Category Archives: love

របៀប​រាប់អាន​មិត្ត​​ឲ្យ​​បាន​ច្រើន

រាប់អានមិត្ត

មនុស្សមិនអាចរស់នៅម្នាក់ឯងបានទេ ហេតុនេះពួកគេត្រូវការមានមិត្តភក្តិឬត្រូវចេះបង្កើតមិត្ត។ ដូចគ្នាដែរ មនុស្សខ្លះមានបញ្ហាជាច្រើនដែលធ្វើឲ្យពួកគេពិបាកនិយាយជាមួយមនុស្សប្លែកមុខ។ តើត្រូវធ្វើយ៉ាងណាបើអ្នកចង់មានអារម្មណ៍ល្អក្នុងការធ្វើវា៖

ចេញដើរលេងម្នាក់ឯង

កុំទៅចូលរួមកម្មវិធីឬទៅដើរលេងមានគ្នាជាមួយមិត្តភក្តិ ព្រោះបើទៅម្នាក់ឯងអ្នកត្រូវការទៅនិយាយជាមួយគេ បើមិនដូច្នោះអ្នកនឹងគ្មានអ្នកនិយាយជាមួយ។ បើអ្នកមានគ្រួសារឬមិត្តភក្តិទៅជាមួយ អ្នកនៅតែជាមួយពួកគេហើយមិនទៅជួបមនុស្សថ្មីទេ។

រៀបចំខ្លួនឲ្យរួចរាល់មុនទៅនិយាយជាមួយគេ

នៅពេលអ្នកនៅតែម្នាក់ឯងហើយ កុំចាំឲ្យមាននរណាម្នាក់ដើរមកនិយាយជាមួយអ្នកអី ត្រូវដើរទៅរកគេតែម្តងទៅ។ កុំគិតថាគ្រាន់តែដើរទៅនិយាយជាមួយគេជារឿងគួរឲ្យខ្មាស់ឬអ្វីផ្សេងអី វាជាការគួរសមតែប៉ុណ្ណោះ។ ដើរចូលទៅក្នុងចំណោមមនុស្ស ហើយណែនាំខ្លួនអ្នកទៅមនុស្សនោះ។

កុំនិយាយពីអាកាសធាតុឬរឿងគួរឲ្យធុញ

មិនដែលមានអ្នកណាចង់និយាយជាមួយគ្នានូវរឿងគួរឲ្យធុញទ្រាន់ទេ។ កុំនិយាយពីរឿងអាកាសធាតុ រឿងនយោបាយ ឬរឿងសាសនា នៅពេលជួបគ្នាលើកដំបូងព្រោះវាជាប្រធានបទគិតឲ្យបានស៊ីជម្រៅ។ រឿងបែបនេះមានតែអ្នកដែលជិតស្និតគ្នាប៉ុណ្ណោះដែលនិយាយ។ បើអ្នកមិនដឹងនិយាយពីអ្វីទេ គ្រាន់តែនិយាយសួស្តីហើយសួរថាសុខសប្បាយទេ គឺបានហើយ។

ព្យាយាមឲ្យគេនិយាយពីខ្លួនគេ

ជួនកាលអ្នកខ្លះចូលចិត្តនិយាយពីខ្លួនឯង ហេតុនេះយើងគួរតែព្យាយាមសួរពីរឿងមួយចំនួនរបស់គេឲ្យបានច្រើន គេប្រហែលជាពេញចិត្តតបមកយើងវិញ។ រឿងដែលគួរតែសួរគួរតែមានដូចជា តើរស់នៅទីណា រៀនមុខវិជ្ជាអ្វី នៅទីណា  សួរពីការកម្សាន្ត  ឬសួរអំពីចំណង់ចំណូលចិត្តរបស់គេ។

អ្នកក៏ត្រូវនិយាយពីខ្លួនឯងឲ្យគេស្តាប់ដែរ

អ្នកដទៃអាចចូលចិត្តនិយាយពីរឿងរបស់គេ ហើយគេក៏ចង់ដឹងពីរឿងរបស់អ្នកដែរ។ បើសិនជាអ្នកសួរសំនួរគេច្រើនពេកអាចធ្វើឲ្យគេមានអារម្មណ៍មិនសូវស្រណុកចិត្ត។ ដូច្នេះអ្នកក៏ត្រូវតែនិយាយពីខ្លួនអ្នកឲ្យគេបានស្តាប់ដូចគ្នា ស្រួលមិនស្រួលអ្នកអាចមានចំណង់ចំណូលចិត្តដូចគ្នាក៏ថាបាន។

ស្វែងរកហើយចែករំលែកអ្វីដែលដូចគ្នារវាងអ្នកទាំងពីរ

ពេលនិយាយគ្នាយូរៗទៅ អ្នកអាចមានអារម្មណ៍ថាទាំងពីរអ្នកមានអ្វីដែលដូចគ្នា។ នាំគ្នានិយាយផ្តោតលើរឿងទាំងនោះ ហើយអាចធ្វើឲ្យអ្នកអាចក្លាយជាមិត្តពេលនោះក៏ថាបាន។ បើពួកអ្នកមិនមានអ្វីដែលគួរឲ្យចាប់អារម្មណ៍និយាយទេ មិនអីទេព្រោះថាមិនមែនមនុស្សទាំងអស់ដែលអ្នកនិយាយជាមួយអាចក្លាយជាមិត្តល្អរបស់អ្នកទាំងអស់ទេ។

ត្រូវរួសរាយរាក់ទាក់ កុំមានអារម្មណ៍ដូចជាត្រូវបង្ខំឲ្យទៅនិយាយ

កុំមានអារម្មណ៍ថាតើអ្នកត្រូវជួបនិយាយជាមួយអ្នកមិនដែលស្គាល់ធ្វើអ្វី។ បើសិនជាអ្នកខ្លាចពេលអ្នកជួបមនុស្សថ្មីៗ កុំទៅរួសរាយដាក់គេហើយនាំឲ្យមើលទៅអ្នកដូចត្រូវបានគេបង្ខំឲ្យធ្វើបែបនោះដែរ។ បើសិនជាអ្នកណាម្នាក់ដែលយើងទៅនិយាយជាមួយមានលក្ខណៈមិនចង់និយាយជាមួយទេ ឲ្យគេទៅចុះមិនចាំបាច់ធ្វើអ្វីទេ។

កុំខ្មាស់បើសិនជាគេដឹងថាយើងភ័យតិចៗ

បើសិនជាយើងនិយាយទៅមានសម្លេងញ័រៗឬបែកញើសដៃ ត្រូវនិយាយរឿងកំប្លែងៗដើម្បីឲ្យបានសើចចេញមក។ បើមិនដូច្នោះទេ មិនបាច់ខ្វល់ពីវាទេ និយាយគ្នាបន្តទៅ។ កុំគ្រាន់តែភ័យបន្តិចបន្តួចរួចទៅជាអៀនដើរចេញឈប់និយាយនោះ មិនមែនជាការល្អទេ។

បង្ហាញពីបុគ្គលិកលក្ខណៈនិងចរឹតរបស់អ្នកចេញមក

អ្វីទាំងអស់ដែលគួរធ្វើខាងលើនេះគឺធ្វើជាខ្លួនឯងមានន័យថាកុំព្យាយាមធ្វើឲ្យអ្នកដទៃពេញចិត្ត ព្រោះគេអាចមិនចង់និយាយជាមួយយើងទេ។ ធ្វើអ្វីដែលធ្វើឲ្យខ្លួនឯងសប្បាយចិត្តទើបធ្វើឲ្យអ្នកមានអារម្មណ៍ល្អ ។

ត្រូវដឹងថាពេលណាត្រូវឈប់និយាយ

ទោះបីជាការសន្ទនារបស់អ្នករលូនឬក៏អត់ក៏ដោយ អ្នកត្រូវដឹងពីពេលត្រូវឈប់និយាយ។ បើអ្នកដឹងក្នុងចិត្តថាអ្នកនឹងមិននិយាយជាមួយគេយូរទៀតទេ អ្នកគួរតែធ្វើធម្មតាហើយបើមានអ្នកណានៅក្បែរនោះ ទៅរាក់ទាក់ជាមួយម្នាក់ទៀត។ បើសិនជាអ្នកពេញចិត្តធ្វើមិត្តជាមួយមនុស្សអ្នកនិយាយជាមួយនោះ អ្នកគួរតែនិយាយថាត្រូវទៅហើយ និងចាំជួបគ្នាលើកក្រោយទៀត។ អ្នកគួរសុំលេខទូរស័ព្ទ ឬអ៊ីមេលរបស់ម្នាក់នោះដើម្បីទុកទាក់ទងគ្នាក្រោយទៀត។

Like ផេក អាឡាដាំង Like Ahladang ដើម្បីទទួលបានពត៌មានជាច្រើនទៀត។

ហេតុ​អ្វី​បាន​ជា​មនុស្ស​​ចង់​នៅ​លីវ​?

being single

អត្ថបទ​បែប​សាសនា​និង​​ការ​​សរសេរ​ជា​ច្រើន​បាន​និយាយ​ពី​សារៈ​​សំខាន់​​នៃ​ការ​រៀបការ​ តែ​ទោះ​ជា​យ៉ាង​ណា​ការ​សម្រេច​ចិត្ត​ថា​នៅ​លីវ​ឬ​ក៍​រៀប​ការ​ គឺ​ត្រូវ​ពឹង​ផ្អែក​ទៅ​លើ​​ការ​សម្រេច​ចិត្ត​របស់​មនុស្ស​ដោយ​​ខ្លួន​ឯង​​។ គម្ពី​សាសនា​ឬ​ទ្រឹស្តី​អ្វី​នោះ​មិន​អាច​មាន​ឥទ្ធិពល​លើ​ការ​សម្រេច​ចិត្ត​នេះ​បាន​ទេ​។ នេះ​គឺ​ជា​រឿង​ពិត​ថ្មីៗ​ដោយ​មាន​ការ​កត់​សម្គាល់​ឃើញ​ ភាព​តាន​តឹង​ ការ​ឈឺ​ចាប់ និង​ការ​​ពុះពារ​ទៅ​នឹង​អ្វី​មួយ​​របស់​​មនុស្ស។

ការ​បាត់​បង់​ពេល​វេលា​ផ្ទាល់​ខ្លួន

ភាគ​ច្រើន មនុស្ស​ដែល​ងប់ងល់​នឹង​ការ​ធ្វើ​ការងារ តែង​តែ​ចង់​នៅ​លីវ ជា​ជាង​ការ​ត្រៀម​ខ្លួន​នឹង​បំពេញ​តួនាទី​អាពាហ៍ពិពាហ៍​។​ ពេល​វេលា​ផ្ទាល់​ខ្លួន​មាន​កាន់​តែ​តិច​ហើយ​ការ​ចំណាយ​ពេល​មើល​ថែ​គ្នា​ឲ្យ​បាន​ល្អ​ក៏​គ្មាន ទើប​ធ្វើ​ឲ្យ​ទំនាក់​ទំនង​ល្អ​និង​ជីវិត​រៀបការកាន់​តែ​ឃ្លាត​ឆ្ងាយ​ពី​ពួក​គេ​បន្តិច​ម្តង​ៗ។​ ជួន​កាល​មនុស្ស​ចង់​នៅ​លីវ​ព្រោះ​តែ​គេ​គ្មាន​ការ​តាំង​ចិត្ត​ចំពោះ​តួ​នាទី​អាពាហ៍ពិពាហ៍ ច្រើន​ជាង​បញ្ហា​សេដ្ឋកិច្ច​ ឬ​បញ្ហា​សង្គម​។

ការ​ចង់​បាន​សេរីភាព​និង​ឯករាជ្យ

មនុស្ស​ភាគ​ច្រើន​ចូលចិត្ត​ជីវិត​រស់​នៅ​ឯករាជ្យ មិន​ចង់​មាន​ជាប់​ចំណង ប៉ុន្តែ​​មាន​ជិវិត​រីក​រាយ​ជា​របស់​គេ ដូច្នេះ​ហើយ​ការ​មាន​ទំនាក់​ទំនង​ឈាន​ទៅ​ដល់​ការ​រៀបការ​អាច​ធ្វើ​ឲ្យ​ពួក​គេ​គិត​ថា​ជា​រឿង​រំខាន​និង​គ្មាន​សេរីភាព​។ ពិត​ណាស់​ថា​មនុស្ស​ម្នាក់​ៗ​ត្រូវ​ការ​សេរីភាព​ជា​របស់​ខ្លួន ប៉ុន្តែ​ចំណុច​ដែល​សំខាន់​មួយ​ទៀត​នោះ​គឺ​សេរីភាព​ទាំង​នោះ​អាច​ធ្វើ​ឲ្យ​ពួក​គេ ទាំង​ប្រុស​ទាំង​ស្រី ក្លាយ​ជា​មនុស្ស​អាត្មា​និយម គិត​តែ​ពី​​ខ្លួន​ឯង​។

អសមត្ថភាព​ក្នុង​ការ​រក្សា​ទំនាក់​ទំនង

ហេតុ​​ផល​​ដែល​​មនុស្ស​ចង់​នៅ​លីវ ក៏​ព្រោះ​តែ​ពួក​គេ​មិន​ចេះ​បត់​​បែន​តាម​កាលៈទេសៈ គ្មាន​សមត្ថភាព​ចែក​រំលែក​ក្តី​ស្រឡាញ់ និង​មិន​បាន​ខ្វល់ខ្វាយ​ពី​មនុស្ស​នៅ​ក្បែរ​ខ្លួន​។ ការ​ធ្វើ​បែប​នេះ​អាច​ធ្វើ​ឲ្យ​គូរ​ស្នេហ៍​អស់​សង្ឃឹម​នឹង​នៅ​ជា​មួយ​គ្នា​ទៀត​លែង​បាន ព្រោះ​ថា​រស់​នៅ​ជា​មួយ​គ្នា​តែ​គ្មាន​អ្នក​យល់​ចិត្ត​ដដែល​។ ហេតុ​នេះ​យើង​សន្និដ្ឋាន​បាន​ថា ភាព​គ្មាន​សមត្ថភាព​រក្សា​ទំនាក់​ទំនង និង​ការ​ចង់​បាន​សេរីភាព​ជ្រុល​ហួស​ហេតុ បាន​ធ្វើ​ឲ្យ​មនុស្ស​សុខ​ចិត្ត​នៅ​ម្នាក់​ឯង។

អសមត្ថភាព​សេដ្ឋកិច្ច

បើ​សិន​ជា​​មិន​បាន​ផ្តល់​ការ​ស្រឡាញ់ ឬ​ចែក​រំលែក​អារម្មណ៍ ក៏​​អាច​​ជា​បញ្ហា​នៃ​ភាព​នៅ​លីវ​ដែរ។ ដូច្នេះ​អសមត្ថភាព​ក្នុង​ការ​គ្រប់គ្រង​សេដ្ឋកិច្ច​ក៍​អាច​ជា​ហេតុផល​សម​ស្រប​មួយ​ដែរ​។ មាន​ពេល​ខ្លះ​នៅ​ពេល​ដែល​ប្តី ឬ​ប្រពន្ធ​រអ៊ូ​និង​ត្អួញត្អែរពី​រឿង​ខ្វះ​លុយ ឬ​របស់​ប្រើប្រាស់​ផ្សេង​ៗ​ វា​​ធ្វើ​ឲ្យ​មនុស្ស​មាន​ភាព​ធុញ​ទ្រាន់  ហើយ​មនុស្ស​មួយ​ចំនួន​ដែល​មិន​មាន​គម្រោង​ថរិកាច្បាស់​លាស់ គ្មាន​បំណង​រៀប​ការ​ទេ​ជាពិសេស​គឺ​បុរស​តែ​ម្តង។

បទ​ពិសោធន៍​ចាស់​ៗ

មនុស្ស​ដែល​មិន​អាច​ផ្លាស់​ប្តូរ​គំនិត​អហង្កា​ដែល​ធ្លាប់​បាន​គិត​ទុក​គឺ​ច្រើន​តែ​នៅ​លីវ។ ចំណង​អាពាហ៍​ពិពាហ៍​អាច​មាន​ការ​លែង​លះ ចំណង​ទំនាក់​ទំនង​ក៏​អាច​មាន​ការ​បែក​បាក់ ហើយ​រឿង​ទាំងនេះ​តែង​កើតឡើង​ជៀស​មិនផុត​។ ការ​ទទួល​អារម្មណ៍​ឈឺ​ចាប់​ពី​ការ​បែក​បាក់​ទំនាក់​ទំនង​រយៈ​ពេល​យូរ​អាច​ធ្វើ​ឲ្យ​មាន​បញ្ហា​បេះដូង​រមួល ឬ​ពិបាក​ក្នុង​ការ​ទទួល​ក្តី​ស្រឡាញ់​ជា​ថ្មី ។ តែ​បើ​សិន​ជា​មនុស្ស​គ្រប់​គ្នា​មិន​ដែល​​មាន​ទំនាក់​ទំនង​ស៊ី​ជម្រៅ​ទេ​នោះ ប្រហែល​ជា​មិន​មាន​បញ្ហា​ទាំង​នេះ​ទេ។ ជួន​កាល​ការ​មើលឃើញ​ឬ​ជួប​ប្រទះ​ការ​បែក​បាក់​ច្រើន​លើក​ច្រើន​សារ​ជា​ពិសេស​នៅ​ពេល​វ័យ​ក្មេង ក៏​ជា​មូល​ហេតុ​ធ្វើ​ឲ្យ​មនុស្ស​ជៀស​ឲ្យ​កាន់​តែ​ឆ្ងាយ​ពី​ការ​រៀប​ការ។

ការ​ចង់​មាន​គូ​ស្នេហ៍​ច្រើន

វា​ជា​ការ​ពិត​ដែល​អាច​ថា​មាន​អ្នក​ខ្លះ​ចង់​មាន​ភាព​សប្បាយ​ខាង​ផ្លូវ​ភេទ​ដោយ​មាន​ដៃ​គូ​ច្រើន​។ មនុស្ស​ដែល​មាន​​ទំនាក់​ទំនង​ស៊ី​ជម្រៅ តែង​តែ​ប្រើ​ភាព​នៅ​លីវ​របស់​ខ្លួន​ទៅ​មាន​ដៃ​គូ​ច្រើន​នាក់​ហើយ​និង​បាន​បំពេញ​សេចក្តី​ត្រូវ​ការ​ផ្លូវ​ភេទ​តាម​ចំណង់​របស់​ខ្លួន   ដែល​​អ្នក​បាន​រៀបការ​រួច​ហើយ​គ្មាន​លទ្ធភាព​ធ្វើ​បាន​ដូច​ឡើយ។ សរុប​ទៅ​ការ​ដែរ​នៅ​លីវ​គឺ​វា​មាន​សេរីភាព​ធ្វើ​អ្វី​ៗ​បាន​ច្រើន​ជាង។

មានទ្រឹស្តី​និង​បញ្ហា​មូលដ្ឋាន​របស់​សង្គម​ជា​ច្រើន​ដែល​មាន​ឥទ្ធិពល​ដល់​ការ​សម្រេច​ចិត្ត​​ផ្ទាល់​របស់​មនុស្ស​ម្នាក់​ៗ​។ ទោះ​ជា​យ៉ាង​ណា​ក៏​ដោយ យើង​​អាច​​ទទួល​ស្គាល់​ការ​ពិត​ថា​មាន​អ្នក​ខ្លះ​ចង់​រស់​នៅ​តែ​ម្នាក់​ឯង​ដោយ​​កត្តា​​ផ្សេង​ៗ។  រឿង​ដែល​សំខាន់​គឺយើង​សង្ឃឹម​ថា​មនុស្ស​ទាំង​នោះ​មាន​ការ​គ្រប់គ្រង​ខ្លួន​ឯង​ឲ្យ​បាន​ខ្ពស់។

Like ផេក អាឡាដាំង Like Ahladang ដើម្បី​ទទួលបានពត៌មានជាច្រើនទៀត។

មូលហេតុដែលអ្នកបែកបាក់ស្នេហា ត្រូវឈឺចាប់ខ្លាំង

broken heart

វា​គឺ​ជា​អារម្មណ៍​សាកល គឺ​ជា​អារម្មណ៍​ដែល​មាន​ពេល​ខ្លះ​ឈឺ​ចាប់​ខ្លាំង ពេល​ខ្លះ​ក៏​ឈឺ​ចាប់​តិច​ទៅ​តាម​ទំហំ​បញ្ហា។ ប៉ុន្តែ​នៅ​ពេល​បែក​បាក់​ស្នេហា ទោះ​ជា​មាន​អ្នក​ខ្លះ​ឈឺ​ចាប់​ខ្លាំង​ និង​អ្នក​ខ្លះ​ទៀត​ឈឺ​ចាប់​តិច ក៏​វា​នៅ​តែ​ជា​ការ​ឈឺ​ចាប់​មួយ​ដែល​មនុស្ស​ស្រី​ប្រុស​មិន​អាច​គេច​ផុត​បាន។ មាន​អ្នក​ស្រាវ​ជ្រាវ​មួយ​ចំនួន​បាន​ចាប់​អារម្មណ៍​លើ​រឿង​នេះ ហើយ​ពួក​គេ​បាន​រក​ឃើញ​​​មូល​ហេតុ​ដែល​​ធ្វើ​អោយ​​មនុស្ស​​មួយ​ចំនួន​ឈឺ​ចាប់​ខ្លាំង និង​មួយ​ចំនួន​ទៀត​​​ឈឺ​ចាប់​តិច បន្ទាប់​ពី​បែក​បាក់​ស្នេហា។

ការ​ស្រាវជ្រាវ​បាន​រក​ឃើញ​​ថា​មនុស្ស​​មួយ​ចំនួន​ទទួល​បាន​អារម្មណ៍​ឈឺ​ចាប់​ និង​គិត​ច្រើន​​ដោយ​សារ​តែ៖

  • ពេញ​ចិត្ត​នឹង​​ស្នេហា​ខ្លាំង​ពេក
  • មាន​ការ​តាំង​ចិត្ត​ខ្ពស់​ចំពោះ​ស្នេហា​របស់​ពួក​គេ
  • មាន​ទំនាក់​ទំនង​ស្នេហា​យូរ​អង្វែង​ហើយ (ចាប់​ពី​៣ឆ្នាំ)
  • ពួក​គេ​មិន​មែន​ជា​ដើម​ហេតុ​នាំ​អោយ​មាន​ការ​បែក​បាក់
  • ដៃ​គូ​របស់​ពួក​គេ​មាន​អ្នក​ផ្សេង

កត្តា​ទាំង​អស់​នេះ​​ជា​ភាសា​អង់​គ្លេស​ហៅ​ថា attachment style ​ដែល​បង្កើត​ជា​ គំនិត ជំនឿ អារម្មណ៍ របស់​ពួក​គេ​​លើ​ដៃ​គូរ​របស់​ពួក​គេ ហើយវា​​នឹង​មាន​ឥទ្ធិពល​ខ្លាំង​ទៅ​លើ​ការ​ឈឺ​ចាប់​របស់​ពួកគេ បន្ទាប់​ពី​​​ពួក​គេ​បែក​បាក់​ស្នេហា។​

ការ​ស្រាវ​ជ្រាវ​មួយ​ជា​មួយ​អ្នក​ចូល​រួម​ ៥០០០ នាក់​បាន​ប្រាកដ​ថា​ attachment style ពិត​ជា​ជះ​ឥទ្ធិពល​ខ្លាំង​លើ​ការ​ឈឺ​ចាប់​បន្ទាប់​ពី​បែក​បាក់​ស្នេហា​​ពិត​មែន។ ក្នុង​ចំណោម​មនុស្ស​​ ៥០០០ នាក់​នោះ​ គឺមាន​អារម្មណ៍​ឈឺចាប់​ខ្លាំង មាន​អាកប្បកិរិយា​​អវិជ្ជមាន ចូល​ចិត្ត​បន្ទោស​ខ្លួន​ឯង ឆាប់​ខឹង មាន​អារម្មណ៍​ស្មុគ គិត​ច្រើន ហើយ​ចង់​វិល​ត្រ​ឡប់​​​មក​រក​មនុស្ស​ដែល​ពួក​គេ​ស្រ​ឡាញ់​វិញ។ មនុស្ស​​ទាំង​នេះ​ចូល​ចិត្ត​ងាក​ទៅ​រក​មិត្ត​ភក្តិ​ និង​គ្រួសារ​ដើម្បី​ជួយ​លួង​លោម​ពួក​គេ។

ក្រុម​មនុស្ស​មួយ​​ក្រុម​​ទៀត​ដែល​មិន​មាន attachment style បាន​បង្ហាញ​ថា​​ពួក​គេ​អាច​គ្រប់​គ្រង​ខ្លួន​ឯង​បាន មិន​សូវ​ពឹង​ផ្អែក​លើ​មិត្ត​ភក្តិ គ្រួសារ​ និង​អាច​​រក​អ្នក​​ថ្មី​មក​ជំនួស​បាន។

ការ​ស្រាវ​ជ្រាវ​មួយ​នេះ​បាន​សង្ខេប​ថា កត្តា​ដែល​កំណត់​អោយ​អ្នក​បែក​បាក់​ស្នេហា​ឈឺចាប់​តិច រឺ​ខ្លាំង​ គឹអាស្រ័យ​លើ​ប្រ​ភេទ​ attachment style ដែល​ពួក​គេ​មាន។ ឧទាហរណ៍៖ អ្នក​ដែល​​ចេះ​ទប់​អារម្មណ៍​នៅ​ពេល​ស្និទ្ធ​ស្នាល​ជាមួយ​ដៃ​គូរ មាន​ទំនុក​ចិត្ត​ខ្ពស់​ពេល​នៅ​ម្នាក់​ឯង និង​ជឿ​ជាក់​​លើ​សមត្ថភាព​ខ្លួន​ឯង​​ថា​អាច​រក​​​ដៃ​គូរ​ថ្មី​បាន គឺ​ធ្វើ​អោយ​ពួក​គេ​មាន​ជំហរ​រឹង​មាំ​ទោះ​បី​ជា​ទើប​តែ​បែក​បាក់​ស្នេហា​ក៏​ដោយ។ មនុស្ស​ប្រ​ភេទ​នេះ​ភាគ​ច្រើន​គឺ​ជា​មនុស្ស​ដែល​មាន​បទ​ពិសោធន៍​ផ្លាស់​ប្តូរ​​ដៃ​គូរ​ច្រើន។​ ដោយ​ឡែក រិឯ​មនុស្ស​ដែល​ចូល​ចិត្ត​ស្និទ្ធស្នាល​ជា​មួយ​ដៃ​គូរ​ច្រើន​ពេក នឹង​មាន​អារម្មណ៍​ឈឺ​ចាប់​ខ្លាំង និង​គិត​ច្រើន​នៅ​ពេល​ដែល​បែក​បាក់​ស្នេហា។

ហេតុ​ដូច​នេះ​ហើយ ប្រ​សិន​បើ​អ្នក​​ចំណាយ​ពេល​វេលា​ជា​មួយ​មិត្ត​ភក្តិ​ច្រើន​ និង​ជា​មួយ​មនុស្ស​ដែល​អាច​​រំលឹក​អោយ​អ្នក​ចេះ​ស្រឡាញ់​ខ្លួន​ឯង និង​មាន​គំនិត​សុទិដ្ឋិនិយម​បាន​ច្រើន អ្នក​នឹង​អាច​គ្រប់​គ្រង​អារម្មណ៍​ឈឺចាប់​ខ្លាំង​បាន​ បន្ទាប់​ពី​អ្នក​បែក​បាក់​ស្នេហា​ជា​មួយ​ដៃ​គូរ​របស់​អ្នក។​

ប្រភព៖ Science of Relationships

Like ផេក អាឡាដាំង Like Ahladang ដើម្បី​ទទួលបានពត៌មានជាច្រើនទៀត។​

គន្លឹះចិត្តសាស្ត្រក្នុងការទាក់ទាញបុរស

និយាយ​តាម​ត្រង់​មក​ចុះ​ថា​​អ្នក​មិន​មាន​គោល​បំ​ណង​​អាន​អត្ថបទ​នេះ​ដើម្បី​​​យក​ទៅ​អនុវត្ត​ ឬ​គ្រាន់​តែ​ឃើញ​​ប្រ​ធាន​បទ​គួរ​ឲ្យ​ចាប់​អារម្មណ៍​ប៉ុណ្ណោះ។ អ្នក​ប្រ​ហែល​ជា​គិត​បែប​នេះ។
យ៉ាង​ណា​ក៏​ដោយ ក្នុង​​ករណី​ដែល​អ្នក​​ចង់​បង្ហាញ​បុរស​​ម្នាក់​អោយ​​ចាប់​អារម្មណ៍​មក​លើ​អ្នក ​ចំណេះ​ដឹង​ដែល​បាន​ធ្វើ​តេស្ត​តាម​រយៈ​ចិត្ត​សាស្ត្រ​​អាច​ឲ្យ​​អ្នក​យក​ទៅ​សាក​ល្បង​បាន។ តោះ​ចាប់​ផ្តើម!

១. ដើរ​ទៅ​មុខ​ (បុរស​នោះ)

lean forward

ភាសា​កាយ​វិកា​ជា​​ធាតុ​ផ្សំ​សំខាន់​ដែល​ធ្វើ​ឲ្យ​រូប​គេ​ចាប់​អារម្មណ៍​អ្នក។ នៅ​ពេល​អ្នក​ឈរ​ត្រង់​ខ្លួន​ និង​មាន​ទំនុក​ចិត្ត រូប​គាត់​នឹង​​កត់​សម្គាល់​ចំនុច​នេះ។

ភាសា​កាយ​វិកា​ខ្លះ​អាច​អោយ​គាត់​​ចាប់​អារម្មណ៍​អ្នក​ តាម​រយៈ​ឈរ​ចំពោះ​មុខ​គាត់។

២. ប្រើ​ភ្នែក​ទាំង​គូរ​ជា​មួយ​ស្នាម​ញញឹម

eye contact

Eye contact រឺ​ ការ​ប្រើ​ភ្នែក​ទាក់​ទាញ​បង្កើន​​កំរឹត​ភាព​ទាក់​ទាញ​​​ ប៉ុន្តែ​អ្នក​គួរ​តែ​ធ្វើ​បែប​នោះ​ជា​មួយ​ស្នាម​ញញឹមរបស់​អ្នក ដើម្បី​បង្កើត​វេទមន្ត​ទ្វេ​ដង។ សាកល​វិទ្យា​ល័យ Missouri បាន​សិក្សា​ពី​ការ​ពិសោធន៍​នេះ​រួច​ទៅ​ហើយ។ នារី​ដែល​​ប្រើ​ភ្នែក​ទាក់​ទាញ អាច​ធ្វើ​ឲ្យ​បុរស​មក​ទាក់​ទង​នាង​បាន​ដល់​ទៅ​ ២០ ភាគរយ។ រីឯ​នារី​ដែល​បន្ថែម​ស្នាម​ញញឹម​ជាមួយ​ភ្នែក​ទាក់​ទាញ​របស់​នាង បន្ថែម​ឱកាស​​ដល់​ទៅ ៦០ ភាគ​រយ។

ពេល​ខ្លះ​ស្នាម​ញញឹម​អាច​មាន​ឥទ្ធិពល​ជាង​ការ​ចំណាយ​ពេល​ make up ទៅ​ទៀត។​

៣. ការ​ផាត់​មុខ​ភ្លឺ

light makeup

អ្នក​គួរ​ប្រើ​​ប្រ​ភេទ​ឧបករណ៍​ផាត់​មុខ​ឱ្យ​ភ្លឺ​ដើម្បី​បង្កើន​ភាព​ទាក់ទាញ។ ពន្លឺ​​តិចៗ​នៅ​​លើ​រង្វង់​ភ្នែក​ និង​បបូរ​មាត់​​​ត្រូវ​បានការ​​សិក្សា​មួយ​បង្ហាញ​ថា​វា​មាន​អត្រា​​​ទាក់​ទាញ​ខ្ពស់​សំរាប់​បុរស។ បើ​អ្នក​កំពុង​មាន​ការ​ណាត់​ជួប​ដ៏​រ៉ូមែន​តិច​មួយ អ្នក​គួរ​ជ្រើស​កន្លែង​ណាត់​ជួប​ណា​ដែល​អាច​ធ្វើ​ឲ្យ​ការ​ផាត់​មុខ​របស់​អ្នក​ជះ​​ពន្លឺ​តិចៗ​ដើម្បី​ទាក់​ទាញ​បុរស​របស់​អ្នក។​

៤. ធ្វើ​តាម​គាត់

mimick

ការ​សិក្សា​មួយ​ទៀត​បាន​បង្ហាញ​ថា​ការ​ធ្វើ​​​ត្រាប់​តាម​មនុស្ស​ម្នាក់​នឹង​ធ្វើ​ឲ្យ​គេ​ចាប់​អារម្មណ៍​អ្នក។ នេះ​​មិន​មែន​មាន​ន័យ​ថា​អ្នក​ត្រូវ​ធ្វើ​តាម​ចលនា​របស់​គេ​​ទាំង​អស់​នោះ​ទេ។ ឧទាហរណ៍៖ អ្នក​​អាច​​បង្កើត​ទម្លាប់​ឈរ​បត់​ដៃ​ រឺ​ផឹក​​ភេស្ជៈ​តាម​ស្តាយ​របស់​គាត់។

៥. ធ្វើ​ចលនា​នៅ​ខាង​ឆ្វេង​ដៃ​របស់​គេ

ខួរ​ក្បាល​ខាង​ស្តាំ​គឺ​ជា​ទី​កន្លែង​ដែល​ផ្ទុក​ទៅ​ដោយ​អារម្មណ៍ និង​​សម្រស់។ ប្រ​សិន​អ្នក​ដើរ​ទៅ​ខាង​ឆ្វេង​ដៃ​គាត់ និង​និយាយ​​នៅ​ជិត​ត្រ​ចៀក​ខាង​ឆ្វេង​របស់​គាត់ សំឡេង​នោះ​នឹង​ជ្រាត​ចូល​ទៅ​ក្នុង​ខួរ​ក្បាល​ខាង​ឆ្វេង​របស់​គាត់។ មាន​ន័យ​ថា​នៅ​ពេល​ដែល​អ្នក​និយាយ​ទៅ​កាន់​គាត់ រូប​គាត់​កាន់​តែ​ចាប់​អារម្មណ៍​អ្នក។ កា​រស្រាវ​ជ្រាវ​ពី​សាកល​វិទ្យា​ល័យ Sam Houston State University បានរក​ឃើញ​ថា ពាក្យ​ ដែល​ទាក់​ទង​នឹង​អារម្មណ៍​ត្រូវ​បាន​ធ្វើ​ឲ្យ​លឺ​ចេញ​ពី​ត្រ​ចៀក​ខាង​ឆ្វេង​របស់​បុរស។​

៦. ប្រើ​ទឹក​អប់

perfume1

ទឹក​អប់​បង្កើត​ក្លិន​ក្រ​អូប​ និង​បន្សល់​ទុក​ការ​ចង​ចាំ​ដល់​បុរស។ ដូចនេះ​ បើអ្នក​ប្រើ​ទឹក​អប់​នៅ​ពេល​នៅ​ជា​មួយ​គាត់ គាត់​នឹង​ចង​ចាំ​អ្នក។​

៧. ជួប​គ្នា​នៅ​ពេល​​ដែល​មាន​ថ្ងៃ​បើក​ល្អ

អាកាស​ធាតុ​កក់​ក្តៅល្អបង្កើន​ភាព​សប្បាយ។ ជួប​គាត់​នៅ​ពេល​នោះ​ធ្វើ​អោយ​អ្នក​ទាំង​ពីរ​​មាន​ភាព​រីក​រាយ​ជាមួយ​គ្នា។ នៅ​ពេល​មាន​អារម្មណ៍​ល្អ​ជា​មួយ​គ្នា អ្នក​កាន់​តែ​ចង់​នៅ​ជាមួយ​គ្នា​ឲ្យ​បាន​យូរ។​

៨. ប្រើ​ពណ៌ក្រហម

girl in red

ការ​សិក្សា​បង្ហាញ​​ច្បាស់​ម្តង​ហើយ​ម្តង​ទៀត​ថា បុរស​ពិត​ជា​ចូល​ចិត្ត​នារី​ក្នុង​ឈុត​ពណ៌​ក្រហម។ ស្លៀក​ពាក់​ពណ៌​ក្រហម​មិន​មែន​ធ្វើ​ឲ្យ​គាត់​ស្រឡាញ់​អត្ត​ចរិត​របស់​អ្នក​ទេ ប៉ុន្តែ​វា​អាច​ទាក់​ទាញ​ភ្នែក​របស់​គាត់​ក្នុង​ចំណោម​មនុស្ស​ផ្សេង​ទៀត​ដែល​មិន​មាន​ពណ៌​ក្រ​ហម។

ការ​សិក្សា​ដោយ​​ចិត្ត​សាស្ត្រ​ បង្ហាញ​ថា​សំលៀក​បំពាក់​ និង​បបូរ​មាត់​ពណ៌​ក្រហម​ឆក់​យក​​ការ​ផ្តោត​អារម្មណ៍​របស់​បុរស។​

៩. សើច​តិចៗ (Giggle)

giggle

Giggle មិន​មែន​ជា​លក្ខណៈ​សើច​ហា​មាត់​ធំៗ ហើយ​បើក​ក្រ​ពះ​បញ្ចេញ​សំឡេង​ខ្លាំង​ៗ​នោះ​ទេ។ Giggle គឺ​ជា​ការ​សើច​តិចៗ បង្កើត​សំលេង​តិចៗ​ចេញ​ពីពោះ។ ការ​សើច​បែប​នេះ​​គួរ​ឲ្យ​ស្រ​ឡាញ់​ ជា​ពិសេស​ចំពោះ​នារី។ ប្រសិន​បើ​គាត់​ចូល​ចិត្ត​និយាយ​អ្វី​មួយ​គួរ​ឲ្យ​ចង់​សើច អ្នក​គួរ​សើច​តិចៗ​បែប​នេះ​ដើម្បី​បង្កើន​ភាព​គួរ​ឲ្យ​ស្រ​លាញ់​របស់​អ្នក និង​ដើម្បី​រក្សា​ការ​សន្ទនា​ជាមួយ​គាត់​អោយ​បាន​យូរ។​

១០. និយាយ​​សំលេង​ខ្ពស់

អ្នក​មិន​អាច​គ្រប់​គ្រង​សំលេង​ធម្ម​ជាតិ​របស់​អ្នក​បាន​ទេ ប៉ុន្តែ​អ្នក​អាច​កែប្រែ​បាន​បន្តិច​បន្តួច​នៅ​ពេល​ណា​ដែល​សម​គួរ។​ បុរស​ចាប់​អារម្មណ៍​នារី​ដែល​មាន​សំលេង ខ្ពស់ ជាមួយ​ការ​លើក​ដាក់​សំលេង​នៅ​ពេល​និយាយ។​ សំលេង​បែប​នេះ​គឺ​ជា​តន្ត្រី​ពិរោះគួរ​ឲ្យ​ចាប់​អារម្មណ៍។ អ្នក​អាច​លើក​សំលេង​អោយ​បាន​ខ្ពស់​ពីរទៅ​បី​ពាក្យ​ក្នុង​មួយ​ប្រ​យោគ ដើម្បី​អោយ​ផ្អែមនិង​មាន​ភាព​ជា​នារី នៅ​ពេល​ដែល​អ្នក​និយាយ​ទៅ​កាន់​បុរស​ដែល​អ្នក​ចាប់​អារម្មណ៍។​

១១. កុំដើរ តែ Strut

Strut មិន​មែន​ជា​ការ​ដើរ​តាម​ធម្ម​ជាតិ​នោះ​ទេ វា​គឺ​ជា​ការ​ដើរ​ដោយ​មាន​ភាព​ជឿជាក់។ ប្រ​សិន​អ្នក​ដើរ​ដោយ​គ្រវី​ត្រគាក​ពីម្ខាង​ទៅម្ខាង បុរស​នឹង​ចាប់​អារម្មណ៍​អ្នក ដូចជានៅ​ពេល​អ្នក​ដើរ អ្នកអាចឈាន​ជើង​អោយ​បាន​វែង​បន្តិចជាមួយ​និង​ត្រគាក​ដ៏​គួរអោយ​ចាប់​អារម្មណ៍​របស់​អ្នក​។

១២. សម្អាត​ខ្លួន​

អស់​រយៈ​ពេល​យូរ​មក​ហើយ ភាព​ទាក់​ទាញ​របស់​នារី​គឹ​ស្ថិត​ត្រង់​ស្បែក​ចែង​ចាំង​ និង​ស្អាត​របស់​ពួក​គេ។ ហេតុ​ដូច​នេះ​ បុរស​ចូល​ចិត្ត​នារី​ណា​ដែល​មាន​ស្បែក​ភ្លឺ​ និង​ស្រស់​ស្អាត។

ដើម្បី​អោយ​បាន​ស្បែក​ស្អាត​ អ្នក​ត្រូវ​ចាប់​ផ្តើម​ពី​ខាង​ក្នុង។ ត្រូវ​ផឹក​ទឹក​អោយ​បាន​ច្រើន ញាំ​បន្លែ​និង​ផ្លែ​ឈើ​អោយ​បាន​ច្រើន និង​ញាំ​វីតាមីន​​ដើម្បី​មាន​ស្បែក​ភ្លឺ​ស្អាត។​

១៣. ធ្វើ​ជា​មនុស្ស​គួរ​អោយ​ចាប់​អារម្មណ៍

បុរស​ក៏​ជា​មនុស្ស​ដែរ ដូច​អ្នក​ហើយ​និង​ខ្ញុំ​អញ្ចឹង។​ ពួក​គេ​ចង់​បាន​ភាព​សិច​ស៊ី និង​ចំណេះ​ដឹង​ពី​អ្នក។​ ដើម្បី​ទាក់​ទាញ​ពួក​គេ អ្នក​គួរ​ដឹង​តិច​តួច​អំពី​ប្រ​ធាន​បទ​មួយ​ចំនួន​ដូច​ជា ប្រ​វត្តិ​សាស្ត្រ វិទ្យា​សាស្ត្រ ព្រឹត្តិការណ៍​ថ្មីៗ។ ឧ​ទាហរណ៍៖ បុរស​ចាប់​អារម្មណ៍​នារី​ដែល​យល់​ដឹង​អំពី​កីឡា​បាល់​ទាត់​។

ដើម្បី​បង្កើត​ការ​សន្ទនា​ដ៏​ចាប់​អារម្មណ៍​មួយ​ជា​មួយ​បុរស​ដែល​អ្នក​ចាប់​អារម្មណ៍ អ្នក​ត្រូវ​មាន​ទាំង​រូប​រាង​ដ៏​គួរ​អោយ​ចាប់​អារម្មណ៍ និង​ចំណេះ​ដឹង​ដែល​ពួក​គេ​មិន​នឹក​ស្មាន​ដល់។

ទាំង​អស់​នេះ​គឺ​ជា​ការ​សិក្សា​តាម​បែប​វិទ្យា​សាស្ត្រ​ដែល​អាច​អោយ​អ្នក​ជឿ​ទុក​ចិត្ត​បាន។ ​មិន​ចាំ​បាច់​ទាំង​អស់​នោះ​ទេ អ្នក​គ្រាន់​តែ​ជ្រើស​រើស​ប៉ុន្មាន​ចំនុច​យក​ទៅ​សាក​ល្បងបាន។ ចុង​ក្រោយ​សង្ឃឹម​ថា​អ្នក​ទាំង​អស់​គ្នា​នឹង​ចូល​ចិត្ត​​​អត្ថបទ​ចំណេះ​ដឹង​នេះ។

ប្រភព៖ allwomenstalk

Like ផេក អាឡាដាំង Like Ahladang ដើម្បី​ទទួលបានពត៌មានជាច្រើនទៀត។​

ការប្តេជ្ញាចិត្ត និងការរក្សាទំនាក់ទំនងស្នេហាយូរអង្វែង

ការ​ប្តេជ្ញា​ចិត្ត​គឺ​ជា​រូប​ភាព​សំខាន់​និង​​ចាស់​ទុំ​មួយ​ក្នុង​ទំនាក់​ទំនង​ដៃ​គូរ​រវាង​បុរស​និង​ស្រ្តី។ ការ​ប្តេជ្ញា​ចិត្ត​អាច​ចាត់​ទុក​ជា​សមិទ្ធផល​នៃ​ទំនាក់​ទំនង​ស្នេហា​របស់​ដៃ​គូរ​ដែល​បង្ហាញ​ពី​​ ការ​លះ​បង់ ការ​យល់​គ្នា​ទៅ​វិញ​ទៅ​មក និង​ការ​រៀប​ចំ​ខ្លួន​ដើម្បី​ចំណាយ​ពេល​មួយ​ជីវិត​ជា​មួយ​គ្នា។ ហើយ​ការ​ប្តេជ្ញា​ចិត្ត​នេះ​ទៀត​សោត គឺ​ជា​​​នីតិ​វិធី​​នៃ​ការ​សម្រេច​ចិត្ត​​ជ្រើស​រើស​មនុស្ស​ណា​ម្នាក់​ដែល​អ្នក​ស្រ​លាញ់​ក្នុង​​មួយ​ឆាក​​ជីវិត​​របស់​អ្នក។ សារ:ប្រ​យោជន៍​​​បាន​មក​ពី​ការ​ប្តេជ្ញា​ចិត្ត​នេះ​ ធ្វើ​ឲ្យ​ទំនាក់​ទំនាង​​ស្នេហា​មាន​ស្ថេរ​ភាព រឹង​មាំ មាន​ជំនឿ​ទុក​ចិត្តទៅ​វិញ​ទៅ​មក និង​ភាព​ញញឹម​។​ តើ​ធ្វើ​យ៉ាង​ដូច​ម៉្តេច​ទើប​ដឹង​ថា​ខ្លួន​មាន​ការ​ប្តេជ្ញា​ចិត្ត?

ការប្តេជ្ញាចិត្ត និងការរក្សាទំនាក់ទំនងស្នេហាយូរអង្វែង

ស្គាល់​ខ្លួន​ឯង​ជា​មុន

ចាំ​បាច់​ណាស់​ដែល​អ្នក​ត្រូវ​យល់ច្បាស់​អំ​ពី​ខ្លួន​ឯង។ អ្នក​​គួរ​សួរខ្លួនឯងថា​មនុស្ស​ដែល​អ្នក​ស្រ​លាញ់​ពិត​ជា​មនុស្ស​ដែល​អ្នក​ត្រូវ​ការ​​​រឺ​ទេ។ ធ្វើ​តាម​ចិត្ត​និង​បេះ​ដូង​ខ្លួន​ឯង។ ឧ​ទាហរណ៍៖ បើ​អ្នក​​រីក​រាយ​នៅ​ពេល​គិត​ពី​មនុស្ស​ដែល​អ្នក​ស្រ​លាញ់ រឺ​នៅ​ពេល​ជួប​ជា​មួយ​គាត់ រឺ​​ទទួល​បាន​អារម្មណ៍​ស្មោះ​ត្រង់​ទៅ​វិញ​ទៅ​មក ពេល​នោះ​ហើយ​ដែល​អ្នក​អាច​កំណត់​យក​មនុស្ស​ដែល​អ្នក​នឹង​រស់​នៅ​ជាមួយអស់​មួយ​ជី​វិត​។ ភាព​ស្មោះ​ត្រង់​គឺ​ជា​កត្តា​​ជុំ​រុញ​មួយ​ទៀត។​ ដូច​នេះ​អ្នក​​ត្រូវ​ប្រាកដ​ថា​អ្នក​មិន​លាក់​បាំង​អ្វី​មួយ​ពី​​​មនុស្ស​ដែល​អ្នក​ស្រ​លាញ់​ឡើយ ព្រោះ​គាត់​មាន​សិទ្ធិ​ដឹង​អំពី​វា។​

ចំណាយ​ពេល​ស្មើរ​គ្នា​ជាមួយ​គ្នា

ការ​ចំណាយ​ពេល​​​ដើម្បី​ស្វែង​យល់​អំ​ពី​គ្នា​សិន​ គឺ​សំខាន់​មុន​ពេល​ឈាន​ដល់​ទំនាក់​ទំនង​ស្នេហា។ ពេល​វេ​លា​នេះ​អាច​ឲ្យ​អ្នក​ស្គាល់​អ្វី​ដែល​គាត់​ចូល​ចិត្ត​ អ្វីដែល​គាត់​មិន​ចូល​ចិត្ត ធម្ម​ជាតិ​របស់​គាត់ ទម្លាប់​របស់​គាត់ បាន​យ៉ាង​ស៊ី​ជំរៅ និង​ផ្តល់​ឱកាស​ឲ្យ​អ្នក​វាយ​តម្លៃ​ពី​មនុស្ស​ដូច​គាត់ក្នុង​រូប​ភាព​មួយ​ដែល​អ្នក​បាន​កំណត់​សំរាប់​ទំនាក់​ទំនង​យូរ​អង្វែង​ដែល​បាន​គិត​ទុក។ ពេល​ខ្លះ​ពេល​វេលា​នេះ​ធ្វើ​ឲ្យ​អ្នក​ផ្លាស់​ប្តូរ​ការ​វាយ​តម្លៃ​ខុស​លើ​រូប​គាត់ មក​ជា​ត្រូវ​វិញ។​ ក្នុង​ពេល​វេលា​​ដែល​អ្នក​ព្យាយាម​ស្គាល់​គាត់​នេះ អ្នក​​ត្រូវ​​ធ្វើ​ជា​​មនុស្ស​ដែល​មាន​ចរិត​​ធម្ម​ជាតិ​នៅ​ចំពោះ​មុខ​គាត់ ​ដើម្បី​ឲ្យ​ច្បាស់​ថា​រូប​គាត់​ពិត​ជា​ស្រលាញ់​មនុស្ស​ដែល​មាន​ចរិត​ដូច​អ្នក​​ប្រាកដ​​រឺ​ទេ។​

ភាព​ស្មើរ​គ្នា

ភាព​ស្មើរ​គ្នា​​អាច​ជា​រូប​ភាព​ច្រើន​ ដូច​ជា​ការ​សម្រេច​ចិត្ត និង​សេរី​ភាព។ ដៃ​គូរ​ទាំង​ពីរ​នាក់​មិន​គួរ​គិត​ថា​ខ្លួន​​មាន​សិទ្ធិ រឺ​អំណាច​ច្រើន​ជាង​ខាង​ណា​នោះ​ទេ។ ការ​យល់​អំពី​ភាព​ស្មើរ​គ្នា បង្កើត​ភាព​ស្ងប់​ស្ងាត់ ដំណោះ​ស្រាយ និង​សុខមាល​ភាព​ ក្នុង​ទំនាក់​ទំនង​រួច​ទៅ​ហើយ។ ដៃ​គូរ​ដែល​មាន​ម្ខាង​​ចូល​ចិត្ត​បញ្ជា និង​ម្ខាង​​ទៀត​ស្តាប់​បង្គាប់ មិន​មែន​ស្តែង​ពី​ការ​ប្តេជ្ញា​ចិត្ត​របស់​បុគ្គល​ឡើយ ដោយ​សារ​ហេតុ​ផល​មិន​ពេញ​ចិត្ត​​ពី​បុគ្គល​ណា​មួយ​ជាក់​ជា​មិន​ខាន។

ការ​គោរព និង​ទំនួល​ខុស​ត្រូវ

ដើម្បី​​ទទួល​បាន​ទំនាក់​ទំនង​ស្នេហា​យូរ​អង្វែង អ្នក​គួរ​តែ​គោរព​ដៃគូរ​របស់​អ្នក​។​ ការ​ប្រាស្រ័យ​ទាក់​ទង គួរ​ជា​ជម្រើស​​នៃ​ការ​​ស្តាប់​ដៃ​គូរ​របស់​អ្នក គោរព​គាត់ និង​ព្យាយាម​បញ្ជាក់​ដោយ​ការ​សួរ​សំនួរ​។ ដៃ​គូរ​ម្ខាង​ៗ​មិន​គួរ​មាន​អារម្មណ៍​អន់​ចិត្ត​នៅ​ពេល​មាន​ការ​ស្នើរ​សុំ​ រឺ​យោបល់​ផ្តល់​ឲ្យ​គ្នា​ទៅ​វិញ​ទៅ​មក​ឡើយ។ ទង្វើ​នេះ​មិន​មែន​ជា​ទំនាក់​ទំនង​ស្នេហា​ដែល​មាន​ការ​ប្តេជ្ញា​ចិត្ត​ជោគ​ជ័យ​នោះ​ទេ។​
ការ​ចែក​រំលែក​ទំនួល​ខុស​ត្រូវ​ស្មើរ​គ្នា​ក៏​សំខាន់​ដែរ សំរាប់​សុខ​ភាព​ទំនាក់​ទំនង​របស់​អ្នក។​ ក្នុង​នោះ​វា​អាច​ជា​​រូប​ភាពថវិកា រឺ​កិច្ច​ការ ដែល​គួរ​​ចែក​រំលែក​ស្មើរ​គ្នា។

Like ផេក អាឡាដាំង Like Ahladang ដើម្បី​ទទួលបានពត៌មានជាច្រើនទៀត។​