Category Archives: Knowledge

ជំនាញជីវិតទាំង ១០

ជីវិតដែលល្អបំផុត គឺជីវិតដែលមានសេរីភាព។ ក៏ប៉ុន្តែ មិនថាអ្នករស់នៅក្នុងជីវិតបែបណានោះទេ អ្នកជៀសមិនផុតឡើយពីការរៀនជំនាញផ្សេងៗសម្រាប់ជីវិតរបស់អ្នក។ ក្រៅពីជំនាញរឹង (hard skills) ដែលរៀនពីសាលា អ្នកក៏ត្រូវរៀននូវជំនាញទន់ (soft skills) សំខាន់ៗ មួយចំនួនផងដែរ។ ខាងក្រោមនេះសុទ្ធសឹងតែជាជំនាញទន់ដែលពិបាកនឹងរៀន ប៉ុន្តែបើអ្នករៀនវាចេះហើយ វានឹងអាចជួយអ្នកបានពេញមួយជីវិត។

5339539236_65622d82fc_o

១. ឥរិយាបទក្នុងការគេង

ការសិក្សាជាច្រើនបានបង្ហាញថាការធ្វើតារាងពេលវេលាចូលគេងឲ្យបានត្រឹមត្រូវ អាចជួយឱ្យអ្នកមានភាពងាយស្រួលក្នុងការទទួលទៀនដំណេក និងភ្ញាក់ឡើងពីដំណេកប្រកបដោយភាពស្រស់ស្រាយ ដែលទាំងនេះធ្វើអោយអ្នកទទួលបានទៀនដំណេកបានស្កប់ស្កល់។

២. ការយល់ចិត្តអ្នកដទៃ

ការយល់ចិត្ត គឺជាសមត្ថភាពមួយដែលអនុញ្ញាតអោយអ្នកយល់ពីអារម្មណ៍របស់អ្នកដទៃ។ ជាការពិតណាស់អ្នកលក់ដ៏ជោគជ័យម្នាក់ត្រូវតែយល់ពីអារម្មណ៍របស់អតិថិជន។ ក្រុមហ៊ុនមួយដែលរីកចម្រើន គឺត្រូវតែមានថ្នាក់លើដែលយល់ចិត្តថ្នាក់ក្រោម។ ការយល់ចិត្តគ្នាទៅវិញទៅមកនេះធ្វើអោយបុគ្គលិកមានការខិតខំធ្វើការខ្លាំងជាងមុន ក៏ព្រោះតែបុគ្គលិកទាំងនោះគិតថាទំនាក់ទំនងរបស់ពួកគេមានតម្លៃជាងប្រាក់បៀរវត្សរ៍។

៣. ការគ្រប់គ្រងពេលវេលា

ការគ្រប់គ្រងបុគ្គលិកអោយមានប្រសិទ្ធិភាព គឺជំនាញមួយដែលមានសារៈសំខាន់សម្រាប់បុគ្គលម្នាក់ៗ។ បើទោះបីជាតារាងកាលវិភាគប្រចាំថ្ងៃត្រូវបានបង្កើតឡើងក្ដី វាមិនមានន័យថាយើងអាចធ្វើទៅតាមអ្វីដែលយើងគ្រោងទុកបានទាំងស្រុងនោះទេ។ តែទោះជាយ៉ាងណាក៏ដោយ ការគ្រប់គ្រងពេលវេលាអោយបានត្រឹមត្រូវ ពិតជាអាចអោយអ្នកបំពេញការងារប្រកបដោយប្រសិទ្ធិភាព។

៤. ការស្វែងរកជំនួយ

មានមនុស្សមិនតិចតែដែលតែងតែគិតថាការស្វែងរកជំនួយ បង្ហាញពីភាពកម្សោយ ឬអសមត្ថភាពរបស់ពួកគេ។ ប៉ុន្តែធាតុពិតមិនដូច្នោះនោះទេ។ បើយោងទៅតាមការសិក្សាស្រាវជ្រាវមួយរបស់សាលាពាណិជ្ជកម្ម Harvard បានបង្ហាញថា ការស្វែងរកជំនួយ គឺជាការពង្រឹងសមត្ថភាពរបស់ពួកគេសម្រាប់ពេលអនាគត។ ពួកគេត្រូវការដំបូន្មានល្អៗ ក៏ដូចជាចំណេះដឹងនានាពីអ្នកដែលមានបទពីសោធន៍ដើម្បីពង្រឹងសមត្ថភាពរបស់ពួកគេតែប៉ុណ្ណោះ។

៥. ភាពម៉ឺងម៉ាត់

មានមនុស្សជាច្រើនលែងខិតខំប្រឹងប្រែងនៅពេលដែលពូកគេទទួលបាននូវអ្វីដែលពួកគេចង់បាន។ ឧទាហរណ៍ថា បុគ្គលម្នាក់បានកាត់បន្ថយកិច្ចខិតខំប្រឹងប្រែងរបស់គាត់នៅពេលដែលគាត់ទទួលបានភាពជោគជ័យនៅក្នុងមុខជំនួញ។ ធ្វើដូច្នេះនឹងធ្វើអោយមុខជំនួញរបស់គាត់ធ្លាក់ចុះ។ ដើម្បីរក្សាអោយបាននូវភាពជោគជ័យនេះ បុគ្គលម្នាក់នោះត្រូវតែខិតខំប្រឹងប្រែងធ្វើការបន្ថែមទៀត។

៦. គំនិតវិជ្ជមាន

វាមិនមែនជាបញ្ហាទេកាលដែលគេគិតយ៉ាងណាចំពោះអ្វីដែលអ្នកធ្វើ។ តែអ្វីដែលសំខាន់នោះគឺទំនុកចិត្តរបស់ខ្លួនអ្នកផ្ទាល់។ ប្រសិនបើអ្នកមានទំនុកចិត្តទៅលើសមត្ថភាពរបស់អ្នកថាអ្នកនឹងអាចធ្វើអ្វីមួយបាន មិនយូរមិនឆាប់ អ្នកនឹងសម្រេចនូវអ្វីអ្នកដែលអ្នកចង់បានជាមិនខាន។

៧. ជៀសវាងការនិយាយដើមគេ

ទំនាក់ទំនងមិត្តភាព ឬក៏ស្នេហាងាយនឹងប្រេះស្រាំណាស់ប្រសិនបើអ្នកនិយាយដើមដៃគូររបស់អ្នកនៅពីក្រោយខ្នង។ ការនិយាយដើមគ្នាអាចបង្កអោយកើតមានភាពមិនទុកចិត្តគ្នាទៅវិញទៅមក។ ដូច្នេះ ដើម្បីរក្សាចំណងមិត្តភាព ឬស្នេហាអោយបានយូរអង្វែង គប្បីត្រូវតែជៀសឲ្យឆ្ងាយពីការនិយាយដើមគ្នា។ ដូច្នេះ ភាពមិនទុកចិត្តក៏មិនអាចនឹងកើតមានចំពោះរូបអ្នកដែរ។

៨. ពង្រឹងការគិត

ការគិតពិតជាមានសារៈសំខាន់ណាស់រាល់ការសម្រេចចិត្តនានា។ អ្វីដែលកើតឡើងចំពោះអ្នកនៅថ្ងៃនេះគឺចេញពីការគិតរបស់អ្នកពីអតីតកាល។ ដូច្នេះចូលប្រើប្រាស់ការគិតរបស់អ្នកនាពេលបច្ចុប្បន្នដើម្បីជាប្រយោជន៍របស់អ្នកនាថ្ងៃអនាគត។

៩.  ភាពស្មោះត្រង់

ភាពស្មោះត្រង់មានសារៈសំខាន់ណាស់ ព្រោះថាបើគ្មានភាពស្មោះត្រង់ទោះ វាពិបាកណាស់ក្នុងការរាប់អាន និងទុកចិត្រគ្នា។ មួយវិញទៀត តម្លៃរបស់មនុស្សក៏ស្ថិតនៅលើភាពស្មោះត្រង់នេះផងដែរ។

១០. រៀនភាសាបរទេស

ការរៀនភាសាបរទេស មិនត្រឹមតែអាចឲ្យអ្នកធ្វើការទំនាក់ទំនងក្នុងការងាររបស់អ្នកជមួយនឹងដៃគូ ឬអតិថិជនដែលជាជនបរទេសនោះទេ វាក៏ជួយឲ្យអ្នកអភិវឌ្ឍការគិតរបស់អ្នកបានទូលាយជាមុនដែរ។

ប្រភព៖ Businessinsider

៥​ ចំនុច​សំខាន់ៗ​ក្នុងការ​សរសេរ​ Personal Statement ដែល​លេច​ធ្លោ​សម្រាប់​ការ​ដាក់​អាហារូបករណ៍​

ជាការពិតណាស់ Personal Statement គឺជាផ្នែកមួយយ៉ាងក្នុងការដាក់អាហារូបករណ៍មិនថាទៅបរទេស ឬក្នុងស្រុក ជាពិសេសសម្រាប់អាហារូបករណ៍ថ្នាក់អនុបណ្ឌិតឡើងទៅ។ វាគឺជាសំនេរមួយដែលផ្តល់លទ្ធភាពដល់ម្ចាស់អាហារូបករណ៍ធ្វើការស្វែងយល់អំពីបេក្ខជន ដើម្បីធ្វើការវាយតម្លៃថាតើបេក្ខជនសាកសមនឹងទទួលបានអាហារូបករណ៍ដែរឬទេ ពោលគឺគួរជ្រើសរើសឲ្យបន្តរទៅកាន់វគ្គសម្ភាសន៍ (Interview Stage) ដែរឬទេ។ ដូច្នេះដើម្បីចូលរួមសម្រួលការលំបាក ក៏ដូចជាផ្តល់គំនិតជាជំនួយក្នុងការសរសេរ Personal Statement ដល់បេក្ខជនដែលត្រៀមខ្លួនដាក់អាហារូបករណ៍ក្នុងឆ្នាំថ្មីខាងមុខនេះ ខាងក្រោមនេះគន្លឹះសំខាន់ៗ ៥ ដែលក្រុមការងារអាឡាដាំងរៀបចំឡើងដោយយោងទៅតាមបទពិសោធន៏ផ្ទាល់ខ្លួនរបស់សមាជិកក្រុម ដែលបានឆ្លងកាត់កន្លងមក។

១) យល់ឲ្យច្បាស់ពីខ្លួនឯង

ដោយសារ Personal Statement គឺជាការបូកផ្សំរវាងពាក្យ Personal ដែលមានន័យថាផ្ទាល់ខ្លួន ឬអំពីខ្លួនអ្នក និងពាក្យ Statement ដែលមានន័យថា សំណេរ ឬសេចក្តីថ្លែងការណ៍ ទើបក្នុង Personal Statement គេឲ្យអ្នកសរសេររៀបរាប់ពីខ្លួនអ្នកដោយលើកយកពីឆាកជីវិត(your course of life) និងការយល់ឃើញរបស់អ្នកចំពោះជិវិត (your view of life)។

បើនិយាយម្យ៉ាងទៀត គឺគេចង់ដឹងថាអ្នកធ្លាប់បានឆ្លងកាត់នូវបទពិសោធន៍ជីវិតអ្វីខ្លះ ហើយអ្នកអាចហែលឆ្លង ឬក៏ដោះស្រាយឧបសគ្គក្នុងជីវិតបានយ៉ាងដូចម្តេចខ្លះ។ ឧទាហរណ៍ អ្នកខ្លះគាត់មានបញ្ហាក្នុងគ្រួសារ ខ្វះថវិកាក្នុងការសិក្សា ហើយគាត់ត្រូវជួយការងារឪពុកម្តាយដើម្បីរកលុយផ្គត់ផ្កង់គ្រួសារ តែដោយសារគាត់យល់ឃើញថាមានតែការអប់រំទេទើបអាចជួយរំដោះគាត់ពីការលំបាកទាំងនោះបាន បូកផ្សំជាមួយនឹងបំណងប្រាថ្នាចង់សំរេចអ្វីមួយនៅថ្ងៃអនាគត និងមានទេពកោសល្យលើការសិក្សាផងនោះ គាត់បានខិតខំប្រឹងប្រែងពុះពារគ្រប់ឧបសគ្គរហូតបានរៀននៅមហាវិទ្យាល័យ។ នេះហើយជាឧទាហរណ៍មួយរបស់ Your course of life និង your view of life ហើយតាមពិតទៅបុគ្គលម្នាក់ៗមានដំណើរជីវិតរៀងៗខ្លួន មានគោលបំណងផ្សេងៗគ្នា ដូច្នេះអ្នកគួរបង្ហាញពីភាពខុសប្លែកពីគេ (uniqueness) នោះឲ្យគណកម្មការរង្វាយតម្លៃបានស្គាល់ពីខ្លួនអ្នក នឹងការខិតខំប្រឹងប្រែងរបស់អ្នក។

២) មានគោលបំណងច្បាស់លាស់ និងយល់ឲ្យច្បាស់ពីកត្តាជំរុញរបស់វា

បន្ទាប់ពីរៀបរាប់ត្រួសៗអំពីខ្លួនអ្នករួចមក អ្នកគួរតែប្រាប់គេឲ្យដឹងពីបំណងប្រថ្នាទៅថ្ងៃអនាគតថាអ្នកចង់បានអ្វី ឬក៏ចង់ធ្វើអ្វី។ ជាការពិតណាស់ បើអ្នកមិនទាំងស្គាល់ខ្លួនឯង ឬដឹងថាខ្លួនឯងចង់បានអ្វីផងនោះ ធ្វើម៉េចអាចឲ្យអ្នកដទៃ (គណកម្មការវាយតម្លៃ) គេស្គាល់ថាអ្នកជាមនុស្សបែបណាបានទៅ។ ហើយបើគេមិនស្គាល់ថាអ្នកជាមនុស្សបែបណាផងនោះ ធ្វើម៉េចគេនឹងទុកចិត្តថាគេរើសមនុស្សមិនខុស?

យើងទាំងអស់គ្នាសុទ្ធតែដឹងហើយថា អាហារូករណ៍ គេចំណាយថវិកា និងពេលវេលាអស់ជាច្រើនដើម្បីបណ្តាក់ទុនបណ្តុះបណ្តាលធនធានមនុស្សដើម្បីឲ្យពួកគេត្រលប់មកវិញជួយអភិវឌ្ឍប្រទេសជាតិរបស់ពួកគេដែលជាប្រទេសមិនទាន់អភិវឌ្ឍន៍ ហើយចុះបើគេជ្រើសរើសយកមនុស្សខុស គ្មានការតស៊ូប្រឹងប្រែង គ្មានសុទ្ធិនិយមក្នុងខ្លួន តើការជួយ (ផ្តល់) អាហារូករណ៍របស់ពួកគេមានប្រយោជន៍អ្វី? អញ្ជឹងហើយបានជាអ្នកត្រូវឲ្យគេដឹងពីគោលបំណងរបស់អ្នក ដើម្បីឲ្យគេមានជំនឿចិត្តថាគេរើសយកអ្នកមិនខុសនោះទេ។

៣) ការបង្ហាញភស្តុតាងនិងបទពិសោធន៍ត្រឹមត្រូវ សាកសមនិងច្បាស់លាស់

បន្ទាប់ពីបង្ហាញពីគោលបំណងរបស់អ្នក អ្នកចាំបាច់ត្រូវបង្ហាញគេថា អ្នកមិនមែនចេះតែស្រមើស្រមៃនោះទេ ពោលគឺអ្នកមានគម្រោងច្បាស់លាស់ និងមានទុនសម្រាប់សម្រេចបាននូវអ្វីដែលអ្នកប៉ង។ និយាយឲ្យសាមញ្ញទៅ គឺអ្នកត្រូវប្រាប់ពីការអប់រំរបស់អ្នក និងបទពិសោធន៍នានាដែលទាក់ទង ព្រោះបើអ្នកគ្មានមូលដ្ឋានគ្រឹះរឹងមាំនោះទេ បើទោះបីជាគេបញ្ជូនអ្នកទៅរៀននៅសាកលវិទ្យាល័យលំដាប់ល្អយ៉ាងណាក៏ដោយ ក៏ប្រហែលជាអ្នកមិនអាចទទួលបានជោគជ័យនោះទេ។ ដូច្នេះហើយគេចង់ដឹងថាអ្នកបានរៀនអ្វីខ្លះហើយឬនៅដើម្បីធ្វើឲ្យច្បាស់ថាបំណងប្រាថ្នារបស់អ្នកសមហេតុផល និងអាចទៅរួច (feasible and realistic)។

៤) មានមូលហេតុច្បាស់លាស់ចំពោះការដាក់ពាក្យសុំអាហារូបករណ៍មួយនេះ នៅសាកលវិទ្យាល័យមួយនេះ ឬប្រទេសមួយនេះ

មានអាហារូបករណ៍មកពីប្រទេសជាច្រើនដែលបានផ្តល់មកឲ្យនិស្សិតកម្ពុជាក្នុងមួយឆ្នាំៗ តើមូលហេតុអ្វីបានជាអ្នកសម្រេចចិត្តជ្រើសរើសយកអាហារូករណ៍ ឬប្រទេសមួយនេះ? តើអាហារូបករណ៍នេះ មានលក្ខណៈពិសេសអ្វីដែលធ្វើឲ្យអ្នកសម្រេចចិត្តជ្រើសរើសយកវា? ទាំងពីរនេះជាសំណួរដែលខាងអ្នកផ្តល់អាហារូបករណ៍គេចង់ដឹងពីអ្នក។ ប៉ុន្តែមាននិស្សិតជាច្រើនតែងតែយល់ច្រលំចំពោះគោលបំណងពិតប្រាកដរបស់សំណួរមួយនេះ។ ពួកគេតែងតែគិតថា ខាងអ្នកផ្តល់អាហារូបករណ៍ចង់ឲ្យបេក្ខជនសរសើរពីកម្មវិធី ឬប្រទេសរបស់ពួកគេបានជាគេសួរសំណួរនេះ តែតាមធាតុពិតមិនមែនដូច្នេះនោះទេ។ អ្វីដែលគេចង់ដឹងនោះគឺថា តើអ្នកបានយល់ដឹងពីគោលបំណង (Program Objectives) របស់កម្មវិធីនោះហើយឬនៅ មុននឹងធ្វើការសម្រេចចិត្ត។ គេមិនចង់បានបេក្ខជនដែលចេះតែដាក់ទាំងទទឹងទិស មិនដឹងអ្វីសោះនោះទេ។ ម្យ៉ាងវិញទៀត គេចង់ដឹងថា តើអ្នកជាមនុស្សដែលធ្វើការស្រាវជ្រាវឲ្យបានសព្វជ្រុងជ្រោយហើយ ឬនៅ ឬមួយក៏ឲ្យតែមានអាហារូបករណ៍ចេះតែដាក់ ហើយចេះតែអួត (សរសើរ) គ្រប់កម្មវិធីទាំងអស់។ មួយទៀតគេចង់ដឹងថា តើជម្រើសរបស់អ្នកក្នុងការជ្រើសរើសសាលា/ប្រទេសដែលអ្នកជ្រើសរើសនោះ ពិតជាត្រឹមត្រូវ នឹងសមប្រកបធ្វើឲ្យអ្នកអាចបំពេញនូវការរំពឹងទុក (expectation) របស់អ្នកកំរិតណា។

ដូច្នេះហើយបើសិនជាអ្នកបានអាន និងយល់ច្បាស់ពីគោលបំណងរបស់កម្មវិធីអាហារូបករណ៍នោះ អ្នកពិតជាអាចធ្វើបានល្អ ហើយឆ្លើយទៅតាមអ្វីដែលគេចង់បាន។

៥) មានគម្រោងជាក់លាក់ក្រោយធ្វើមាតុប្រទេសវិញ

ក្នុងសំណួរនេះ គេចង់ដឹងថាអ្នកនឹងប្រើប្រាស់នូវចំណេះដឹងរបស់អ្នកដើម្បីរួមចំណែកអ្វីខ្លះបន្ទាប់ពីត្រលប់មកកាន់មាតុប្រទេសវិញ។ តាមធម្មតា មានបេក្ខជនជាច្រើនឆ្លើយស្រដៀងៗគ្នា ដូចជានិយាយថា៖

«ខ្ញុំនឹងចែករំលែកចំនេះដឹងនិងជំនាញដែលទទួលបានទៅកាន់មិត្តភក្តិនិងជនរួមជាតិកម្ពុជាដ៏ទៃទៀតតាមដែលអាចធ្វើបាន»។

ដោយឡែកអ្នកអាចនិយាយបែបនេះទៅវិញថា៖

«ខ្ញំនឹងបន្តសកម្មភាព ឬគម្រោងដែលខ្ញុំធ្លាប់ធ្វើ ហើយចែករំលែកនូវបទពិសោធន៍ដែលខ្ញុំមាន ក៏ដូចជាជួយជំរុញទឹកចិត្តពួកគាត់ឲ្យខិតខំប្រឹងរៀនដើម្បីបានឱកាសដូចខ្ញុំដែរ។ ខ្ញុំក៏នឹងយកទុនដែលខ្ញុំបានទទួលពីការរៀនសូត្រ ក៏ដូចជាសកម្មភាពកំឡុងពេលសិក្សានៅក្រៅប្រទេសដើម្បីបន្តដំណើរទៅមុខទៀត ធ្វើយ៉ាងណាឲ្យគោលបំណងរយៈពេលវែងរបស់ខ្ញុំបានសម្រេច»។

នេះគ្រាន់តែជាឧទាហរណ៍ខ្លះៗប៉ុណ្ណោះដើម្បីបង្ហាញអ្នកទាំងអស់គ្នាឲ្យមានភាពច្នៃប្រឌិតក្នុងការឆ្លើយទៅនឹងសំនួរនេះ។

ជាសរុបមក ការសរសេរ Personal Statement ទាមទារឲ្យមានភាពអត់ធ្មត់ ការតាំងចិត្តខ្ពស់ ស្គាល់ខ្លួនឯងឲ្យបានច្បាស់ថាខ្លួនចង់បានអ្វី ខ្លួនមានអ្វីហើយឬនៅដើម្បីសម្រេចនូវអ្វីដែលខ្លួនប៉ងប្រាថ្នា និងត្រូវមានគំនិតច្នៃប្រឌិតក្នុងការសរសេរ។ ចូរចងចាំថា អាហារូបករណ៍និមួយៗមានបេក្ខជនជាច្រើនរយនាក់ ពេលខ្លះអាចដល់ពាន់នាក់ដែលដាក់ ដូច្នេះបើអ្នកមិនលេចធ្លោជាងបេក្ខជនដទៃនោះទេ អ្នកនឹងមានឱកាសទាបណាស់ក្នុងការទទួលបានជោគជ័យ។ អ្នកត្រូវមានការត្រៀមខ្លួនឲ្យបានល្អមុននឹងសម្រេចចិត្តដាក់អាហារូបករណ៍ មិនមែននឹកឃើញភ្លាម ដាក់ភ្លាមនោះទេ។

គួរបញ្ជាក់ផងដែរថា អាឡាដាំងមិនមែនជាអ្នកជំនាញអ្វីនោះទេ ប៉ុន្តែក្រុមការងារយើងខ្ញុំគ្រាន់តែចង់ចែករំលែកចំណេះដឹងនិងបទពិសោធន៍ ដែលមានបន្តិចបន្តួចដល់ប្អូនៗសិស្សានុសិស្សដែលមានបំណងចង់បានអាហារូបករណ៍ទៅសិក្សានៅក្រៅប្រទេសតែប៉ុណ្ណោះ ដើម្បីរួមចំណែកក្នុងការអភិវឌ្ឍប្រទេសជាតិរបស់យើងឲ្យរីកចម្រើនទៅមុខដូចបណ្តាប្រទេសរីកចម្រើនដទៃទៀត។ សំណាងល្អទាំងអស់គ្នា!

Like ផេក អាឡាដាំង Like Ahladang ដើម្បីទទួលបានពត៌មានជាច្រើនទៀត។

Disclaimer: នេះជាកម្មសិទ្ធបញ្ញារបស់ ahladang.com ។ ហាមចំលងឬយកអត្ថបទទៅបោះផ្សាយបន្ត ដោយគ្មានការអនុញ្ញាតពីក្រុមការងារអាឡាដាំង។ ការផ្តល់សិទ្ធអាចទំនាក់ទំនងបានតាមរយៈអ៊ីមែល ahladang.biz@gmail.com ឬ ទូរស័ព្ទ ០៨៦ ៦៦៨ ៧៧៨។ 

អ្នកក៏ប្រហែលជាចាប់អារម្មណ៍

តើ រចនា ​មាន​គន្លឺះអ្វី​ខ្លះ​ដើម្បី​ផ្តល់​ជូនប្អូនៗ​ដែល​ចង់​ដាក់​ពាក្យ​អាហារូបករណ៍?

ហង្ស វុទ្ធិកា ចែករំលែកបទពិសោធន៍​ការ​ដាក់​អាហារូបករណ៍របស់លោក និងការរស់នៅរបស់លោកក្នុងប្រទេសអង់គ្លេស

ទី លឹមកុសល៖ អាហារូបករណ៍ YSEALI ល្អសំរាប់និស្សិតខ្មែរ

បូរ៉ាន់ ច័ន្ទរតនៈ៖ បង្ហើបពីអាហារូបករណ៍រដ្ឋាភិបាលជប៉ុន MEXT កំរិត Specialized Training College

លី វ៉េងហុង៖ ដើរតាមអ្វីដែលគាត់ចូលចិត្ត ជាងរបររកស៊ីរបស់គ្រួសារ

អ៊ុក សុវណ្ណារ៉ា ៖ សិល្បៈក្នុងការសរសេរ Personal Statement សំរាប់ដាក់អាហារូបករណ៍

ញ៉ សញ្ញេ៖ និស្សិត​ខ្មែរ​ដំបូង​បង្អស់​ដែល​ស្រាវជ្រាវអំពី​វិធីសាស្រ្ត​បង្រៀន​ភាសា​អង់គ្លេស​ដោយ​ប្រើ​ប្រាស់​បច្ចេក​វិជ្ជា​ពត៌មានវិទ្យា​

ប្រទេសហ្វាំងឡង់នឹងក្លាយជាប្រទេសដំបូងគេដែលបំបាត់មុខវិជ្ជាសិក្សារបស់សាលាទាំងអស់

preview-7514060-650x341-98-1478706847

ប្រព័ន្ធអប់រំនៅក្នុងប្រទេសហ្វាំងឡង់ត្រូវបានគេអោយចំណាត់ថ្នាក់ស្ថិតនៅក្នុងចំណោមប្រទេសដែលមានល្អជាងគេទាំង១០នៅក្នុងពិភពលោក។ ដើម្បីឆ្លើយតបទៅនឹងវិស័យអប់រំនៅក្នុងសតវត្សរ៍ទី២១ ប្រទេសមួយនេះមានគម្រោងលុបចោលរាល់មុខវិជ្ជាទាំងអស់នៅក្នុងសាលា។ ដូច្នេះ មុខវិជ្ជារូបវិទ្យា គណិវិទ្យា អក្សរសាស្ត្រ ភូមិសាស្ត្រ និងប្រវត្តិសាស្ត្រនឹងមិនមានវត្តមាននៅក្នុងសាលាទៀតទេ។

បើយោងទៅតាមប្រសាសន៍របស់ប្រធាននាយកដ្ឋានអប់រំ លោកស្រី Marjo Kyllonen បានពន្យល់ថា “ការបង្រៀននៅក្នុងសាលារបស់យើងនាពេលបច្ចុប្បន្នគឺជាកម្មវិធីសិក្សាចាស់ដែលកម្រិលដែលត្រូវបានគេប្រើប្រាស់ចាប់តាំងពីឆ្នាំ១៩០០មក។ ប៉ុន្តែតម្រូវការនាពេលបច្ចុប្បន្នវាមិនដូចគ្នានោះទេ។ ហើយយើងត្រូវការការផ្លាស់ប្តូរមួយដើម្បីអោយសមស្របទៅនឹងសតវត្សរ៍ទី២១នេះ។”

ជំនួសឱ្យមុខវិជ្ជានីមួយៗ សិស្សនឹងផ្ដោតទៅលើការសិក្សាពីព្រឹត្តិការណ៍ និងបាតុភូតនានាដែលបានកើតមានឡើង។ ឧទាហរណ៍ ព្រឹត្តិការណ៍នៃសង្គ្រាមលោកលើកទីពីរនឹងត្រូវបានលើកយកមកសិក្សាដោយផ្ដោតទៅលើទស្សនៈនៃប្រវត្តិសាស្រ្ត ភូមិសាស្រ្ត និងគណិតវិទ្យាជាដើម។

ប្រព័ន្ធអប់រំថ្មីនេះនឹងដាក់អោយប្រើប្រាស់សម្រាប់សិស្សដែលមានអាយុចាប់ពី១៦ឆ្នាំឡើង។ ក្នុងវ័យនេះ ពួកគេអាចធ្វើការសម្រេចចិត្តថាតើប្រធានបទ ពីព្រឹត្តិការណ៍ និងបាតុភូតអ្វីខ្លះដែលពួកគេចង់ដឹង និងចង់សិក្សាដើម្បីសម្រេចបាននូវគោលដៅ ឬមហិច្ឆតារបស់ពួកគេនាពេលអនាគត់។

ការប្រាស្រ័យទាក់ទងគ្នារវាងសិស្ស និងគ្រូក៏នឹងមានការផ្លាស់ប្ដូរផងដែរ។ សិស្សនឹងមិនតម្រូវអោយអង្គុយទៅតាមជួរតុ ហើយចាំតែឆ្លើយនឹងសំនួររបស់គ្រូទៀតទេ។ ជំនួសមកវិញ ពួកគេនឹងធ្វើការជាមួយគ្នាក្នុងនាមជាក្រុមតូចៗដើម្បីពិភាក្សាអំពីបញ្ហានានាដែលពួកគេចង់ដឹង។ ប្រព័ន្ធអប់រំរបស់ប្រទេសហ្វាំងឡុងអោយតម្លៃទៅលើការងារជាក្រុម។

ប្រព័ន្ធអប់រំបែបថ្មីនេះនឹងរំពឹងថានឹងដាក់អោយដំណើរការទាំងស្រុងគិតត្រឹមឆ្នាំ២០២០។

ប្រភព៖ Brightside

មើលអត្តចរិករបស់មនុស្សតាមរយៈពណ៌

people

អត្តចរិកគឺពិតជាមានសារៈសំខាន់ណាស់ដើម្បីរស់នៅក្នុងសង្គមមួយប្រកបដោយភាពយោគយល់គ្នា។ គេអាចកត់សម្គាល់អត្តចរិកមនុស្សបានតាមវិធីសាស្ត្រជាច្រើន ដែលក្នុងនោះក៏មានតាមរយៈចំណងចំណួលចិត្តនៃពណ៌ផងដែរ។ ខាងក្រោមនេះគឺជាការមើលអត្តចរិកមនុស្សផ្អែកទៅលើពណ៌ដែលគេចូលចិត្ត៖

ពណ៌ខ្មៅ

មនុស្សដែលចូលចិត្តពណ៌ខ្មៅមានភាពប៉ិនប្រសប់ផ្នែកសិល្បៈ តែឆាប់ទទួលរង់ការប៉ះទង្គិចផ្លូវអារម្មណ៍។

ពណ៌ស

ពួកគេជាទួទៅជាប្រភេទមនុស្សដែលមានចូលចិត្តភាពមានសណ្ដាប់ធ្នាប់ និងភាពសមហេតុសមផល (logical) នៅក្នុងជីវិតរបស់ពួកគេ។

ពណ៌ក្រហម

ពួកគេគឺជាមនុស្សដែលមានភាពតស៊ូរនៅក្នុងជីវិតរបស់ពួកគេ។

ពណ៌ខៀវ

អ្នកដែលស្រលាញ់ពណ៌ខៀវ អ្នកគឺជាប្រភេទមនុស្សដែលអាចទុកចិត្ត និងពឹងផ្អែកបាន។ ពួកគេឆាប់ទទួលរង់ការប៉ះទង្គិចផ្លូវអារម្មណ៍ តែយកចិត្តទុកដាក់ទៅលើមនុស្សដែលនៅជំវិញខ្លួន។ ពួកគេក៏ចូលចិត្តរស់នៅក្នុងភាពមានសណ្ដាប់ធ្នាប់។

ពណ៌បៃតង

ពួកគេពោរពេញទៅដោយមនោសញ្ចេតនា និងភាពស្មោះត្រង់។ ពួកគេខិតខំថែរក្សាកេរ្តិ៍ឈ្មោះអោយមានឈ្មោះល្អ និងផ្នត់គំនិតរបស់អ្នកដទៃមកលើពួកគេ។

ពណ៌លឿង

អ្នកជាមនុស្សដែលរីករាយនឹងការរៀនសូត្រ និងចែករំលែកចំណេះដឹងរបស់អ្នកជាមួយអ្នកដទៃ។ អ្នកជាប្រភេទមនុស្សដែលពោរពេញទៅដោយសុភមង្គលនៅក្នុងជីវិត។

ពណ៌ស្វាយ

អ្នកគឺជាប្រភេទមនុស្សដែលទទួលបានការគោរពពីគេ ហើយក៏ជាប្រភេទមនុស្សដែលស្គាល់ចាស់ស្គាល់ទុំដែរ។ ប៉ុន្តែពេលខ្លះពួកគេមានអំនួតលើខ្លួនឯងជ្រុល។

ពណ៌ត្នោត

អ្នកគេអាចចាត់ទុកថាជាមិត្តភក្តិដ៏ល្អ និងព្យាយាមអោយគេជឿទុកចិត្ត និងអាចពឹងពាក់បាន៕

ប្រភព៖ Psychologytoday.com

ល្បិចទាំង៩ក្នុងការស្វែងរកព័ត៌មានក្នុង Google ដែលមនុស្ស៩៦%មិនធ្លាប់ដឹង

preview-7415710-650x341-98-1478172290

នៅក្នុងសម័យបច្ចេកវិទ្យា មុស្សអាចស្វែងរកព័ត៌មាននានាតាមរយៈប្រព័ន្ធអ៊ីធឺណេត។ ជាក់ស្ដែង គេហទំព័រ Google.com គឺជាគេហទំព័រមួយដែលអាចអនុញ្ញាតអោយអ្នកស្វែងរកព័ត៌មានរាប់លានក្នុងរយៈពេលមិនដល់មួយនាទី។ ប៉ុន្ដែ មានមនុស្សមួយចំនួនធំនៅមិនទាន់ចេះប្រើប្រាស់គេហទំព័រនេះអោយអស់លទ្ធភាពនៅឡើយទេ។ ខាងក្រោមនេះគឺជាល្បិចមួយចំនួនដែលអ្នកអាចស្វែងរកបានដោយមានប្រសិទ្ធភាពជាងមុន៖

១. ប្រើប្រាស់ពាក្យដែលមានន័យដូច ឬសញ្ញាប្រហែល “~”

ភាសាដែលយើងប្រើប្រាស់គឺសម្បូរពាក្យដែលមានន័យដូច ឬន័យធៀបច្រើនណាស់។ ការនេះធ្វើអោយអ្នកងាយស្រួលក្នុងការធ្វើការស្រាវជ្រាវអ្វីមួយនៅលើបណ្តាញអ៊ីនធឺណេត។ អ្នកគ្រាន់តែវាយពាក្យសំខាន់ដែលអ្នកចង់រក ភ្ជាប់នឹងនិមិត្តសញ្ញា “~” នោះអ្នកនឹងទទួលបានចម្លើយបានច្រើនជាងកាលដែលអ្នកឃ្លាជាក់លាក់សម្រាប់ស្វែងរក។
ឧទាហរណ៍ប្រសិនបើអ្នកស្វែងរកពាក្យ “healthy ~ food” អ្នកនឹងទទួលបានលទ្ធផលអំពីគោលការណ៍នៃការបរិភោគអាហារដែលមានសុខភាពល្អ ឬរូបមន្តចម្អិនអាហារជាដើម។

1

២. ស្វែងរកអ្វីមួយនៅក្នុងគេហទំព័រដែលអ្នកស្គាល់

ប្រសិនជាអ្នកចង់ចែករំលែកព័ត៌មានអ្វីពីគេហទំព័រណាមួយជាក់លាក់ទៅកាន់មនុស្សនៅជុំវិញខ្លួនអ្នក អ្នកគ្រាន់តែសរសេរអាស័យដ្ឋានគេហទំព័រនោះ + ពាក្យគន្លឹះដែលអ្នកចង់ស្វែងរក នៅក្នុងប្រអប់ស្វែងរករបស់ Google។

untitled

៣. សញ្ញា “*”

នៅពេលដែលអ្នកភ្លេចពាក្យអ្វីមួយនៅក្នុងព័ត៌មានដែលអ្នកចង់ស្វែងរក អ្នកអាចប្រើប្រាស់និមិត្តសញ្ញា “*” ជំនួសពាក្យដែលអ្នកភ្លេចនោះដើម្បីធ្វើការស្វែងរក។

3

៤. ក្នុងករណីភ្លេចច្រើនពាក្យ

ពេលខ្លះការស្វែងរករបស់អ្នកអាចជាកន្សោមពាក្យ។ នៅក្នុងករណីដែលអ្នកភ្លេចលើសពី៥០%នៃកន្សោមពាក្យទាំងនោះ មានវិធីសាស្ត្រមួយដែលអ្នកប្រហែលជាអាចប្រើប្រាស់បាន។ អ្នកគ្រាន់តែសរសេរពាក្យខាងដើម និងខាងចុងនៃកន្សោមពាក្យដែលអ្នកចង់ធ្វើការស្វែងរក ហើយសេសេរ AROUND + (លេខនៃចំនួនពាក្យដែលអ្នកភ្លេច)។ នោះអ្នកនឹងឃើញលទ្ធផល។

4

៥. ប្រប្រាស់អំឡុងពេល (Time Frame)

នៅពេលដែលអ្នកចង់ស្វែងរកឯកសារអ្វីមួយនៅក្នុងចន្លោះពេលណាមួយជាក់លាក់ អ្នកអាចប្រើប្រាស់ អំឡុងពេល (Time Frame) បាន។ ឧទាហរណ៍ ប្រសិនបើអ្នកចង់ស្វែងរករបកគំហើញផ្នែកវិទ្យាសាស្រ្តក្នុងអំឡុងសតវត្សទី២០ នោះយើងអាចសរសេរ “scientific discoveries 1900…2000”។

5

៦. ស្វែងរកពាក្យនៅក្នុងចំណងជើង

ប្រសិនបើអ្នកចង់ស្វែងរកពាក្យគន្លឹះណាមួយនៅក្នុងចំណងជើង អ្នកគ្រាន់តែវាយ “intitle:” នៅពីមុខពាក្យគន្លឹះដែលអ្នកចង់ស្វែងរកនោះគឺជាការស្រេច។

6

៧. ស្វែងរកគេហទំព័រស្រដៀង

ក្នុងករណីដែលអ្នកពេញចិត្តនឹងគេហទំព័រណាមួយ ហើយអ្នកចង់ស្វែងរកគេហទំព័រដែលមានមុខងារ ឬផ្ទុកព័ត៌មានស្រដៀងទៅនឹងគេហទំព័រដែលអ្នកចូលចិត្ត អ្នគ្រាន់តែសរសេរ “related: + អសាយដ្ឋានគេហទំព័រដែលអ្នកចង់ស្វែងរក”។

7

៨. ស្វែងរកសំណុំនៃពាក្យអ្វីមួយ

ឧទាហរណ៍ថាអ្នកចង់ស្វែងរកឃ្លារ I’m picking up good vibrations ដោយមិនមានប្រើប្រាស់សញ្ញាសម្រង់ពាក្យសម្ដី នោះទិន្នន័យដែលអ្នកទទួលបាននោះមិនដូចចិត្តរបស់អ្នកនោះឡើយ។ ព្រោះឃ្លារដែលអ្នកចង់ស្វែងរកនោះគឺមិនស្ថិតតាមលំដាប់លំដោយនៅក្នុងចម្លើយដែលអ្នកទទួលបានពី Google នោះទេ។ តែប្រសិនបើអ្នកប្រើប្រាស់សម្រង់ពាក្យសម្ដី វានឹងស្ថិតទៅតាមលំដាប់លំដោយទៅតាមអ្វីដែលអ្នកចង់ស្វែងរក។

8

៩. ពាក្យដែលអ្នកមិនត្រូវការ

ដើម្បីដកចេញនូវពាក្យទាំងឡាយណាដែលអ្នកមិនចង់ស្វែងរក អ្នកអាចប្រើប្រាស់និមិត្តសញ្ញាដក “-” + ពាក្យដែលអ្នកមិនត្រូវការ នៅពីក្រោយពាក្យគន្លឹះដែលអ្នកចង់ស្វែងរក។ ឧទាហរណ៍ អ្នកចង់ស្វែងរក “Interesting book”។ តែអ្នកមិនចង់បានសៀវភៅដែលគេលក់។ ដូច្នេះអ្នកវាយ “Interesting book –buy” នៅក្នុងប្រអប់ស្វែងរករបស់ Google៕

9

ប្រភព៖ Brightside.com