All posts by Nova

តើគួរគិតទៅដល់អ្វីខ្លះមុនសម្រេចចិត្តទិញអចលទ្រព្យ ?

អចលនទ្រព្យគឺជាទ្រព្យមួយប្រភេទដែលតម្លៃរបស់វាអាចប្រែប្រួលឡើង ចុះយ៉ាងឆាប់រហ័ស​ ហើយនៅពេលខ្លះមិនអាចស្មានដឹងពីតម្លៃនៅលើទីផ្សារទៀតផង ។ ប៉ុន្ដែទោះបីជាយ៉ាងណាសម្រាប់ឈ្មួញកណ្ដាលនៅតែចំនេញ ពីព្រោះពួកគេតែងតែទទួលបានកម្រៃជើងសារអោយតែមានការទិញលក់អចលនទ្រព្យ​ ។ និយាយអោយងាយស្រួលយល់ទៅ ពួកគេតែងតែចំណេញ ប៉ុន្តែសម្រាប់អ្នកវិនិយោគិនអចលទ្រព្យ​​ ការពិចារណាទៅលើកត្តាផ្សេង និងហានិភ័យមុនទិញអចលទ្រព្យ​ គឺជាកត្តាដ៏សំខាន់ក្នុងការសម្រេចចិត្តដែលប្រកបទៅដោយប្រសិទ្ធិភាព​ ដែលកត្តាទាំងនោះរួមមាន ៖

Central Phnom Penh City in Cambodia

១. ទីតាំងនៃអចលទ្រព្យដែលអ្នកចង់ទិញ ។

២. តម្រូវការក្នុងការទិញអចលទ្រព្យនោះ ឬក៏គោលបំណងទិញក្នុងការបើកអាជីវកម្ម ដោយសម្លឹងមើលផលចំណេញក្នុងរយពេលមួយដែលខ្លួនបានកំណត់ទុក​ ។

៣. ការប្រមូលព៍ត័មានបានគ្រប់ជ្រុងជ្រោយនៅតំបន់ដែលអ្នកចង់ទិញ ដែលរួមមានតម្លៃ​

ស្ថានភាពសេដ្ធកិច្ចជុំវិញតំបន់ដែលអ្នកចង់ទិញ ។

៤. ទាក់ទងភ្នាក់ងារអចលទ្រព្យ (បើចាំបាច់) ។

តើកត្តាអ្វីខ្លះដែលគួរយកទៅពិចារណាមុនសម្រេចធ្វើអាជីវកម្ម ?

ជាការពិតណាស់នៅក្នុងយុគសម័យទីផ្សារសេរី សម័យដែលបើកសិទ្ធិសេរីភាពក្នុងការប្រកួតប្រជែងធ្វើអាជីវកម្ម ជំនួញផ្សេងៗដែលរួមបញ្ជូលទាំងខ្នាត​តូច មធ្យម និងធំ ទៅដល់ពាណិជ្ជករ វិនិយោគិនតូច មធ្យម និងធំ បានធ្វើអោយមានការប្រកួតប្រជែងដោយស្មើរភាព និងការប្រើច្បាប់ពាណិជ្ជកម្មអន្តរជាតិជាមូលដ្ធានគ្រឹះក្នុងការចង និងបានធ្វើអោយបរិយាកាស​ ក៏ដូចជាប្រតិបត្តិការជំនួញនៅក្នុងប្រទេសមួយ ប្រពឹត្តទៅដោយរលូន តម្លាភាព និងភាពស្មើសិទ្ធិចំពោះមុខច្បាប់​ ។ បើយើងក្រឡេកទៅមើលបរិបទក៏ដូចជាបរិយាកាសប្រតិបត្តិការជំនួញនៅក្នុងប្រទេសកម្ពុជាដែលកំពុងតែមានភាពស្ទុះឡើងជាលំដាប់ដោយផ្អែកទៅលើកត្តាជំរុញជាច្រើន បានធ្វើអោយសេដ្ធកិច្ចប្រទេសដ៏តូចកំសត់នេះស្គាល់ពន្លឺរស្មីនៃការឈានជើងទៅរកភាពជោគជ័យជាថ្មីម្ដងទៀត ។ វាជាសញ្ញាណដ៏វិជ្ជមានមួយដែលធ្វើអោយមានការរីកចម្រើនវិស័យនានា ជាពិពេសនោះគឺវិសឯកជនតែម្ដង ។ ការធ្វើជំនួញវាទាមទារអោយបុគ្គលដែលមានចិត្តចង់ធ្វើវានោះមានភាពប្ដេជ្ញា​ ក៏ដូចជាការខិតខំតស៊ូអត់ធ្មត់​ ដើម្បីអោយដល់គោលដៅជោគជ័យមួយ ។ សំណួរដែលតែងតែកើតមានឡើងចំពោះបុគ្គលដែលមានអាយុខ្ទង់ល្បាក់​ក្បាល២០ ឬក៏ ៣០ គឺថា តើខ្លួនគួរសម្រេចចិត្តធ្វើការរកស៊ីឬក៏យ៉ាងណា ? ជាការពិតណាស់ វាមានកត្តាសំខាន់ៗចំនួន ៥ ដែលបុគ្គលទាំងនោះយកទៅពិចារណា​ ក៏ដូចជាថ្លឹងថ្លែងមុននិងសម្រេចចិត្តធ្វើការរកស៊ីក្នុងល្បាក់អាយុក្បាលខាងលើ ៖

  1. លទ្ធភាព ដែលសំដៅលើ ដើមទុន និងចំណេះជំនាញដែលដឹងពីទំហំនៃមុខជំនួញដែលខ្លួនចង់រកស៊ី​ ។
  2. ការដៅផែនការមានភាពបទបែន​ ប៉ុន្តែច្បាស់លាស់ ។
  3. ការប្ដេជ្ញាចិត្ត និង ជ្រើសរើសដៃគូរសហការត្រូវ ។
  4. ការសម្លឹងមើលទីផ្សារត្រូវ ដែលសមស្របជាមួយតម្រូវការ ។
  5. និង ការប្រើប្រាស់យុទ្ធសាស្រ្ដទន្រ្ធានទីផ្សារដែលសមស្រមជាមួយពេលវេលា ។

តើកត្តាអ្វីដែលកំណត់ពីភាពជោគជ័យអ្នក?

មនុស្សម្នាក់ៗអោយនិយមន័យទៅលើភាពជោគជ័យនៅក្នុងជីវិតខុសៗគ្នាៗ ។ ជាការពិតណាស់ ភាពជោគជ័យមានភាពខុសៗគ្នាសម្រាប់បុគ្គលម្នាក់ៗ ។ អ្នកខ្លះដើរទៅដល់ចំណុចមួយដែល ខ្លួនគេផ្ទាល់គិតថាជោគជ័យ ស្របពេលដែលបុគ្គលផ្សេងគិតថាភាពជោគជ័យរបស់គេស្ថិតនៅក្នុងលក្ខណៈបែបផ្សេង ។ កត្តាអ្វីដែលអាចកំណត់ពីភាពជោគជ័យអ្នកនោះ​ ការពិតវាមានភាពជាប់ទាក់ទិនច្រើនទៅនឹងកត្តាផ្លូវចិត្ត​ គឺអ្វីដែលបុគ្គលនោះពេញចិត្តនឹងអ្វីដែលខ្លួនមាន ហើយបុគ្គលនោះមានការផ្ដោតនិងយកចិត្តទុកដាក់ធ្វើអ្វីមួយដែលជាគោលដៅរបស់ខ្លួន​ ជាសជៀងអ្វីៗដែលអាចមើលឃើញពីសំបកខាងក្រៅឡូយឆាយក្នុងរយៈពេលខ្លី ។ កត្តាអ្វីដែលអាចដឹកដៃអ្នកអោយដើរទៅដល់ភាពជោគជ័យនោះ​រួមមាន ៖

១. ពេញចិត្តនឹងអ្វីដែលជារបស់អ្នក ។

៣. មានផែនការមេសម្រាប់ជីវិត ។

៣. សម្លឹងមើលពីភាពជោគជ័យរបស់ខ្លួននាថ្ងៃអនាគត ។

៤. ដៅចំណុចខៀវនៅលើផែនទីនៃជីវិតដែលអ្នកចង់ទៅដល់ ។

៥. អនុវត្តន៍រាល់សម្មភាពដែលទាក់ទងនឹងផែនការមេនៃជីវិតរបស់អ្នក ។

ការប្រើប្រាស់គុណកិរិយាកំរិត fairly, quite, rather និង pretty

កាបប្រើប្រាស់គុណនាមពឹងផ្អែកលើគុណកិរិយាមួយចំនួនក្នុងការធ្វើបំរែបំរួលន័យរបស់គុណនាមនោះអោយកាន់តែខ្លាំង។ ជាក់ស្តែងមានគុណកិរិយាមួយចំនួន ដូចជា very ជាដើមដែលគេឧស្សាហ៍ប្រើប្រាស់។ ពេលនេះយើងក្រឡេកមកមើលគុនកិរិយាបញ្ជាក់ពីកំរិតទាំងបួន fairly, quite, rather និង​ pretty វិញម្តង ថាតើកំរិតរបស់វាយ៉ាងណា និងមានការប្រើប្រាស់យ៉ាងណាដែរ។

១. Fairly 

ជាទូទៅ Fairly បញ្ជាក់ន័យអោយ គុណនាម និង គុណកិរិយាគ្នាវា។ គុណកិរិយា Fairly មិនសូវជាសង្កត់ន័យខ្លាំងពេកទេ។ ប្រសិនបើយើងសរសេរ Somebody is fairly nice or fairly clever.  អាចមានន័យថាអ្នកដែលយើងសរសើរនៅមិនទាន់សប្បាយចិត្តខ្លាំងនៅឡើយ។

ឧទាហរណ៍៖

A: How was the film?

B: Fairly good. Not the best one I’ve seen this year.

២. Quite 

Quite (ទូទៅប្រើក្នុង British English) គឺជាគុណកិរិយាសង្កត់ន័យខ្លាំងឬច្បាស់ជាងគុណកិរិយា fairly។

ឧទាហរណ៍៖

A: How was the film?

B: Quite good. You ought to go.

ចំណាំ៖ Quite (ជាគុណកិរិយា)​ បញ្ជាក់ន័យអោយកិរិយាស័ព្ទ និង (ជាគុណនាម) បញ្ជាក់ន័យអោយនាម។

ឧទាហរណ៍៖

I quite enjoyed myself at  your party. (enjoy ជាកិរិយាស័ព្ទ)

The room was quite a mess. (a mess ជានាម)

ឧទាហរណ៍៖ I quite enjoyed myself at your party.

៣. Rather 

Rather គឺជាគុណកិរិយាសង្កត់ន័យខ្លាំងឬច្បាស់ជាងគុណកិរិយា quite ទៀត។ ពាក្យនេះសង្កត់ន័យខ្លាំងជាងសភាពធម្មតា។

ឧទាហរណ៍៖

A: How was the film?

B: Rather good – I was surprised.

ចំណាំ៖ Rather ក៏បញ្ជាក់ន័យអោយ កិរិយាស័ព្ទ (បញ្ជាក់ពីអារម្មណ៍) និងនាមផងដែរ។

ឧទាហរណ៍៖

I rather think we’re going to lose. (think ជាកិរិយាស័ព្ទ)

I was rather a disappointment. (a disappointment ជានាម)

៤. Pretty 

គុណកិរិយា pretty មានកំរិតស្រដៀងទៅនឹង rather ដែរ ប៉ុន្តែប្រើសម្រាប់តែបញ្ជាក់ន័យអោយ គុណនាម និងគុណកិរិយាតែប៉ុណ្ណោះ។ ហើយការប្រើប្រាស់របស់វាក៏ផ្លូវការផងដែរ។​

ឧទាហរណ៍៖

A: How’s things?

B: Pretty good. You OK?

ពាក្យ ‘pretty well’ មានន័យថា ‘almost’។

ឧទាហរណ៍៖

I’ve pretty well finished.

អ្វី​ដែល​គួរ​ធ្វើ​និង​មិន​គួរ​ធ្វើ​សម្រាប់​ភាព​ជោគ​ជ័យ​ក្នងភាពជាសហគ្រិន

ផែនទីបង្ហាញផ្លូវខ្លីៗនិងមានន័យសម្រាប់សហគ្រិនពី Darren Hardy’s ‘The Entrepreneur Roller Coaster’

1. DON’T want what you don’t want.

វាពិតជាមានភាពងាយស្រួលណាស់ក្នុងការរងឥទ្ធិពលអវិជ្ជមានពីមនុស្សជំុវិញខ្លួន។ ដូច្នេះហើយចូរកំុចាញ់បោកនូវអ្វីជំុវិញខ្លូនអ្នក។ ចូរដើរទៅតាមផ្លូវនិងគោលការណ៍ដែលអ្នកបានគ្រោងទុក ហើយចូរកំុអនុញ្ញាតអោយសេចក្ដីភ័យខ្លាចនិងសម្ពាធពីសង្គមបាំងបិទចក្ខុវិស័យរបស់អ្នក។

2. DON’T miss the point.

ចំពោះជីវិតជំនួញកាន់តែជោគជ័យកាន់តែល្អសម្រាប់ភ្នែករបស់មនុស្សជំុវិញខ្លូន។ ប៉ុន្តែនៅក្នុងតថភាពពិត បើសិនជាអ្នកស្ថិតនៅក្នុងស្ថានភាពមួយដែលអាចធ្វើអោយអ្នកសប្បាយចិត្តជាមួយនឹងស្នាមញញឹមដែលផុសចេញពិតៗ ចូរអ្នករស់នៅក្នុងថ្ងៃនោះ ដោយបន្សល់ទុកនូវអនុស្សាវរីយ៍ដ៏មានន័យសម្រាប់ខ្លួនអ្នកនៅចុងបញ្ចប់។

3. DO the right thing.

នៅពេលដែលអ្នកប្រឈមមុខទៅនឹងជម្រើសដ៏ពិបាកក្នុងការសម្រេចចិត្ត។ និយាយអោយងាយស្ដាប់នោះគឺ នៅពេលដែលអ្នកមានក្តីសុបិន្ត មានបំណងប្រាថ្នា និងការគ្រោងទុកកំពុងតែទាមទារនិងអង្វរអោយអ្នកជូនពួកវាទៅក្នុងស្ថានការណ៍មួយដ៏ជោគជ័យ ហើយខួរក្បាលរបស់អ្នកបញ្ជាអោយទៅធ្វើអ្វីផ្សេងទៀត។ ចូរអ្នកចាំថា អ្វីដែលធ្វើអោយអ្នកសប្បាយចិត្តបានជាដ៏រាបនោះគឺអ្នកប្រកាន់ភ្ជាប់តម្លៃរបស់ខ្លួន។

4. Do trust your gut.

ចូរកំុនៅរង់ចាំដល់អ្នកអាយុ៨០ឆ្នាំ ហើយចាប់ផ្ដើមរស់នៅជាមួយភាពសោកស្ដាយ។ ត្រូវធ្វើជាបុគ្គលដែលខ្លួនអ្នកប្រាថ្នាចង់ក្លាយទៅថ្ងៃអនាគត។

5. Do keep your resolve.

សហគ្រិនមួយចំនួនបរាជ័យក្នុងសមរភូមិជំនួញមិនមែនដោយសារតែគំនិត ជំនាញ ឬក៏ទីផ្សារនោះឡើយ។ ប៉ុន្តែអ្វីដែលពួកគេបរាជ័យនោះមកពី ពួកគេងាយបោះបង់ចោលនូវអ្វីដែលពួកគេខំប្រឹងធ្វើកន្លងមកពាក់កណ្ដាលទី។

6. Don’t forget why.

ជំនួញអាចកែប្រែអ្នកបាន។ ដូច្នេះហើយចូរអ្នកកំុភ្លេចពីគោលការណ៍និងមូលហេតុដែលនៅពីក្រោយអ្នក ដែលវាអាចជួយកែប្រែអោយអ្នកក្លាយជាមនុស្សថ្មី⁣⁣ (ជាបុគ្គលដែលជោគជ័យលើវិស័យជំនួញ)។

7. DO seek your greatness.

ទេពកោសល្យនិងសមត្ថភាពដ៏អស្ចារ្យដែលអ្នកទទួលបានពីធម្មជាតិក៏ដូចជាការឈ្វែងយល់និងរៀនសូត្រពីបរិស្ថានជុំវិញខ្លួនគឺពិតជាមានន័យសម្រាប់ឆាកជីវិតរបស់អ្នក ព្រោះវាអាចអោយអ្នកទទួលបានភាពជោគជ័យដោយសារវាបាន។ ចូរអ្នកប្រើប្រាស់រាល់សក្ដានុពលដែលអ្នកមានដើម្បីផលប្រយោជន៍និងសេចក្ដីសុខសម្រាប់មនុស្សជារួមក្នុងនាមជាសហគ្រិនដ៏ជោគជ័យម្នាក់និងមានមនសិការម្នាក់។