រូនិច​សំខាន់ៗ​ជា​ច្រើន​ដើម្បី​សម្រួល​ដល់​ការ​ប្រើប្រាស់​របស់​មនុស្ស​ក្នុង​យុគ​សម័យ​បច្ចេក​វិទ្យាដ៏មានការប្រកួតប្រជែង ។ ជា​មួយ​គ្នា​នេះ​ដែរ​ក្រុមហ៊ុន MI ក៏​បាន​ទទួល​​ភាព​ជោគ​ជ័យ​ក្នុង​គំរោង​ផលិត​ស្មាត​ហ្វូន​ដែល​ទទួល​បានការ​គាំទ្រ​ពី​សំណាក់​ប្រជាជន​នៅ​ទ្វីប​អាស៊ី​ផង​ដែរដោយផ្ដោតទៅលើគោលការណ៍ផលិតផលមានគុណភាពខ្ពស់ជាមួយតម្លៃសមរម្យ ​។

Mi-Phones-Xiaomi-Mi5
Xiaomi Mi5 ដែល​បំពាក់​មក​​ជា​​មួយ Corning Gorilla Glass 4 មាន​ពណ៌​ដិត​ច្បាស់​ម៉ត់​ភ្លឺ​ត្រជាក់​ភែ្នក

កាល​ពី​ដើម​ឆ្នាំ២០១៦​ខែ​កុម្ភៈ ក្រុម​ហ៊ុន MI ដែល​មាន​ទី​ស្នាក់​ការ​ធំ​នៅ​ប្រទេស​ចិន​បាន​ប្រកាស​ដាក់​លក់​ស្មាត​ហ៊្វូន​លំដាប់​កំពូល Xiaomi Mi5​ របស់​ខ្លួន​ជា​ផ្លូវ​ការ​ដោយ​មាន​តម្លៃមិនគួរ​ឲ្យ​ជឿ ដោយ​តម្លៃចាប់​ផ្ដើម​ត្រឹម​តែ$​299តែ​ប៉ុណ្ណោះ(តម្លៃ​នៅ​ប្រទេស​ចិន)​ ប៉ុន្តែ​នៅ​ប្រទេស​កម្ពុជា​វា​មាន​តម្លៃ$៤០០។ Xiaomi Mi5 ត្រូវ​បាន​ផលិត​មក​៣​ម៉ូ​ដែល ដែល​ម៉ូដែល​ទី​មួយ​៣២GB​ ម៉ូដែល​ទី​ពីរ​៦៤GB និង​ម៉ូដែល​ទី៣​គឺ​ជា​ម៉ូដែល Pro ១២៨GB ដែល​វា​បាន​បំពាក់​មក​ជា​មួយកញ្ចក់​សេរា​មិច​នៅ​ខាង​ក្រោយ​ខ្នង ដែល​មើល​ទៅ​មាន​ភាព​ប្រណិត​ស្អាត​គួរ​ឲ្យចង់​ចាប់កាន់។

បើ​ក្រឡេក​ទៅ​មើល​ពី​លក្ខណៈ​សម្បត្តិរបស់​ស្មាត​ហ៊្វូន​មួយ​នេះ​វិញ ចំពោះ​ម៉ូដែល Pro ១២៨GB វាមាន​អង្គផ្ទុក​ទិន្នន័យ RAM ទំហំ៤GB និង​ម៉ូដែល32/64GB មាន​អង្គផ្ទុក​ទិន្ន​ន័យ​ចំនួន​3GB។ វា​បាន​បំពាក់​មក​ជា​មួយ​នឹង​បន្ទះ Chip ប្រភេទ​ថ្មី Qualcomm MSM8996 Snapdragon 820 ជា​មួយ CPU Dual-Core ៨​គ្រាប់ ដោយ​៤គ្រាប់​មាន​កម្លាំង1.8GHz និង ៤​គ្រាប់​ទៀត​មាន​កម្លាំង 1.36GHz ចំពោះ​ម៉ូដែល 32/64GB។ ប៉ុន្តែចំពោះ​ម៉ូដែល Pro 128GB វា​មាន CPU 8 ​គ្រាប់​ដូច​គ្នាតែ​ដោយ ៤​គ្រាប់​មាន​កម្លាំង 2.15GHz និង ៤​គ្រាប់​ទៀត​មាន​កម្លាំង 1.6GHz។ Xiaomi Mi5 មាន​ទម្ងន់​ត្រឹម​តែ ១២៨g  តែ​ប៉ុណ្ណោះ។ វា​មាន​អេក្រង់​ទំហំ 5.15អ៊ីង  និង​បំពាក់​មក​ជា​មួយ​កញ្ជក់ Corning Gorilla Glass4។ វា​មាន Resolution 1080*1920 pixels និង​មាន​ដង់​ស៊ី​តេ​អេ​ក្រង់ ៤២៨​ ppi ដែល​វា​អាច​ជួយ​អោយ​ការ​មើល​រូប​ភាព​និង​វីដេអូ​ច្បាស់​ម៉ត់​ល្អ ទោះ​បី​ស្ថិត​នៅ​ក្រោម​ពន្លឺថ្ងៃ​ខ្លាំង​យ៉ាង​ណា​ក៏​ដោយ។ វា​មាន​ទំហំ​ថ្ម ៣០០០ mAh ដែល​ទំហំ​ថ្មប៉ុន​នេះ​អាច​ប្រើប្រាស់​ទូ​ទៅបាន​ជិត​ពេញ​មួយ​ថ្ងៃ។ ចំណែក​ឯ​កា​មេរ៉ា​របស់​វា​វិញ កាមេរ៉ា​មុខ​មាន​ទំហំ​១៦​មេហ្គា​ភិច​សែល និង កាមេរ៉ា​មុខ​មាន​ទំហំ​៨​មេហ្គាភិច​សែល​ដែល​ជួយ​អោយ​ការ​ផ្ដិត​យក​រូប​ភាព​បាន​ច្បាស់​ល្អ។

 

 

ក្រុមហ៊ុន​បច្ចេក​វិទ្យាទាំង​៤​ដែល​ផ្ដល់​ប្រាក់​ខែ​ចាប់ផ្ដើម​ដំបូង​ច្រើន

tech firm

ក្រុមហ៊ុន​បច្ចេក​វិទ្យា​ធំៗ​ត្រូវ​បាន​គេ​ស្គាល់​ថា​ជា​ក្រុមហ៊ុន​ដែល​ទាក់​ទាញ​និស្សិត​ដែល​បាន​បញ្ចប់​ការ​សិក្សា​មក​ធ្វើ​ការ​ក្នុង​ក្រុមហ៊ុន​ខ្លួន​ជា​មួយ​នឹង​ប្រាក់​ខែ​ចាប់​ផ្ដើម​ដំបូង​ច្រើន​គួរ​ឲ្យកត់​សម្គាល់​និង​ជា​កញ្ចប់។ ប៉ុន្តែ​ការ​ផ្ដល់​ជូន​ប្រាក់​ខែ​មាន​លក្ខណៈ​ខុសៗ​គ្នាទៅ​តាម​ឋានានុក្រម​ក៏​ដូច​ជា​កម្រិត​នៃ​ការ​ងារ​ផង​ដែរ ហើយ​មិន​មែន​ប្រាកដ​ថា​អ្នក​គ្រប់​គ្រង​ក្រុម​ហ៊ុន​ទាំង​អស់​នោះ​សុទ្ធតែ​មាន​ចិត្តល្អដូច​ដែល​យើង​រំពឹង​ទុក​នោះ​ទេ។ សម្រាប់​អ្នក​ដែល​ចង់​បាន​ប្រាក់​ខែ​ចាប់​ផ្ដើម​ដំបូង​ច្រើន និង​ការ​ផ្ដល់​ជូន​អត្ថ​ប្រយោជន៍​បន្ថែម​ច្រើន​ពី​ក្រុមហ៊ុន​នោះ ខាង​ក្រោម​នេះ​ជា​ក្រុមហ៊ុន​ទាំង​៤​ដែល​អាច​បំពេញ​តម្រូវ​ការ​របស់​អ្នក​បាន៖

  • Amazon

បុគ្គលិក​ដែល​ធ្វើការ​នៅ Amazon មាន​ភាព​ពេញ​ចិត្តនឹង​ប្រាក់​ខែ​នឹង​ប្រាក់អត្ថប្រយោជន៍​បន្ថែម​ផ្សេងៗ​ដែល​បាន​ផ្ដល់​ជូន​ពី​ក្រុមហ៊ុន។ បុគ្គលិក​ដែល​មាន​កម្រិតការងារ​មធ្យម​អាច​រក​ប្រាក់​ចំណូល​បាន​ចំនួន$១០៩០០០ ក្នុង​មួយ​ឆ្នាំ និង​ប្រាក់​អត្ថប្រយោជន៍​បន្ថែម​ចំនួន​$២២០០០​ក្នុង​មួយ​ឆ្នាំ។ ប៉ុន្តែ​ក៏​មាន​ការ​លើក​ឡើង​ផង​ដែរ​ថា ​ក្រុមហ៊ុន​នេះ​មាន​ការ​ទាម​ទារ​ឲ្យ​មាន​ការ​ខិត​ខំ​ប្រឹង​ប្រែង​ខ្ពស់ និង​មាន​ការ​ស្ដី​បន្តោស​ច្រើន​ពី​ថ្នាក់​លើ។

  • Apple

ក្រុមហ៊ុន​មួយ​នេះ​ក៏​បាន​ផ្ដល់​ជូន​បុគ្គលិក​របស់​ខ្លួន​ជា​មួយ​នឹង​ប្រាក់​ខែចំនួន​៦​ខ្ទង់​ផង​ដែរ ដោយ​ជា​មធ្យម​បុគ្គលិក​ដែល​មាន​កម្រិត​ការ​ងារ​មធ្យម​អាច​រក​ប្រាក់ចំណូល​បាន​ចំនួន$១០៤០០០ ក្នុង​មួយ​ឆ្នាំ និង​ប្រាក់​អត្ថប្រយោជន៍​បន្ថែមចំនួន$១៦០០០ក្នុង​មួយ​ឆ្នាំ។

  • Google

Google គឺ​ជា​ក្រុម​ហ៊ុន​បច្ចេក​វិទ្យា​លំដាប់​កំពូល​មួយ​នៅ​លើ​ពិភព​លោក។ ក្រុម​ហ៊ុន​នេះបាន​ផ្ដល់​ជូន​នូវ​ប្រាក់​ខែ ទៅ​ដល់​បុគ្គ​លិក​របស់​ខ្លួន​ដែល​មាន​កម្រិត​ការងារ​មធ្យម​ចំនួន​$៨៦០០០ក្នុង​មួយ​ឆ្នាំ​និង​ប្រាក់​អត្ថ​ប្រយោជន៍​បន្ថែម​ចំនួន$២០០០០ក្នុង​មួយ​ឆ្នាំ។

  • Cisco Systems

 ក្រុមហ៊ុន​របស់​សហរដ្ឋអាមេរិក​មួយ​នេះ ថ្វីត្បិត​តែ​ប្រាក់​ខែ​ដំបូង​មានចំនួន​ច្រើន​គួរ​សម ប៉ុន្តែប្រាក់​​អត្ថប្រយោជន៍​បន្ថែម​ហាក់​បី​ដូចជា​មាន​ចំនួន​រាង​តិច​បន្តិច។ ប្រាក់​ខែ​ជា​មធ្យម​របស់​បុគ្គលិក​នៅ​ក្រុមហ៊ុន Cisco មាន​ចំនូន$៦៧០០០ក្នុង​មួយ​ឆ្នាំ និង​ប្រាក់​​អត្ថប្រយោជន៍​បន្ថែម​ចំនួន$១០០០ក្នុង​មួយ​ឆ្នាំ។

ប្រភព៖ CNN

 

កំព្យូរ​ទ័រ​យួរ​ដៃ​ដែល​ស្ដើង​ជាង​គេ​លើ​ពិភព​លោក

កាល​ពី​ពេល​ថ្មីៗ​កន្លង​ទៅ​នេះ​ក្រុមហ៊ុន​ផលិត​គ្រឿង​អេឡិច​ត្រូនិច HP បាន​ធ្វើ​ការ​ដាក់​បង្ហាញជា​សាធារណៈ​នូវ​ប្រភេទ​កំព្យូរទ័រ​យួរដៃឬ Notebook ម៉ូឌែល HP Spectre ដែល​ស្ដើង​ជាង​គេ​លើលោក​នៅ​លើ​បណ្ដាញ​សង្គម​មួយ​ចំនួន ហើយ​ក៏​បាន​ប្រកាស​ដាក់​លក់​ជា​ផ្លូវ​ការ​ក្រោម​តម្លៃ​ចាប់ពី $1169.99។ គួរ​បញ្ជាក់​ផង​ដែរ​ថា​កំព្យូរទ័រ​យួរ​ដៃ​មួយ​នេះ​មាន​ទម្ងន់​ត្រឹម​តែ 2.45 pounds អេក្រង់​ទំហំ១៣អ៊ីង និង​កម្រាស់​ត្រឹមតែ 10.4mm​ តែប៉ុណ្ណោះ។

Capture6

HP Spectre

HP Spectre1

HP Spectre2

HP Spectre3

Like ផេក អាឡាដាំង Like Ahladang ដើម្បី​ទទួលបានពត៌មានជាច្រើនទៀត។​

 

 

Facebook ទើប​តែ​ដាក់​បង្ហាញ​គំរោង​ផែន​ការ​១០​ឆ្នាំ​ទៅ​ថ្ងៃ​ខាង​មុខ​របស់​ខ្លួន

ម្ចាស់​ក្រុមហ៊ុន Facebook លោក Mark Zuckerberg ទើប​តែ​ធ្វើ​ការ​ដាក់​បង្ហាញ​ពី​គំរោង​ផែនការ​១០​ឆ្នាំ​ទៅ​ថ្ងៃ​ខាង​មុខ​របស់​ខ្លួន​នៅ​ឯ Company’s F8 Developers Conference នា​ថ្ងៃអង្គារ​កន្លង​ទៅ​នេះ។ រូបភាព​ខាង​ក្រោម​នេះ​បង្ហាញ​អំពី​គំរោង​ផែន​ការ​១០​ឆ្នាំ​ទៅ​ថ្ងៃ​ខាង​មុខរបស់​លោក Mark Zuckerberg៖

screen shot 2016-04-12 at 1.10.45 pm copy

ក្នុង​ពេល​ធ្វើ​ការ​ដាក់​តាំង​បង្ហាញ​នេះ ​លោក Mark Zuckerberg បាន​លើក​ឡើង​ថា រូបភាព​នេះគឺ​ជា​គំរោង​ផែនការ​១០​ឆ្នាំ​ទៅ​ថ្ងៃ​ខាង​មុខ​របស់​ក្រុមហ៊ុន​របស់​​លោក​ផ្ទាល់។ លោក​បាន​បន្ថែម​ទៀត​ថា “ពួក​យើង​ខិត​ខំ​ស្ថាបនា​និង​អភិវឌ្ឈ​​ប្រព័ន្ធបណ្ដាញ​សង្គម​មួយ​នេះ​ដើម្បី​ឲ្យ​មនុស្ស​គ្រប់ៗ​គ្នា​អាច​ចែក​រំលែក​អ្វីៗ​គ្រប់​យ៉ាង​ដែល​ពួក​គេ​ចង់​ចែក​រំលែក​ទៅ​អោយ​មនុស្សជុំវិញ​ខ្លួន​ឲ្យកាន់​តែ​មាន​ភាព​ងាយ​ស្រួល។”

ដូច​ដែល​បាន​ឃើញ​នៅ​ក្នុង​រូបភាព បណ្ដុំនៃ​ការ​ចែក​រំលែក​ទំនិញ​និង​ហរិញ្ញវត្ថុគឺ​មាន​វត្តមាន​នា​៣​ឆ្នាំ​បន្ទាប់​ដោយ​មុន​នឹង​ឈាន​ដល់​ដំណាក់​ការ​នោះ​គឺ​ត្រូវ​ឆ្លង​កាត់ Facebook’s Ecosystem សិន។ ចំណែក​ឯ វីដេអូ ការ​ស្វែង​រក Group និង​បណ្ដុំនៃ App ដែល​រួម​មាន WhatsApp Messenger និង Instagram ​នឹង​មាន​វត្ត​មាន​នា​ពេល​៥​ឆ្នាំបន្ទាប់។

ចំពោះ​គំរោង​ផែន​ការ​១០​ឆ្នាំ​បន្ទាប់​ ​មាន​ការ​ខិត​ខំ​ប្រឹង​ប្រែង​ខាង​បច្ចេកវិទ្យា​ពី​ក្រុមហ៊ុន Facebook ដូចជា Artificial Intelligence Virtual Reality និង Augmented Reality ហើយ​និង Connectivity Offerings ថ្មី​ដែល​រួម​មាន Drone-delivered Internet Service។

គួរ​បញ្ជាក់​ផង​ដែរ​ថា​F8 ត្រូវ​បាន​ប្រារព្ធឡើង​នៅ Fort Mason ក្នុង​រដ្ធ San Francisco ដែល​ជាកន្លែង​ដែល​ក្រុមហ៊ុន​មាន​ការ​រំពឹង​ទុក​ថា​នឹង​អាច​ធ្វើឲ្យការ​ផ្សព្វផ្សាយ​​ផលិតផល​បច្ចេកវិទ្យាខាង​ផ្នែក Software ថ្មីៗ​ក៏​ដូចជា​លក្ខណៈ​សម្បត្តិពិសេសៗ​របស់​ខ្លួនផ្តល់​ជូនទៅ​​ដល់​បណ្ដាអ្នក​ប្រើប្រាស់​ទូទាំង​ពិភព​លោក។

ប្រភព៖ BI

Like ផេក អាឡាដាំង Like Ahladang ដើម្បី​ទទួលបានពត៌មានជាច្រើនទៀត។​