All posts by Akira

ចង់ដឹងពីវិធីសាស្រ្តក្នុងការបង្កើតអាជីវកម្មល្អៗ ពីសហគ្រិនជាច្រើនអ្នកក្នុងពេលតែមួយ ចូលរួមជាមួយSPARK.

[ភ្នំពេញ] នាពេលបច្ចុប្បន្ន​ យើងសង្កេតឃើញថាសហគ្រិនភាព និងការបង្កើតអាជីវកម្មជាទូទៅកំពុងតែមានសន្ទុះជាខ្លាំង។ អ្នកខ្លះក៏ជោគជ័យ អ្នកខ្លះទៀតក៏មានឧបសគ្គជាច្រើនរារាំងទៅរកភាពជោគជ័យ ហើយរឿងរ៉ាវទាំងអស់នេះសុទ្ធសឹងជាមេរៀនដ៏ល្អសម្រាប់រៀនសូត្រតាម។​ទាំងអស់នឹងអាចបកស្រាយបានដោយវាគ្មិនរបស់កម្មវិធី SPARK. 2

ពេលនេះINSPIRED.Cambodia​ បានរៀបចំកម្មវិធីSPARK. ជាលើកទី២ដែលហៅថាSPARK.2ក្នុងនោះផងដែ​រ មានវាគ្មិនជាច្រើនរូបនឹងទ្បើងមកបកស្រាយ និងចែករំលែកគំនិតដោយយើងធ្វើការផ្តោតសំខាន់ទៅលើ “រឿងរ៉ាវជម្រុញទឹកចិត្តនៃការចាប់ផ្តើមអាជីវកម្ម” (The inspiring story behind every start-up) ដែលមានដូចជាគំនិតដំបូងនៃការចាប់ផ្តើមអាជីវកម្ម ការបង្កើតក្រុម ការស្វែងរកទុនដើម្បីចាប់ផ្តើម ការគ្រប់គ្រងនៃប្រតិបត្តការ ប្ញឧបសគ្គនៅក្នុងការដំណើរការ ជាដើម​-ល-។

ដូច្នេះ ​កុំភ្លេចចូលរួមទាំងអស់គ្នាក្នុងកម្មវិធី SPARK.2 ដើម្បីទទួលបានគំនិត បទពិសោធន៍ មេរៀនជីវិតថ្មីៗតាមរយៈការនិយាយជាសាធារណៈនិង ការពិភាក្សាតុមូលពីសំណាក់វាគ្មិនកិត្តិយស។​ លើសពីនេះទៅទៀត យើងអាចស្វែងយល់ថា តើនៅពីក្រោយការចាប់ផ្តើមគំនិតជំនួញរបស់វាគ្មិនទាំងអស់មានលក្ខណៈបែបណា។

[ការនិយាយជាសាធារណៈពីសំណាក់វាគ្មិនកាលពីកម្មវិធីSPARK. ថ្ងៃទី០២ ខែ កញ្ញា ឆ្នាំ ២០១៧ ]

[ការពិភាក្សាតុមូលពីសំណាក់វាគ្មិនកិត្តិយសកាលពីកម្មវិធីSPARK. ថ្ងៃទី០២ ខែ កញ្ញា ឆ្នាំ ២០១៧]

តោះចាំកាលទៀត កក់សំបុត្រឥឡូវនេះ និងទទួលបានកាដូផ្សេងៗពីកម្មវិធីតាមរយៈតំណភ្ជាប់ https://goo.gl/3PGa1Y

កាលបរិច្ឆេទ: ថ្ងៃទី 04 ខែ មិនា ឆ្នាំ 2018

ពេលវេលា: ១:00 – ៥:00 រសៀល

ទីកន្លែង: Cambodia-Korea Cooperation Center (CKCC)

តម្លៃសំបុត្រ ៣$  ប្ញ ១២,០០០៛

ព័ត៌មានបន្ថែមសូមទំនាក់ទំនង

លេខទូរស័ព្ទ: ​​​   (+855) 31 46 22 244

(+855) 78 66 27 19

(+855) 93 71 71 94

Email: [email protected]

ប្ញចូលទៅកាន់ Facebook page: INSPIRED.Cambodia / SPARK.PhnomPenh

ភាពជោគជ័យរបស់ Inspired Cambodia នៃការរៀបចំកម្មវិធី Toastmasters Open Speech កាលពីខែមករា

នាថ្ងៃអាទិត្យ ទី២៨ ខែមករា​ ឆ្នាំ២០១៨ មានការរៀបចំកម្មវិធីមួយឈ្មោះថា Toastmasters Open Speech ដោយការសហការពីក្លឹប Toastmastersទាំង៤នៅប្រទេសកម្ពុជា​ ដែលប្រព្រឹត្តទៅនៅមជ្ឈមណ្ឌលសហប្រតិបត្តិការកម្ពុជា ជប៉ុន ( CJCC ) ពីម៉ោង ១-៥។ កម្មវិធីដ៏ធំនិងលើកដំបូងមួយនេះផងដែរផ្តុងផ្តើមរៀបចំដោយ INSPIRED.Cambodia ដែលបង្កើតឡើងដោយក្រុមយុវជនក្នុងគោលបំណងដើម្បីកម្ពុជារីកចម្រើនទៅមុខ ។​

Toastmasters Open Speech មានគោលបំណង៖

  • ផ្សព្វផ្សាយដ៏ដូចជាលើកកម្ពស់វប្បធម៌ការនិយាយជាសាធារណៈនៅកម្ពុជា
  • ជាវេទិកាសម្រាប់ជួយក្នុងការបង្កើនភាពរីកចម្រើនផ្ទាល់ខ្លួនរបស់បុគ្គលនីមួយៗ
  • អោយឱកាសទៅដល់អ្នកចូលរួមក្នុងការក្លាយជាអ្នកនិយាយជាសាធារណៈតាមរយៈការសួរសំណួរភ្លាមឆ្លើយភ្លាមពីពិធិករ​និងពិធីការនី
  • ផ្តល់ជាព័ត៌មានជំនួយ និងមេរៀនពីសំណាក់វាគ្មិនជាតិ និងអន្តរជាតិ
  • ជួយក្នុងការបណ្តុះគំនិតដើម្បីក្លាយជាអ្នកដឹកនាំល្អនាថ្ងៃអនាគត
  • ចង់អោយអ្នកចូលរួមដឹងពីរបៀបឬបច្ចេកទេសដើម្បីបង្កើតការនិយាយជាសាធាណៈមួយបានល្អ

ក្នុងថ្ងៃកម្មវិធីមានការចូលរួមពីសំណាក់សាធារណៈជនប្រមាណជា ៥០០​នាក់ ក្នុងនោះរួមមានសិស្សានុសិស្ស​ និស្សិត សាស្រ្តាចារ្យ បុគ្គលិកក្រុមហ៊ុន និងអ្នកជំនួញជាដើម។​​ នេះជាភាពជោគជ័យមួយ ក៏ដូចជាកម្លាំងចិត្តដល់ក្រុមយុវជន INSPIRED.Cambodia ទាំងមូលក្នុងការរៀបចំកម្មវីធីនានាដែលអាចជួយបង្កើនសមត្ថភាពជាអ្នកដឹកនាំ អ្នកទំនាក់ទំនង អ្នកនិយាយជាសាធារណៈ និងជំនាញផ្សេងៗជាច្រើនទៅដល់យុវជនដែលជាអ្នករៀបចំផ្ទាល់ និងសាធារណៈជនកម្ពុជាទាំងមូល។ ​ ក្រុមរៀបចំកម្មវិធីទាំងអស់គ្នាក៏បានថ្លែងអំណរគុណដល់ការជួយគាំទ្រ និងចូលរួមពីសំណាក់ក្រុមហ៊ុន ស្ថាប័ន​​ និងទស្សនិកជនទាំងឡាយដែលបានចូលរួមបង្កើតឲ្យមានកម្មវិធី Toastmasters Open Speech នេះឡើង។

Toastmasters Open Speech

កម្មវិធី Fulbright Teaching Excellence and Achievement (TEA) ប្រចាំឆ្នាំ២០១៨-២០១៩

កម្មវិធីនេះមានរយៈពេលតែ៦សប្ដាហ៍ ដើម្បីពង្រឹងសមត្ថភាពបង្រៀនរបស់លោកគ្រូអ្នកគ្រូ។

មុខវិទ្យាសម្រាប់កម្មវិធី Fulbright Teaching Excellence and Achievement (TEA) រួមមាន៖

  • ភាសាអង់គ្លេស
  • សិក្សាសង្គម (សិក្សាសង្គម, ប្រវត្តិសាស្ត្រ, ភូមិវិទ្យា …)
  • គណិតវិទ្យា
  • វិទ្យាសាស្ត្រ
  • គ្រូនៃការអប់រំពិសេស (Special Education)

លក្ខខណ្ឌ៖

  • ជាគ្រូពេញម៉ោងថ្នាក់អនុវិទ្យាល័យ ដែលបង្រៀននៅមូលដ្ឋានផ្ទាល់
  • មានបទពិសោធន៍យ៉ាងតិច៥ឆ្នាំ លើមុខវិជ្ជារភាសាអង់គ្លេស, សិក្សាសង្គម, គណិតវិទ្យា, វិទ្យាលសាស្ត្រ, ឬការអប់រំពិសេស (Special Education)
  • មានសញ្ជាតិខ្មែរ និងកំពុងស្នាក់នៅក្នុងប្រទេសកម្ពុជា
  • មានសញ្ញាបត្រថ្នាក់បរិញ្ញាបត្រ ឬដែលមានតម្លៃស្មើ
  • មានពិន្ទុ Paper Based TOEFL យ៉ាងតិច ៤៥០។ បេក្ខជនដែលជាប់ទៅវគ្គបន្តបន្ទាប់នឹងតម្រូវអោយប្រឡងយកពីន្ទុ TOEFL iBT។
  • មានឆន្ទៈបន្តការបង្រៀនបន្ទាប់ពីបញ្ចប់កម្មវិធី។

ផុតកំណត់ឈប់ទទួលពាក្យត្រឹមថ្ងៃទី៣១ មីនា ២០១៨

សម្រាប់ព័ត៌មានលម្អិត៖ https://kh.usembassy.gov/tea-program/

សម្រាប់ការដាក់ពាក្យ៖ https://oas.irex.org/tea/Logon?ReturnUrl=%2ftea

កម្មវិធីប្រឡងប្រជែងបកស្រាយប្រធានបទ “តម្លៃសកលរបស់ស្នាដៃអក្សរសិល្បល្ប៍ រឿង ទុំទាវ”

ក្រសួងអប់រំ យុវជន និងកីឡារៀបចំកម្មវិធីប្រឡងប្រជែងជ្រើសរើសបេក្ខជន បេក្ខនារីជ័យលាភីចំនួន៣នាក់ ដែលមានសមត្ថភាពក្នុងការបកស្រាយប្រធានបទ “តម្លៃសកលរបស់ស្នាដៃអក្សរសិល្បល្ប៍ រឿង ទុំទាវ”

មុខសញ្ញាជ្រើសរើស៖

  • សាស្ត្រាចារ្យមុខវិជ្ជាភាសាខ្មែរ និងអក្សរសាស្ត្រខ្មែរនៅកម្រិតមធ្យមសិក្សាទុតិយភូមិ
  • អ្នកមានបទពិសោធក្នុងការបង្រៀនមុខវិជ្ជាភាសាខ្មែរ និងអក្សរសាស្ត្រខ្មែរនៅកម្រិតមធ្យមសិក្សាទុតិយភូមិ។

លក្ខខណ្ឌជ្រើសរើស៖

  • ការបកស្រាយប្រធានបទខាងលើបានល្អ សមហេតុផលជាងគេបង្អស់តាមរយៈសំណេរអត្ថបទអោយបានយ៉ាងតិច១០ទំព័រក្រដាស A4 ដោយដៃ ឬកុំព្យូទ័រ
  • មានបទពិសោធក្នុងការបង្រៀនសិក្សាអត្ថបទអក្សរសិល្ប៍ក្នុងកម្មវិធីសិក្សា
  • មានចំណេះដឹងទូទៅទូលំទូលាយលើផ្នែកអក្សរសិល្ប៍
  • មានសំនួនវោហារ ឥរិយាបថល្អ វៃឆ្លាតក្នុងការដោះស្រាយបញ្ហា និងសម្របសម្រួល
  • សំណេរបានត្រឹមត្រូវតាមក្បួនអក្សរសាស្ត្រខ្មែរ និងអក្ខរាវិរុទ្ធ តាមវចនានុក្រមខ្មែរដែលបានបោះពុម្ភដោយពុទ្ធសាសនបណ្ឌិត្យ ឆ្នាំ១៩៦៧។

ការវាយតម្លៃ៖

ស្នាដៃទាំងអស់ត្រូវផ្លងការត់ការវាយតម្លៃ ជ្រើសរើសដោយ “អនុគណៈកម្មការបច្ចេកទេស” និងការពិនិត្យសម្រេចដោយ “អនុគណៈកម្មការអនុម័ត” របស់ក្រសួងអប់រំ យុវជន និងកីឡា។

ពេលវេលា និងទីកន្លែងទទួល៖

ស្នាដៃទាំងអស់ ត្រូវបញ្ជាក់ពីឈ្មោះ ភេទ ទីកន្លែងធ្វើការ ហើយបញ្ជូនមកនាយកដ្ឋានអភិវឌ្ឍកម្មវិធីសិក្សា ស្ថិតនៅក្នុងបរិវេណអគារដ្ឋបាលថ្មី របស់ក្រសួងអប់រំ យុវជន និងកីឡា ផ្លូវលេខ៣៨០ សង្កាត់បឹងកេងកងទី១ ខណ្ឌចំការមន រាជធានីភ្នំពេញ (ខាងកើតផ្សារបឹងកេងកងចម្ងាយប្រហាណ ២០០ម៉ែត្រ) ឬតាមរយៈសារអេឡិចត្រូនិច Email: [email protected] មិនអោយហួសថ្ងៃទី០៦ ខែកុម្ភៈ ឆ្នាំ២០១៨ វេលាម៉ោង១៧គត់ជាំកំហិត។

អាហារូបករណ៍​ថ្នាក់​បរិញ្ញាបត្រ​ជាន់ខ្ពស់ និង​ថ្នាក់​បណ្ឌិត​នៃ​ព្រះរាជាណាចក្រថៃ ដល់​និស្សិត​កម្ពុជា​ឆ្នាំ​សិក្សា​២០១៨

លក្ខខណ្ឌ៖

បេក្ខជន-បេក្ខនារីត្រូវតែ៖

  • ជាជនជាតិខ្មែរ ឡាវ ឬមីយ៉ាន់ម៉ា
  • មានសញ្ញាបត្របរិញ្ញាបត្រ ឬអនុបណ្ឌិត
  • មានសមត្ថភាពភាសាអង់គ្លេសល្អ
  • មានអាយុមិនអោយលើស ២៧ឆ្នាំសម្រាប់ថ្នាក់អនុបណ្ឌិត និង៣៥ឆ្នាំសម្រាប់ថ្នាក់បណ្ឌិត
  • មានសុខភាពល្អទាំងកាយសម្បទា និងសតិ

កាលបរិច្ឆេទ​ឈប់​ទទួល​ពាក្យ៖​ ថ្ងៃ​ទី​១៦ ខែ​កុម្ភៈ ឆ្នាំ​២០១៨
ដាក់​ពាក្យ​​នៅ​ស្ថានទូត​ថៃ​ប្រចាំ​នៅ​កម្ពុជា និង​ផ្ញើ​ទៅ​កាន់​ការិយាល័យ​គណៈកម្មការ​ឧត្ដម​សិក្សា​នៃ​ក្រសួង​អប់រំ​ថៃ​តាមរយៈ​អ៊ីមែល៖ [email protected]
ទាញ​យក​ពាក្យ៖ ជាទម្រង់ PDF (drive.google.com/file), ជាទម្រង់ Word (drive.google.com/file/d/)

ព័ត៌មានលម្អិត៖  drive.google.com/file/d/1P

គេហទំព័រផ្លូវការ៖ inter.mua.go.th/2017

សម្រាប់ចម្ងល់ទាក់ទងនឹងអាហារូបករណ៍៖ e-mail [email protected]