All posts by Akira

SPARK.2: វាគ្មិនឆ្នើមទាំង១០រូបបានចែករំលែកអំពី….

កម្មវិធី SPARK.2 ដែលរៀបចំទ្បើងដោយINSPIRED.Cambodia មានគោលបំណងផ្តល់ឱកាសដល់យុវជនជំនាន់ក្រោយឱ្យទ្បើងមកបញ្ចេញគំនិតនៅលើវេទិកា ដើម្បីចែករំលែកគំនិតទាំងនោះទៅដល់អ្នកចូលរួម ព្រមទាំងបង្កើនជំនាញនិយាយជាសាធារណៈផងដែរ។ មិនតែប៉ុណ្ណោះ លើសពីកម្មវិធីនិយាយជាសាធារណៈធម្មតា SPARK.2 ក៏មានកិច្ចពិភាក្សាតុមូលពីសំណាក់វាគ្មិនកិត្តិយសផងដែរ។

សូមរំលឹកផងដែរថា កាលពីថ្ងៃទី ០៤ ខែ មីនា​ ឆ្នាំ ២០១៨ កន្លងផុតទៅនេះ កម្មវិធី SPARK.2 បានដំណើរការទ្បើងដោយជោគជ័យនៅមជ្ឈមណ្ឌលកិច្ចសហប្រតិបត្តិការកម្ពុជា-កូរ៉េ (CKCC) ជាមួយនឹងអ្នកចូលរួមរហូតដល់ទៅ៩០០នាក់ ហើយពួកគាត់សុទ្ធសឹងតែមកពីបណ្តាមជ្ឈដ្ឋានផ្សេងៗគ្នា ដូចជា សិស្សានុសិស្ស និស្សិត បុគ្គលិកក្រុមហ៊ុន អ្នកបង្កើតអាជីវកម្ម​ -ល- ។

តាមរយៈកម្មវិធី SPARK.2 វាគ្មិនបានចែករំលែកគំនិត ក៏ដូចជាបទពិសោធន៍ជាច្រើនដែលជា “រឿងរ៉ាវជំរុញទឹកចិត្តនៃការចាប់ផ្តើមគំរោងអាជីវកម្ម” ដល់អ្នកចូលរួមទស្សនាដើម្បីយកទៅធ្វើជាមេរៀនល្អៗក្នុងជីវិត។ លើសពីនេះទៅទៀត ​អ្នកចូលរួមទាំងអស់គ្នាក៏បានចូលរួមលេងហ្គេមកំសាន្តសប្បាយៗ និងទទួលបានរង្វាន់ជាច្រើនពីកម្មវិធី​។

ភាពជោគជ័យមួយនេះអាចដំណើរការទៅបាន ដោយសារក្រុមការងារយើងទទួលបានការគាំទ្រយ៉ាងច្រើនពីសំណាក់បណ្តាក្រុមហ៊ុន ស្ថាប័ននានា ក៏ដូចជាអ្នកចូលរួមទាំងអស់គ្នាហើយយើងក៏សូមអរគុណដល់តារាចម្រៀង២រូប គឺលោកសាយ(Sai) និង កញ្ញា Melodyផងដែរ ដែលបានចូលរួមបង្កើនភាពសប្បាយថែមមួយកម្រឹតទៀតដល់កម្មវិធី ដែលទាំងនេះគឺជាកម្លាំងចិត្តដល់ក្រុមយុវជនយើងក្នុងការបន្តការខិតខំប្រឹងប្រែងបង្កើត និងចែករំលែកអ្វីដែលថ្មីទៅដល់សង្គមរបស់យើងបន្តទៀត។​

ការកែប្រែនូវមុខមាត់ថ្មីនៃសាលាបឋមសិក្សាមួយនៅខេត្តមណ្ឌលគិរី

គម្រោងទំនួលខុសត្រូវសង្គមក្រោមប្រធានបទ “បរិវេណសាលាបៃតង សិស្សមានអនាម័យស្អាត” ត្រូវ​បាន​រៀបចំឡើងដោយសាស្ត្រាចារ្យនិងក្រុមនិស្សិតសកលវិទ្យាល័យភូមិន្ទភ្នំពេញផ្នែកគ្រប់គ្រងពាណិជ្ជ​កម្ម​អន្តរជាតិឆ្នាំទី៤ជំនាន់ទី១។ ក្នុងគម្រោងនេះផងដែរគឺផ្ដោតសំខាន់ទៅលើការគាំពារ​អនាម័យរបស់​សិស្សា​​នុសិស្ស និងប្រែក្លាយបរិវេណទីធ្លាសាលាឲ្យមានពណ៌បៃតងដោយផ្អែកលើសកម្មភាពដូចជា៖ ការ​សាងសង់នូវកន្លែងលាងដៃ សាងសង់ និងជួសជុលថ្មីនូវបង្គន់អនាម័យ ការលាបពណ៌អណ្តូងទឹក ការសាងសង់ឡដុតសំរាម ការបង្កើតនូវសួនបន្លែធម្មជាតិ ការដាំកូនឈើ ការចែកសំភារៈសិក្សា ក៏ដូចជាការបង្រៀនកុមារពីអនាម័យ ព្រមទាំងការជួសជុលនិងលាបពណ៌អគារឲ្យមានសភាពថ្មីផងដែរ -ល-។

ហើយគម្រោងនេះបង្កើតឡើងក្នុងគោលបំណងសំខាន់ចំនួនបីគឺ

  • គោលបំណងទី១៖ ធ្វើឡើងដើម្បីបណ្តុះគំនិតនិងលើកទឹកចិត្តនិស្សិតក្នុងនាម​ជាពាណិជ្ជករ​ម្ចាស់​​អាជីវកម្ម​ រឺអ្នកគ្រប់គ្រងនាថ្ងៃអនាគតអោយចេះស្រលាញ់បរិស្ថាន និងមានទំនួល​ខុស​ត្រូវ​ក្នុង​សង្គម។
  • គោលបំណងទី២៖ គឺដើម្បីជួយគាំទ្ររាជរដ្ឋាភិបាល ក៍ដូចជាក្រសួងធំៗចំនួនបីមានក្រសួងអប់រំ ក្រសួងបរិស្ថាន និងក្រសួងទេសចរណ៍ដែលលោកបានជម្រុញ និងលើកទឹកចិត្តអោយចេះ​ស្រលាញ់​និងនាំគ្នា​ថែរក្សាបរិស្ថាន។
  • គោលបំណងទី៣៖ គឺដើម្បីជម្រុញអោយមានការចូលរួមពីសំណាក់បណ្តាស្ថាប័ន រឺក្រុមហ៊ុន​នានា​ដែលមានចំណាប់អារម្មណ៍ក្នុងកម្មវិធីទំនួលខុសត្រូវសង្គមនេះ។

គួររំលឹកផងដែរថាគម្រោងទំនួលខុសត្រូវសង្គម “បរិវេណសាលាបៃតង សិស្សមានអនាម័យស្អាត” បានធ្វើឡើងកាលពីថ្ងៃទី២៣ដល់ថ្ងៃទី២៦ខែកុម្ភៈឆ្នាំ២០១៨ដោយមានការចូលរួមសហការឧបត្ថម្ភធំដោយ Maxk Group Co.,Ltd និងសហការឧបត្ថម្ភដោយ ក្រុមហ៊ុន Cam-Paint ថ្នាំពណ៌ជាតិ ក្រុមហ៊ុន ROYAL HM TRADING សាលាអាមេរិកាំងហ្គោលឌិនហ្គេត សាលារៀនអន្តរទ្វីបអាមេរិកាំង ហាងមាសអ៊ីហេងនិងសប្បុរជនជាច្រើនរូបទៀត។ មិនត្រឹមតែមានការសហការឧបត្ថម្ភនោះទេ គម្រោង​នេះ​ក៏មាន​ការគាំទ្រពីសមាគមអតីតនិស្សិតកម្ពុជាពីអូស្រ្តាលី សាលាខេត្តកំពង់ស្ពឺ សសយក (តំណាងឲ្យក្រសួងកសិកម្ម) និងបណ្តាប្រព័ន្ធផ្សព្វផ្សាយជាច្រើនទៀតផងដែរ។

ប្រសិនបើលោកអ្នកមានចំណាប់អារម្មណ៍ឬចង់ដឹងព័ត៌មានបន្ថែមក្នុងការជួយដល់សិស្សនិងកុមារក្រីក្រនៅទីនោះ លោកអ្នកអាចទំនាក់ទំនងតាមទំព័រហ្វេសប៊ុកដែលមានឈ្មោះថា Green & Clean Campus។

ឬអាចចុះឈ្មោះ link នេះ https://www.facebook.com/greencleancampus

ខាងក្រោមនេះគឺជាកម្រងរូបភាពដែលក្រុម  Green & Clean Campus បានធ្វើកន្លងមក៖

TEDx AbdulCarimeSt ក្រោមប្រធានបទ “What If?”

កម្មវិធីប្រភេទជាសិក្ខាសាលាជាច្រើនត្រូវបានបង្កើតឡើងដើម្បីមនុស្សទូទៅ ជាពិសេសនោះគឺយុវវ័យផ្ទាល់ដែលស្ថិតនៅក្នុងវ័យសិក្សាក្រេបយកចំណេះវិជ្ជាដើម្បីគ្រួសារ ប្រទេសជាតិ និងខ្លួនគេផ្ទាល់។ សិក្ខាសិលាទាំងនោះមានខ្លះជាប្រភេទក្នុងប្រទេសដែលបង្កើតនិងរៀបចំឡើងដោយកូនខ្មែរផ្ទាល់ ហើយខ្លះទៀតជាប្រភេទសុំសិទ្ធពីក្រៅប្រទេសដើម្បីធ្វើឡើងនៅប្រទេសកម្ពុជាយើង។

បើអ្នកទាំងអស់គ្នាចូលចិត្តមើលវីដេអូក្នុង YouTube ដែលនិយាយពីគំនិតថ្មីៗ និងការអប់រំជាលក្ខណៈអន្តរជាតិនោះប្រាកដជាស្គាល់ប្រភេទសិក្ខាសិលាដែលមានឈ្មោះបោះសម្លេងទូទាំងពិភពលោកដែលមានឈ្មោះថា TEDx។ វាពិតជាមានមោទនភាពណាស់ដែលមានកូនខ្មែរយើងមួយក្រុមសុំសិទ្ធដើម្បីរៀបចំកម្មវិធីដ៏ល្បីនេះនៅក្នុងប្រទេសកម្ពុជាយើងបានដោយជោគជ័យ ក្នុងគោលបំណងមួយគឺផ្តល់     ឱកាសឲ្យកូនខ្មែរបានបញ្ចេញនូវសម្លេង និងគំនិតទៅកាន់ពិភពលោក។ ឈ្មោះជាផ្លូវការរបស់កម្មវិធីដែលនឹងប្រព្រឹត្តទៅនៅក្នុងប្រទេសកម្ពុជាយើងគឺ TEDx AbdulCarimeSt ក្រោមប្រធានបទមួយគឺ What If? ឬមានន័យថា ចុះបើ?។

TEDx AbdulCarimeSt នឹងធ្វើឡើងនៅថ្ងៃ២៥ ខែមីនា ឆ្នាំ២០១៨ នៅសាលាអន្តរជាតិ ISPP ដោយមានវាគ្មិនចំនួន៨នាក់ ដែលពួកគាត់ទាំងអស់គ្នាភាគច្រើនសុទ្ធជាអ្នកមានស្នាដៃ ទេពកោសល្យ និងមានភាពជោគជ័យក្នុងជីវិត។ ពួកយើងក៏មានការសំដែងពីក្រុមរាំ Polarix, Music Art School និង លោក Mann VannDa ផងដែរ។

ដោយហេតុថាពួកយើងចង់រក្សានូវគុណភាពតាមស្តង់ដារបស់កម្មវិធី TEDx និងចង់អោយអ្នកចូលរួមទាំងអស់ទទួលបាននូវចំណេះដឹងទាំងស្រុងយ៉ាងពេញលេញ កម្មវិធីនេះមានលក់តែ ១០០ សំបុត្រតែប៉ុណ្ណោះ។

ដូច្នោះសូមកុំឲ្យឳកាសដ៏កម្រនេះរំលងផុតឲ្យសោះ។ ព័ត៌មានបន្ថែមចំពោះការទិញសំបុត្រ សូមចូលទៅកាន់ Website របស់យើងខ្ញុំគឺ www.tedxabdulcarimest.com រឺក៏ Facebook Page : www.facebook.com/tedxabdulcarimest

 

ឱកាសស្ម័គ្រចិត្តពីកម្មវិធី “យុទ្ធសាស្រ្តក្នុងការត្រៀមខ្លួន​សម្រាប់​ការ​ប្រឡង​បាក់ឌុប រដូវកាលទី២”

CAM-ASEAN STUDENT UNION

NO 007/PPFB2018

Practical Preparation for BACII Season II

Volunteer Recruitment

Degree level      : High School

Country               : Cambodia

Deadline              : March 07, 2018

Eligibility:

– សិសសវិទ្យាល័យ រឺសកលវិទ្យាល័យ

– មានអាយុចាប់ពី ១៦ ឆ្នាំ ឡើង

– មានចិត្ត និងការស្សឡាញ់ការងារស្ម័គ្រចិត្ត

Benefits:

ក្រុមការងារយុវជនស្ម័គ្រចិត្តនឹងទទួលបានៈ

– លិខិតសរសើរ

– អាវយឺតពីកម្មវិធី

– វត្ថុអនុស្សាវរីយ៍ និង

– ការជួបជុំក្រោយកម្មវិធីត្រូវបានបញ្ចប់

Descriptions:

ជ្រើសរើសក្រុមការងារយុវជនស្ម័គ្រចិត្តចំនួន ៨០រូប ក្នុងគោលបំណងរៀបចំកម្មវិធី​ “យុទ្ធសាស្រ្តក្នុងការត្រៀមខ្លួនសម្រាប់ការប្រឡងបាក់ឌុប រដូវកាលទី២”

សិក្ខាសាលាស្ដីពី​ “យុទ្ធសាស្រ្តក្នុងការត្រៀមខ្លួនសម្រាប់ការប្រឡងបាក់ឌុប រដូវកាលទី២” ត្រូវបានប្រារព្ធឡើងក្នុងគោលបំណងចែករំលែកបទពិសោធន៍ពីសិស្សច្បាង ដែលទទួលបានលទ្ធផលល្អនៅក្នុងការប្រឡងសញ្ញាប័ត្រមធ្យមសិក្សាទុតិយភូមិ និងលោកគ្រូអ្នកគ្រូទៅកាន់សិស្សានុសិស្សដែលកំពុងត្រៀមប្រឡង។

សិក្ខាសាលាស្ដីពី យុទ្ធសាស្រ្តក្នុងការត្រៀមខ្លួនសម្រាប់ការប្រឡងបាក់ឌុប រដូវកាលទី២ បានបែងចែកទៅជា៤ផ្នែកសំខាន់ៗគឺៈ

១. ការចែករំលែកវិធីសាស្រ្តក្នុងការសិក្សា ពីសិស្សនិទ្ទេស A ចំនួន៥រូប តំណាង ៥មុខវិជ្ជា។

២.ការចែករំលែកវិធីសាស្រ្តក្នុងការត្រៀមប្រឡងសិស្សពូកែ ពីអតិតសិស្សពូកែទូទាំងប្រទេសចំនួន៣រូប តំណាង​៣មុខវិជ្ជា។

៣.ការផ្ដល់ដំបូន្មានពីទ្រឹស្ដីក្នុងការសិក្សាពី សាស្រ្តាចារ្យល្បីៗចំនួន៥រូប តំណាង៥មុខវិជ្ជា។

៤.​ការផ្ដល់ដំបូន្មានពីបែបបទនៃអត្រាកំណែ និងការសរសេរដើម្បីទទួលបានពិន្ទុពីប្រធានបច្ចេកទេស ៥រូប តំណាង៥មុខវិជ្ជា។

កាលបរិច្ឆេទកម្មវិធី

ថ្ងៃ អាទិត្យ ១៤ រោច​ ខែពិសាខ ឆ្នាំច សំរឹទ្ទស័ក ព.ស ២៥៦២ ត្រូវនឹងថ្ងៃទី ១៣ ខែឧសាភា ឆ្នាំ២០១៨

ចាប់ពីម៉ោង ០៧:០០ព្រឹក ដល់ ០៥:០០ល្ងាច

ទីតាំង ៖ សាល តិចណូ (ITC Hall)

How to apply?

ចុះឈ្មោះ ៖ https://goo.gl/WmgWyJ

ទំនាក់ទំនង ៖ ០១២ ៣១៦ ៣៧៥ / ០៩៩ ២៥៤ ២៣២ / ០៧០ ៤០០ ៦៨៣

ទំព័រហ្វេសបុក ៖ Cambodia ASEAN International Institute

ចង់ដឹងពីវិធីសាស្រ្តក្នុងការបង្កើតអាជីវកម្មល្អៗ ពីសហគ្រិនជាច្រើនអ្នកក្នុងពេលតែមួយ ចូលរួមជាមួយSPARK.

[ភ្នំពេញ] នាពេលបច្ចុប្បន្ន​ យើងសង្កេតឃើញថាសហគ្រិនភាព និងការបង្កើតអាជីវកម្មជាទូទៅកំពុងតែមានសន្ទុះជាខ្លាំង។ អ្នកខ្លះក៏ជោគជ័យ អ្នកខ្លះទៀតក៏មានឧបសគ្គជាច្រើនរារាំងទៅរកភាពជោគជ័យ ហើយរឿងរ៉ាវទាំងអស់នេះសុទ្ធសឹងជាមេរៀនដ៏ល្អសម្រាប់រៀនសូត្រតាម។​ទាំងអស់នឹងអាចបកស្រាយបានដោយវាគ្មិនរបស់កម្មវិធី SPARK. 2

ពេលនេះINSPIRED.Cambodia​ បានរៀបចំកម្មវិធីSPARK. ជាលើកទី២ដែលហៅថាSPARK.2ក្នុងនោះផងដែ​រ មានវាគ្មិនជាច្រើនរូបនឹងទ្បើងមកបកស្រាយ និងចែករំលែកគំនិតដោយយើងធ្វើការផ្តោតសំខាន់ទៅលើ “រឿងរ៉ាវជម្រុញទឹកចិត្តនៃការចាប់ផ្តើមអាជីវកម្ម” (The inspiring story behind every start-up) ដែលមានដូចជាគំនិតដំបូងនៃការចាប់ផ្តើមអាជីវកម្ម ការបង្កើតក្រុម ការស្វែងរកទុនដើម្បីចាប់ផ្តើម ការគ្រប់គ្រងនៃប្រតិបត្តការ ប្ញឧបសគ្គនៅក្នុងការដំណើរការ ជាដើម​-ល-។

ដូច្នេះ ​កុំភ្លេចចូលរួមទាំងអស់គ្នាក្នុងកម្មវិធី SPARK.2 ដើម្បីទទួលបានគំនិត បទពិសោធន៍ មេរៀនជីវិតថ្មីៗតាមរយៈការនិយាយជាសាធារណៈនិង ការពិភាក្សាតុមូលពីសំណាក់វាគ្មិនកិត្តិយស។​ លើសពីនេះទៅទៀត យើងអាចស្វែងយល់ថា តើនៅពីក្រោយការចាប់ផ្តើមគំនិតជំនួញរបស់វាគ្មិនទាំងអស់មានលក្ខណៈបែបណា។

[ការនិយាយជាសាធារណៈពីសំណាក់វាគ្មិនកាលពីកម្មវិធីSPARK. ថ្ងៃទី០២ ខែ កញ្ញា ឆ្នាំ ២០១៧ ]

[ការពិភាក្សាតុមូលពីសំណាក់វាគ្មិនកិត្តិយសកាលពីកម្មវិធីSPARK. ថ្ងៃទី០២ ខែ កញ្ញា ឆ្នាំ ២០១៧]

តោះចាំកាលទៀត កក់សំបុត្រឥឡូវនេះ និងទទួលបានកាដូផ្សេងៗពីកម្មវិធីតាមរយៈតំណភ្ជាប់ https://goo.gl/3PGa1Y

កាលបរិច្ឆេទ: ថ្ងៃទី 04 ខែ មិនា ឆ្នាំ 2018

ពេលវេលា: ១:00 – ៥:00 រសៀល

ទីកន្លែង: Cambodia-Korea Cooperation Center (CKCC)

តម្លៃសំបុត្រ ៣$  ប្ញ ១២,០០០៛

ព័ត៌មានបន្ថែមសូមទំនាក់ទំនង

លេខទូរស័ព្ទ: ​​​   (+855) 31 46 22 244

(+855) 78 66 27 19

(+855) 93 71 71 94

Email: [email protected]

ប្ញចូលទៅកាន់ Facebook page: INSPIRED.Cambodia / SPARK.PhnomPenh