Category Archives: international

សៀវភៅដែលទាក់ទងនឹងលោក Donald Trump ទទួលបានការចាប់អារម្មណ៍ខ្លាំងនៅជប៉ុន

f-trumpslogan-a-20160304-870x577

ហាងលក់សៀវភៅនៅក្នុងទីក្រុងតូក្យូបានដាក់តាំងសៀវភៅជាច្រើនដែលទាក់ទងទៅនឹង ប្រធានាធិបតីសហរដ្ឋអាមេរិចដែលទើបជាប់ឆ្នោតថ្មី លោក Donald Trump។ មុខពេលដែលលោក Trump ជាប់ឆ្នោតកាលពីថ្ងៃទី៩ វិច្ឆិកា គេឃើញសៀវភៅជាច្រើនដែលទាក់ទង់ទៅនឹងបេក្ខជនប្រធានាធិបតីទាំង២រូប ត្រូវបានដាក់លក់ជាហូរហែរ។

ទូរទស្សន៍ក្នុងស្រុក Fuji បានរាយការណ៍ថា នៅតាមហាងលក់សៀវភៅធំមួយនៅក្នុង Yaesu បានដាក់តាំងសៀវភៅជាច្រើនដែលដែលទាក់ទងនឹងលោក Trump ភ្លាមៗបន្ទាប់ពីលោកបានជាប់ឆ្នោតជាប្រធានាធិបតីទី៤៥របស់សហរដ្ឋអាមេរិច។ នៅលើធ្នើរដាក់សៀវភៅមានសៀវភៅប្រមាណជាជាង២០ចំណងជើងដែលលនិយាយទាក់ទងទៅនឹងការវិភាគពាក្យ និងគោលនយោបាយរបស់លោក Trump ក្នុងអំឡុងយុទ្ធនាការឃោសនាបោះឆ្នោតរបស់លោក ទស្សនៈរបស់លោកទៅលើសង្គមអាមេរិកក្នុងយុទ្ធនាការឃោសនា និងសៀវភៅដែលនិព្ធដោយខ្លួនគាត់ផ្ទាល់។

មានអតិថិជនជាច្រើនចាប់ផ្ដើមរកទិញសៀវភៅទាំងនោះចាប់តាំងពីព្រឹកព្រលឹមថ្ងៃព្រហស្បតិ៍មកម្លេះ។ ស្ត្រីម្នាក់បានប្រាប់អ្នកយកការណ៍ថានាងចង់ដឹងបន្ថែមទៀតអំពីការយល់ឃើញជាច្រើនរបស់លោក Trump ស្តីពីអន្តោប្រវេសន៍ សេដ្ឋកិច្ច និងការទូត ហើយនាងសង្ឃឹមថានាងនឹងទទួលបានបទពិសោធន៍ពីអ្នកជំនួញដ៏ជោគជ័យរូបនេះ។

បុគ្គលិកហាងលក់សៀវភៅម្នាក់បាននិយាយថាការចាប់អារម្មណ៍ទៅលើសៀវភៅលោក Trump ទំនងជានឹងបន្តទៅមួយរយៈពេលទៅមុខទៀត ត្បិតមានមនុស្សជាច្រើនចង់យល់ដឹងពីលោកប្រធានាធិបតីរូបនេះអោយកាន់តែច្បាស់។ ហើយសៀវភៅដែលទាក់ទងនឹងលោកស្រីគ្លីនតុនមិនសូវជាមានការចាប់អារម្មណ៍ដូចមុនទៀតទេ៕

ប្រភព៖ Japantoday.com

លោក Jack Ma និយាយថាលោកនឹងជួយ​អោយក្មេងប្រុសដែលមានរូប​រាងដូចលោក​រហួតទាល់​តែក្មេង​នោះរៀន​ចប់​មហាវិទ្យាល័យ

1

នាយកប្រតិបត្តិក្រុមហ៊ុន Alibaba លោក Jack Ma មានគម្រោងចំណាយប្រាក់មួយចំនួនដែលទទួលបានពីការលក់ក្នុងថ្ងៃ “ថ្ងៃតែមួយ” ឬ “Single Day” នោះ ទៅលើក្មេងប្រុសម្នាក់ដែលមានមុខមាត់ដូចលោក។ ត្រឹមតែ១២ម៉ោងនៃថ្ងៃ Single Day ក្រុមហ៊ុន Alibaba រកចំណួលបានរហូតដល់ទៅ១២កោដិដុល្លារសហរដ្ឋអាមេរិច។

2

ក្មេងប្រុសអាយុ៨ឆ្នាំ ដែលមានឈ្មោះថា Fan Xiaoqin ត្រូវបានគេស្គាល់ច្រើននៅលើបញ្ដាញអ៊ីនធើណេតកាលពីឆ្នាំមុនដោយសារតែមុខមាត់របស់ក្មេងនោះដូចគ្នាទៅនឹងលោក Jack Ma ។ ដោយសារតែរស់នៅក្នុងជីវភាពខ្វះខាត ក្មេងប្រុស Fan Xiaoqin មិនដែលស្គាល់ និងមិនធ្លាប់លឺឈ្មោះរបស់មហាសេដ្ឋីផ្នែកជំនួញណាម្នាក់នោះទេ សូម្បីតែឈ្មោះរបស់លោក Jack Ma។ ស្ថិតក្នុងជីវភាពក្រីក្រតោកយ៉ាកក្នុងស្រុក Yongfeng ខេត្ត Jianxi នៃប្រទេសចិន ក្មេងប្រុសម្នាក់នេះកំពុងតែរស់នៅជាមួយម្ដាយដែលកំពុងតែមានជម្ងឺ ឪពុកដែលពិការជើងម្ខាង និងលោកយាយម្នាក់ដែលមានជម្ងឺបាត់ការចង់ចាំ។

នៅក្នុងថ្ងៃទិញទំនិញធំបំផុតប្រចាំឆ្នាំនោះ អ្នកនិយមលេងអ៊ីនធឺណេតមួយចំនួនដែលចំណាយទឹកចិត្តរបស់ពួកគេទៅសម្រាប់ “Jack Ma តូច” ឬ “mini Ma” (ក្មេងប្រុសអាយុ៨ឆ្នាំនោះ) ដោយបានបង្ហោះរូបភាព និងវីដេអូជាច្រើនដែលទាក់ទងទៅនឹងក្មេងប្រុសនេះ ដើម្បីជម្រុញឱ្យស្ថាបនិកក្រុមហ៊ុន Alibaba ជួយសង្គ្រោះក្មេងប្រុសដ៏គួរអោយអាណិតម្នាក់នេះ។

3

ពេលលោក Jack Ma បានឃើញរូបភាពរបស់ក្មេងនោះ គាត់មានការភ្ញាក់ផ្អើលយ៉ាងខ្លាំងដោយឃើញថាក្មេងនោះមានរូបរាងស្រដៀងគ្នានឹងលោក។ លោក Jack Ma សរសេរក្នុងប្រព័ន្ធអនឡាញថា “នៅពេលដែលខ្ញុំបានឃើញក្មេងប្រុសម្នាក់នេះជាលើកដំបូង ខ្ញុំគិតថាគ្រួសាររបស់ខ្ញុំបានយករូបភាពវ័យកុមារភាពរបស់ខ្ញុំទៅបង្ហោះ”។

4

នេះគឺជារូបភាពរបស់លោក Jack Ma កាលនៅក្នុងវ័យកុមារ។

5

លោក Jack Ma ក៏បានសន្យាថាលោកនឹងយកប្រាក់ខ្លះៗដែលបានមកពីការលក់ក្នុងថ្ងៃ Single Day ដើម្បីផ្គត់ផ្គង់ទៅដល់ក្មេងប្រុសនោះរហូតទាល់តែគេរៀនចប់មហាវិទ្យាល័យ។ មានមនុស្សមួយចំនួនគិតថាក្មេងនោះប្រហែលជាមានសំណាងបានរៀននៅក្នុងមហាវិទ្យាល័យ Harvard ទៀតផង។

6

តើនរណាខ្លះនិយាយថារូបសម្បត្តិមិនមែនជាបញ្ហាសម្រាប់ជីវិត?

7

នៅក្នុងបណ្តាញអនឡាញ លោក Jack Ma បានបន្ថែមទៀតថា៖ “នេះមិនមែនជារឿងកំប្លែងទេ តែវាគឺជារឿងដ៏ពិតប្រាកដមួយ”។ ខណៈពេលដែលប្រទេសចិនអាចនឹងត្រូវបានក្លាយជាប្រទេសអ្នកមាន គម្លាតទ្រព្យសម្បត្តិរវាងអ្នកទីក្រុង និងអ្នកជនបទនៅតែជាចំណោទនៃបញ្ហា។ នៅក្នុងគោលបំណងដើម្បីរកប្រាក់មកផ្គត់ផ្គង់ជីវភាព ឪពុកម្តាយជនជាតិចិនរាប់លាននាក់បានបង្ខំចិត្តបោះបង់ចោលកូនរបស់ពួកគេដើម្បីស្វែងរកការងារធ្វើនៅឯទីក្រុង។ កាលពីសប្តាហ៍មុន ការស្ទង់មតិថ្មីមួយបានរកឃើញថាមានឪពុកម្ដាយចំនួន៩លាននាក់បានទុកកូនអោយរស់នៅតំបន់ជនបទក្នុងប្រទេសចិន៕

ប្រភព៖ Shanghaiist.com

ឱកាសហាត់ការងារ (Internship Program) នៅអង្គការ Humanitarian Affairs ស្នាក់ការអាស៊ី

អង្គការ Humanitarian Affairs នឹងផ្តល់ឱកាសធ្វើការហាត់ការងារនៅទីស្នាក់ការអាស៊ីនៅទីក្រុងប៉ាតាយ៉ា⁣ ប្រទេសថៃ ដល់សិស្សនិស្សិតដែលមានចំណាប់អារម្មណ៍ចង់ទទួលបានបទពិសោធន៍ធ្វើការជាមួយស្ថាប័នសង្គម⁣ ក៏ដូចជាចង់ពង្រឹងជំនាញទំនាក់ទំនង ទីផ្សារ និងភាពជាអ្នកដឹងនាំរបស់ខ្លួន។⁣

លក្ខខណ្ឌជ្រើសរើស៖

  • បេក្ខជនត្រូវជានិស្សិតកំពុងសិក្សាជំនាញដូចជា៖ international relations, economic development, marketing, communication, business, social work, or any other relevant course.
  • មានលទ្ធផលសិក្សាល្អប្រសើរ⁣
  • ជាបុគ្គលដែលមានទំនុកចិត្តខ្ពស់⁣ ចង់បង្កើនបទពិសោធន៍ជុំវិញវប្បធម៌អន្តរជាតិនានា និងមានសក្ដដានុពលជាអ្នកដឹកនាំ

តួនាទីការងារ៖

  • Researching markets and recruiting delegates for events
  • Liaising with marketing and PR partners to promote events
  • Collating and maintaining databases of stakeholders
  • Sourcing and securing sponsorship
  • Developing marketing plans and strategies

ការដាក់ពាក្យ៖ 

សម្រាប់ពត៌មានលម្អិត សូមចូលទៅកាន់⁣ Official Website ។

Like ផេក អាឡាដាំង Like Ahladang ដើម្បីទទួលបានពត៌មានជាច្រើនទៀត។

ក្មេងប្រុស១១ឆ្នាំបានធ្វើអត្តឃាតដោយសារតែការប្រឡងធ្លាក់ និងសម្ពាធពីឪពុកម្ដាយ

untitled

ប្រទេសសឹង្ហបុរី ជាមួយនឹងការធ្លាក់ការប្រឡងជាលើកដំបូង ក្មេងប្រុសអាយុ១១ដែលមិនអាចប្រឈមមុខជាមួយនឹងឪពុកម្ដាយ បានសម្រេចចិត្តធ្វើអត្តឃាតដោយលោតពីអាគារជាន់ទី១៧។

អាជ្ញាធរបានសន្និដ្ឋានថាមរណភាពរបស់ក្មេងប្រុសនេះគឺមិនមែនមកពីការធ្លាក់ចុះដោយចៃដន្យនោះទេ។ តែនេះគឺជាការធ្វើអត្តឃាត ដោយសារតែទទួលរងសម្ពាធផ្លូវចិត្តធ្ងន់ធ្វរពីសំណាក់ឪពុកម្តាយរបស់គាត់ក្នុងការប្រឡងធ្លាក់។

ហេតុការណ៍នេះបានកើតឡើងនៅព្រឹកថ្ងៃទី១៨ ខែឧសភា ឆ្នាំ២០១៦ ដែលជាថ្ងៃដែលក្មេងនោះត្រូវបង្ហាញលទ្ធផលនៃការប្រឡងប្រចាំឆមាសទៅឪពុកម្តាយរបស់គេ។ ក្មេងប្រុសដែលរៀនថ្នាក់ទី៥រូបនេះបានសម្រេចចិត្តចាក់សោរខ្លួនឯងនៅក្នុងបន្ទប់គេងរបស់គាត់។ មិនយូរប៉ុន្មានបន្ទាប់ពីពេលដែលឪពុកម្តាយដឹងថាកូនរបស់គាត់ចាក់សោរទ្វារ គាត់បានប្រញ៉ាប់យកកូនសោរមកបើកទ្វារ តែមិនឃើញកូនប្រុសគាត់នៅក្នុងបន្ទប់គេងនោះទេ។

ក្រោយមកពួកគេបានរកឃើញកូនរបស់គាត់កំពុងតែដេកដួលនៅជាន់ផ្ទាល់ដីនៅប្លុកអាគារ 470A Fernvale Link។ ជាអកុសល កូនគាត់បានស្លាប់នៅនឹងកន្លែងកើតហេតុវេលាម៉ោង៧ព្រឹកទៅហើយ។ កុមារានោះមានរបួសធ្ងន់ធ្ងរត្រង់លលាដ៍ក្បាល និងការបាក់ឆ្អឹងជាច្រើនកន្លែងដោយសារតែការធ្លាក់ចុះពីលើអាគារកម្ពស់១៧ជាន់នេះ។

ម្តាយរបស់ក្មេងប្រុសនោះ ដែលមិនត្រូវបានបង្ហើបឈ្មោះ បានសារភាពថារូបគាត់ធ្លាប់វាយបាតដៃកូនគាត់នឹងរំពាត់ស្រាលៗ រាល់ពេលដែលកូនរបស់គាត់ទទួលបានពិន្ទុតិចជាង៧០ក្នុងការប្រឡងម្ដងៗ។ កូនរបស់គាត់ក៏បានយំ និងសម្ដែងការមិនសប្បាយចិត្តនៅពេលដែលគាត់វាយម្ដងៗ។ ប៉ុន្តែកូនគាត់មិនដែលពិបាកចិត្តយូរនោះទេ។

ក្នុងចំណោមមុខវិជ្ជារដែលប្រឡងពាក់កណ្តាលឆ្នាំទាំង៥មុខ របស់ក្មេងប្រុសនេះបានប្រឡងធ្លាក់២មុខ និង៣មុខទៀតទទួលបានពិន្ទុត្រឹមតែមធ្យមភាគតែប៉ុណ្ណោះ។ ពិន្ទុខ្ពស់បំផុតរបស់ក្មេងនោះគឺ ៥៧,៥/១០០ សម្រាប់វិទ្យាសាស្រ្ត។ បើគិតពិន្ទុជាមធ្យមទាំង៥មុខរបស់គាត់គឺទទួលបានត្រឹមតែ ៤៥,៥/១០០ តែប៉ណ្ណោះ៕

ប្រភព៖ Channelnewsasia

ជាង៦០%នៃក្មេងដែលមានពិន្ទុក IQ ខ្ពស់ ហើយបោះបង់ការសិក្សា ទទួលជោគជ័យក្នុងជីវិត

untitled

ការសិក្សាដែលទឹបតែបញ្ចប់ថ្មីៗនេះបានបង្ហាញថា មិនមែនតែក្មេងដែលខ្សោយក្នុងការសិក្សានោះទេដែលគួរទទួលបានការបង្រៀនដឹតដល់ពីសំណាក់លោកគ្រូ-អ្នកគ្រូ។ ពោលគឺក្មេងដែលមានសមត្ថភាពខ្ពស់ផ្នែក IQ ក៏គូរតែទទួលបានការយកចិត្តទុកដាក់បង្រៀនពីលោកគ្រូ-អ្នកគ្រូដែរ។

ការសិក្សាចាប់ផ្ដើមតាំងពីឆ្នាំ១៩៧១ ការសិក្សារបស់ SMPY (the Study of Mathematically Precocious Youth) បានតាមដានកុមារដែលមានភាពវ័យឆ្លាតបំផុតនៅក្នុងប្រទេសអាមេរិចចំនួន៥,០០០នាក់ ឬប្រហែលជា១% នៃចំនួនសិស្សក្មេងៗសរុប។ ហើយការសិក្សានេះក៏ជាការសិក្សាដែលចំណាយរយៈពេលវែងជាគេបំផុតនៅក្នុងប្រវត្ថសាស្ត្រនៃការសិក្សាទៅលើកុមារ។

ការសិក្សាស្រាវជ្រាវនេះបានបញ្ជាក់ថា ប្រព័ន្ធអប់រំមិនគួរគិតតែបង្រៀនក្មេងដែលខ្សោយនៅក្នុងថ្នាក់នោះទេ។ ពោលគឺមិនត្រូវភ្លេចយកចិត្តទុកដាក់ទៅលើក្មេងដែលមានបញ្ញាខ្ពស់នោះដែរ។

លោក Jonathan Wai ដែលចិត្តវិទូនៅឯសាកលវិទ្យាល័យ Duke បាននិយាយថា “ចង់ឬមិនចង់ក្មេងប្រហែលជា១%នឹងក្លាយទៅជាអ្នកគ្រប់គ្រងសង្គមរបស់យើង។ កុមារនឹងក្លាយទៅជាអ្នកវិទ្យាសាស្ត្រ និងជាអ្នកយល់ដឹងខ្ពង់ខ្ពស់ដ៏ល្បីល្បាញរបស់យើង ជាប្រធានក្រុមហ៊ុន និងចៅក្រមសហព័ន្ធ ឬជាសមាជិកព្រឹទ្ធសភា និងមហាសេដ្ឋីខ្ទង់ពាក់លានដុល្លារជាដើម។”

តែគួរអោយសោកស្ដាយ បើយោងទៅតាមការសិក្សារបស់ SMPY បានបង្ហាញថា ក្មេងដែលមានការប៉ិនប្រសពមុខវិទ្យាមួយចំនួន ដូចជាមុខវិទ្យាវិទ្យាសាស្ត្រ និងគណិវិទ្យា ពុំសូវទទួលបានការបង្រៀនដឹតដល់ពីសំណាក់លោកគ្រូ អ្នកគ្រូនោះទេ។ ដោយប្រហែលជាយល់ឃើញថាក្មេងទាំងនោះចេះនឹងយល់ច្បាស់អំពីមុខវិទ្យាទាំងនោះហើយ គ្រួក៏បានបង្វែរការយកចិត្តទុកដាក់របស់ពួកគាត់មកលើក្មេងដែលមានការសិក្សាខ្សោយវិញ។

ជាលទ្ធផល កុមារដែលមានភាពវៃឆ្លាតប្រមាណជាមួយភាគរយនោះបានបាត់បង់សមត្ថភាពរបស់ខ្លួន និងមានឥទ្ធិពលតិចតួចនៅក្នុងសង្គមសហរដ្ឋអាមេរិច។

SMPY បានសន្មត់ថាកុមារអាចឈានទៅដល់ការប្រើប្រាស់សក្តានុពលដែលខ្លួនមានពេញលេញដោយមិនមានអ្នកបង្ហាត់បង្ហាញ។ តាមការពិនិត្យតាមដានក្នុងរយៈពេល៤៥ឆ្នាំបានបង្ហាញថាការបញ្ឈប់ការសិក្សាគឺពិតជាបានរួមចំណែកយ៉ាងសំខាន់ក្នុងការអភិវឌ្ឍសមត្ថភាពរបស់កុមារទាំងនោះ។

នៅពេលដែលអ្នកស្រាវជ្រាវប្រៀបធៀបក្រុមនៃក្រុមកុមារមានសមត្ថភាពពីកំណើតទាំងនោះអោយបោះបង់ចោលការសិក្សា ទៅនឹងក្រុមកុមារមានសមត្ថភាពពីកំណើតដែលបន្តការសិក្សា ក្រុមកុមារមានសមត្ថភាពពីកំណើតដែលបានបោះបង់ចោលការសិក្សាជាង៦០%ទទួលបានការជោគជ័យនៅក្នុងជីវិត។ ចំនួននេះច្រើនជាង២ដងបើធៀបទៅនឹងក្មេងដែលបានទទួលបានការអប់រំពីសាលា។  ជំនាញដែលពួកគេពួកែរួមមានវិទ្យាសាស្ត្រ បច្ចេកវិទ្យា វិស្វកម្ម ឬក៏គណិតវិទ្យា (STEM)។

តែទោះបីជាយ៉ាងណាក៏ដោយ SMPY បានអោយជាអនុសាស្រ្តថាឪពុកម្ដាយ ឬលោកគ្រូ-អ្នកគ្រូកាលដែលបានដឹងថាកូន ឬក៏សិស្សរបស់ខ្លួនមានទេព្យកោសល្យខ្ពស់ពីកំណើតហើយ ពួកគេគួរតែផ្ដល់ឱកាសអោយក្មេងទាំងនោះបញ្ចេញសមត្ថភាពដែលខ្លួនមាន។ ពោលគឹមិនគួរដាក់ការងារណាដែលកម្រិតសមត្ថភាពរបស់ក្មេងទាំងនោះទេ ព្រោះវាអាចប៉ះពាល់ទៅដល់សម្ថភាពក្នុងការលូតលាស់ផ្នែកបញ្ញារបស់ក្មេងទាំងនោះ៕

ប្រភព៖ Weforum