All posts by Apsara

សែលកាតត្រៀម “កញ្ចប់កាដូជាច្រើន” ក្នុងឱកាសបុណ្យចូលឆ្នាំខ្មែរ 2018

ភ្នំពេញថ្ងៃទី 04​ មេសា ឆ្នាំ 2018​ – ការប្រារព្ធពិធីចូលឆ្នាំខ្មែរហាក់ដូចជាមកដល់លឿនជាងធម្មតា សម្រាប់អតិថិជនមហាសំណាងរបស់សែលកាតទាំង 14នាក់ ដែលនឹងត្រូវមកបង្ហាញខ្លួនជាមួយនឹងរង្វាន់របស់ពួកគេ ដែលបានឈ្នះពីកម្មវិធីប្រូម៉ូសិនរបស់សែលកាត នៅក្នុងព្រឹត្តិការណ៍ដ៏ពិសេសនៅថ្ងៃនេះ។

អតិថិជនដែលឈ្នះរង្វាន់ បានប្រាប់ថា ពួកគេបានចូលរួមក្នុងកម្មវិធីស្ទូចយកម៉ូតូ Fino និងកម្មវិធី iKnow iKnow។

ក្នុងនោះមាន​ អតិថិជនបីនាក់បានឈ្នះម៉ូតូ Yamaha QBIX 2018​ ម្នាក់មួយគ្រឿង ហើយប្រាំមួយនាក់ផ្សេងទៀត ឈ្នះម៉ូតូ Yamaha Fino 2018 រីឯអតិថិជន 4 នាក់ផ្សេងទៀត បានឈ្នះទឹកប្រាក់ចំនួន $1,000 និងអតិថិជនចុងក្រោយបានឈ្នះទូរទស្សន៍LG 32 inch មួយគ្រឿង។

ពិធីប្រគល់រង្វាន់នេះ បានប្រព្រឹត្តទៅ នៅវេលាម៉ោង  3:30 រសៀល នៅការិយាល័យកណ្តាលរបស់ក្រុមហ៊ុនសែលកាត នារាជធានីភ្នំពេញ។

ព្រឹត្តិការណ៍នេះធ្វើឡើងស្របពេលគ្នាជាមួយនឹងប្រូម៉ូសិនលក់សម្រាប់ឆ្នាំថ្មីរបស់ទូរស័ព្ទ Nokia ដែលផ្តល់ជូននូវកាដូឥតគិតថ្លៃដ៏ច្រើនសន្ធឹកសន្ធាប់ នៅរៀងរាល់ពេលអតិថិនជាវ ។

ក្រៅពីនេះ សែលកាតក៏នឹងបង្ហាញពីព្រឹត្តការណ៍ត្រៀមសម្រាប់ពិធីបុណ្យចូលឆ្នាំថ្មីឆ្នាំ 2018 របស់ខ្លួន ក្រោមប្រធានបទ #komplechtovsrok (ដែលមានន័យថា “កុំភ្លេចទៅស្រុកកំណើតរបស់អ្នក”) ។

ក្នុងខែមេសានេះ លោកអ្នកនឹងឃើញពីសកម្មភាពពិសេសៗក្នុងឆ្នាំថ្មីមួយចំនួនរបស់សែលកាត រួមមានការលក់ទូរស័ព្ទស្មាតហ្វូន និងពិធីប្រគល់ពានរង្វាន់នៅ:

  • ការិយាល័យសែលកាតនៅផ្លូវលេខ 432 រាជធានីភ្នំពេញ (ថ្ងៃទី 7-8 ខែមេសា)។
  • ផ្សារត្រពាំងថ្លឹង ផ្លូវវ៉េងស្រេង ចាប់ពីថ្ងៃទី 9-11 ខែមេសា។

ហើយជាពិសេសនោះគឺ កម្មវិធីអង្គរសង្ក្រាន្ត ដែលប្រារព្ធឡើង នៅថ្ងៃទី 14, 15 និង 16 ខែមេសា។

នាយកប្រតិបត្តិសែលកាត លោក អៀន វ៉ាតសុន បានមានប្រសាសន៍ថា ពិធីចូលឆ្នាំខ្មែរ គឺជាពេលវេលាជួបជុំគ្រួសារ និងមិត្តភក្ដិ ហើយជាឱកាសដែលឱ្យអ្នកទាំងអស់គ្នាបានត្រលប់ទៅស្រុកកំណើតវិញ ប្រកបដោយសុវត្ថិភាព និងភាពក្អាកក្អាយ។

លោកបន្តថា៖ «យើងបានបង្កើតប្រូម៉ូសិនពិសេសៗឡើង ដើម្បីផ្តល់ប្រយោជន៍ដល់អតិថិជនរបស់យើង ជាពិសេសអ្នកដែលនៅតាមតំបន់ជនបទ»។

«អ្នកឈ្នះភាគច្រើនរបស់យើង ដែលមកទទួលរង្វាន់នៅថ្ងៃនេះភាគច្រើនគឺ មកពីខេត្តនានា ដូចជាខេត្តសៀមរាប ប៉ោយប៉ែត ពោធិ៍សាត់ កំពង់ធំ កំពង់ចាម និងតាកែវ»។

លោកបានឱ្យដឹងទៀតថា អតិថិជនដែលខកខាននាពេលនេះនៅតែមានឱកាសចូលរួមបានដូចគ្នា សម្រាប់កម្មវិធីប្រូម៉ូសិនរបស់សែលកាត បញ្ចូលលុយក្នុងឱកាសបុណ្យចូលឆ្នាំថ្មីប្រពៃណីខ្មែរដើម្បីឈ្នះរង្វាន់ដ៏សន្ធឹកសន្ធាប់ ហើយកម្មវិធីនេះនឹងបន្តរហូតដល់ថ្ងៃព្រហស្បតិ៍ទី 12 ខែមេសា។

គួរបញ្ជាក់ផងដែរថា កម្មវិធីស្ទូចយកម៉ូតូ Fino នឹងបន្តរហូតដល់ថ្ងៃទី 01 ខែសីហា ឆ្នាំ 2018 ហើយដូចគ្នាផងដែរ សម្រាប់កម្មវិធីiKnow iKnow រដូវកាលថ្មី នឹងនៅតែបន្តរហូតដល់ថ្ងៃទី 8 ខែកក្កដាឆ្នាំ 2018។

សម្រាប់ព័ត៌មានបន្ថែម សូមទាក់ទងទៅ កញ្ញា ឌិន ណៃគាង ប្រធានគ្រប់គ្រងផ្នែកទំនាក់ទំនងសាធារណៈ

M: +855 78 333 853 | E: [email protected]

[email protected]

សែលកាតនៅតែរក្សាតំណែង ជាក្រុមហ៊ុនអ៊ីនធើណិតលឿនជាងគេបំផុត ពីការធ្វើតេស្តរបស់ Ookla

លទ្ធផលចុងក្រោយបំផុតពី Ookla លើការធ្វើតេស្តល្បឿនអ៊ីនធើណិត នៅក្នុងប្រទេសកម្ពុជា បានប្រកាសថា ក្រុមហ៊ុនសែលកាត នៅតែជាក្រុមហ៊ុន ដែលមានល្បឿនអ៊ីនធើណិត 4G លឿនជាងគេបំផុត នៅក្នុងប្រទេសកម្ពុជា។​

លទ្ធផលនេះ​ គឺជាទន្និន័យនៃការធ្វើតេស្តដែល​​ Ookala ប្រមូលបានចាប់ពីខែ កក្កដា ដល់ខែ​ធ្នូ ឆ្នាំ 2017។ ​សែលកាត បានទទួលពិន្ទុសរុប លើការធ្វើតេស្តល្បឿន 19.64 Megabits per second MBps ដែលការធ្វើតេស្តកាលពីឆ្នាំមុន ចាប់ពីខែ មករា ដល់មិថុនា 2017 មានល្បឿនត្រឹមតែ 13.81 តែប៉ុណ្ណោះ។​

ជ័យលាភីនេះគឺ សែលកាតទទួលបានបន្ទាប់ពី ការឈ្នះពានរង្វាន់លើល្បឿន អ៊ីនធើណិតពី OpenSignal ដែលបានប្រកាសក្នុង សន្និសិទ្ធទូរស័ព្ទពិភពលោក កាលពីខែកុម្ភះ។​

នាយកប្រតិបត្តិក្រុមហ៊ុនសែលកាត លោក អៀន វ៉ាតសុន​ បានលើកឡើងថា លទ្ធផលពី Ookla នេះ គឺជាសម្មតិផលថ្មីមួយទៀត បន្ទាប់ពីយើង ធ្វើការពង្រីកវិសាលភាព បណ្តាញ

សេវារបស់យើង កាលពីដើមខែ មករា ឆ្នាំ 2017 ដែលយើងមានអង់តែនរហូត ដល់ 200 កន្លែង។

លោកបានបន្តទៀតថា សព្វថ្ងៃនេះ យើងមានអង់តែនរហូតដល់ 3000 កន្លែងដែលអាច ឲ្យអតិថិជនរហូតរីករាយជាមួយអ៊ីនធើណិត ល្បឿនលឿនរបស់យើង។

“បណ្តាញសេវារបស់យើងមានការកើនឡើង 400% លើការប្រើប្រាស់ទន្និន័យអ៊ីនធើណិតចាប់តាំងពីខែមករា ឆ្នាំ​ 2017 ដែលយើងសង្គេតឃើញថា អតិថិជនប្រើច្រើនជាងទ្វេដងជាមធ្យម។”

“ក្នុងនាមជាក្រុមហ៊ុន ទូរទមនាគមន៍ឈានមុខគេ សែលកាត នៅតែបន្តផ្តល់នូវការ ប្រើប្រាស់អ៊ីនធើណិតក្នុងតម្លៃសមរម្យបំផុត និងលឿនបំផុត​ដើម្បីលើកស្ទួយ ដំណើរការអភិវឌ្ឍន៍របស់ប្រទេសយើង។​”

ដើម្បីកំណត់ពីអ៊ីនធើណិតដែលមាន ល្បឿនលឿនបំផុត នៅក្នុងប្រទេសកម្ពុជា​​ Ookla​ បានធ្វើការប្រៀបធៀប លទ្ធផលនៃការ ធ្វើតេស្តរបស់អ្នកប្រើប្រាស់ម្នាក់ៗ ដែលធ្វើតេស្ត

លើកម្មវិធីទូរស័ព្ទ Speedtest​ នៅលើ iOS និង Android ពីអ្នកប្រើប្រាស់ទន្និន័យអ៊ីនធើណិតទាំងអស់នៅក្នុងប្រទេសកម្ពុជា​ មុនកំលុងពេលប្រគល់ពានរង្វាន់។​

អំពី Ookla

Ookla គឺជាក្រុមហ៊ុនដែលផ្ដោតលើការធ្វើតេស្ដល្បឿនអ៊ីនធើណិត (Speedtest ) ហើយគឺជាអ្នកនាំមុខគេក្នុងការធ្វើតេស្ត និងវិភាគលើអ៊ីនធើណិត ដែលត្រូវបានគេប្រើប្រាស់ជាង 15 ពាន់លានដងនៅទូទាំងពិភពលោក។​ ការធ្វើតេស្ដល្បឿន (Speedtest )ដោយ Ookla គឺជាមធ្យោបាយត្រឹមត្រូវបំផុតក្នុងការវាស់ស្ទង់ល្បឿន លើបណ្តាញអ៊ីនធឺណិត។ Speedtest ផ្តល់ជូននូវទិន្នន័យ ដ៏ជាក់លាក់អំពីល្បឿន និងគុណភាពនៃទូរស័ព្ទចល័ត និងទំហំបណ្ដាញទូលំទូលាយ។ នេះនឹងផ្តល់ឱ្យអតិថិជននូវព័ត៌មានដែលពួកគេត្រូវការ ដើម្បីស្វែងយល់ និងដោះស្រាយនូវរាល់បញ្ហា បទពិសោធន៍អ៊ីនធើណិតរបស់ពួកគេ។ Ookla ជាអ្នកប្រែក្លាយ ការធ្វើតេស្តរាប់ពាន់លាន នៅលើពិភពលោកទាំងនេះ ទៅជាឧបករណ៍ស្រាវជ្រាវសំខាន់ៗ។ ផលិតផលសហគ្រាសធំបំផុតរបស់ក្រុមហ៊ុន Ookla គឺ Speedtest Intelligence ដែលត្រូវបានប្រើប្រាស់ដោយ អ្នកផ្តល់សេវាអ៊ីនធើណិត ក្រុមហ៊ុនដឹកជញ្ជូន ក្រុមហ៊ុននានា សាកលវិទ្យាល័យ និងភ្នាក់ងាររដ្ឋាភិបាល ដែលជឿជាក់លើការផ្ដល់ជូនរបស់ Ookla ដែលប្រកបដោយគុណភាព និងអព្យាក្រិត្យ។ មានទីស្នាក់ការកណ្តាលស្ថិតនៅរដ្ឋធានីវ៉ាស៊ីនតោន និងការិយាល័យបន្ថែមទៀតនៅទីក្រុង Dublin ប្រទេសអៀរឡង់ Ookla បានផ្តល់នូវការយល់ដឹងទូលំទូលាយទូទាំងពិភពលោក ដល់ឧស្សាហកម្មទូរគមនាគមន៍តាំងពីឆ្នាំ 2006 មកម្ល៉េះ។

សម្រាប់ព័ត៌មានបន្ថែម សូមទាក់ទងទៅ កញ្ញា ឌិន ណៃគាង ប្រធានគ្រប់គ្រងផ្នែកទំនាក់ទំនងសាធារណៈ

M: +855 78 333 853 | E: [email protected]

[email protected]

សែលកាតនៅតែជាបណ្ដាញសេវាទូរស័ព្ទដែលលឿនជាងគេ

ក្រុមហ៊ុនសែលកាតបានទទួលជោគជ័យម្តងទៀតហើយ ដោយរក្សាបាននូវភាពជាអ្នកដឹកនាំទៅលើល្បឿនអ៊ីនធើណិតនៅទូទាំងប្រទេសកម្ពុជា ទទួលបានពានរង្វាន់ពី OpenSignal នៅឯសន្និសីទទូរស័ព្ទចល័តពិភពលោក នៅប្រទេសអេស្ប៉ាញ កាលពីពេលថ្មីៗនេះ។

គួររំលឹកផងដែរថា សែលកាត បានឈ្នះពានរង្វាន់ OpenSignal ម្ដងរួចមកហើយ កាលពីខែសីហាឆ្នាំមុន ដែលឈ្នះទៅលើល្បឿនអ៊ិនធើណិតដោនឡូត 4G និងល្បឿនដោនឡូតទូទៅ។

ក្នុងឆ្នាំនេះជាថ្មីម្ដងទៀត ក្រុមហ៊ុនសែលកាតទទួលបានរង្វាន់4ប្រភេទ ដែលបង្ហាញពីជ័យជំនះទៅលើ៖

  • ​ ល្បឿន 4G សម្រាប់ដោនឡូត
  • ​ល្បឿន 3G សម្រាប់ដោនឡូត
  • ទំហំសេវា​ 3G ធំទូលាយ
  • ល្បឿនបណ្តាញសេវាទូទៅ

របាយការណ៍‘State of Mobile Networks: Cambodia Report(ស្ថានភាពបណ្ដាញទូរស័ព្ទនៅកម្ពុជា) ដែលធ្វើឡើងដោយ OpenSignal គឺពឹងផ្អែកទៅលើទិន្នន័យពីការវាស់ស្ទង់តាមរយៈទូរស័ព្ទរបស់អ្នកប្រើប្រាស់ជាង 100 លានដង ដែលបានទាញយកដោយផ្ទាល់ពីទូរស័ព្ទស្មាតហ្វូនទូទាំងប្រទេសកម្ពុជា ចាប់ពីថ្ងៃទី 2 ខែតុលា ដល់ថ្ងៃទី 31 ខែធ្នូឆ្នាំ 2017។

លោក អៀន វ៉ាតសុន នាយកប្រតិបត្តិក្រុមហ៊ុន សែលកាត បានមានប្រសាសន៍ថា ការទទួលបានពានរង្វាន់លើកនេះ បានបង្ហាញពីសមទ្ធិផលសម្រេចបានរបស់យើង បន្ទាប់ពីយើងបានពង្រីកបណ្តាញទូរស័ព្ទអ៊ីនធើណិតល្បឿន 4G ដែលទើបតែចាប់ផ្តើមកាលឆ្នាំមុន។

“តំបន់បណ្ដាញអ៊ីនធើណិតល្បឿន 4G របស់យើង បានកើនឡើងពីជាង 200 កន្លែង រហូតដល់ជិត 3000កន្លែង បើគិតមកដល់ពេលនេះ ហើយយើងនឹងបន្តពង្រីកបណ្ដាញរបស់យើងឲ្យកាន់តែទូលំទូលាយជាងនេះ” ។

“នេះប្រហែលជាការពង្រីកបណ្ដាញទូលំទូលាយ និងលឿនបំផុត ដែលធ្វើឡើងនៅអាស៊ីអាគ្នេយ៍។ យើងពិតជាមានមោទនភាពចំពោះអ្វីដែលសម្រេចបាន ហើយមានការរំភើបយ៉ាងខ្លាំងចំពោះអ្វីដែលនឹងមកដល់បន្ទាប់ គឺការសាកល្បងអ៊ីនធើណិតល្បឿន 5G នាពេលអនាគតដ៏ខ្លីខាងមុខនេះ”។

ទិន្នន័យក្នុងរបាយការណ៍ខាងក្រោមនេះបង្ហាញពីការនាំមុខគេរបស់ក្រុមហ៊ុនសែលកាតនៅក្នុងទីផ្សារ៖

  • រក្សាបាននូវល្បឿន 4G នៅ 19.4 MBps ស្របពេលដែល Smart Axiata មានល្បឿន 4G ជាមធ្យម នៅ 16.6 Mbps,
  • ល្បឿន 3G អតិបរិមា 2.5 MBps ស្របពេលដែល Smart Axiata មានល្បឿន 1.9 MBps,
  • ល្បឿនបណ្តាញសេវាទូទៅ 10.6 MBps ស្របពេលដែល Smart Axiata ទទួលបានចំណាត់ថ្នាក់ទីពីរជាមួយនឹងល្បឿន 8.8 MBps។

“គោលដៅចំបងរបស់សែលកាតចំពោះប្រជាជនកម្ពុជា គឺធ្វើយ៉ាងណា ដើម្បីផ្ដល់ជូននូវបណ្ដាញសេវាទូរស័ព្ទលឿនជាងគេ ជាមួយនឹងការផ្ដល់ជូនតម្លៃពិសេសនៅលើទីផ្សារ”។

“យើងប​ន្តឆ្ពោះទៅកាន់ចក្ខុវិស័យរបស់យើង ក្នុងការផ្តល់ជូនគម្រោងអ៊ីនធើណិតក្នុងតម្លៃសមរម្យ សម្រាប់ប្រជាជនកម្ពុជាទាំងអស់គ្នា តាមរយៈបណ្តាញសេវាទូរស័ព្ទរបស់យើងដែលបានឈ្នះពានរង្វាន់”។

លោកវ៉ាតសុន បានបន្តថា​៖ “សែលកាត គឺជាអ្នកជំរុញការប្រើប្រាស់ទិន្នន័យអ៊ីនធើណិតឲ្យកើនឡើងយ៉ាងច្រើន នៅក្នុងប្រទេសកម្ពុជាកាលពីឆ្នាំមុន”។

“ក្នុងពេលត្រឹមតែ 12 ខែប៉ុណ្ណោះ យើងឃើញថា ការប្រើប្រាស់ទិន្នន័យអ៊ីនធើណិតបានកើនឡើងរហូតដល់ 400% ហើយការប្រើទិន្នន័យអ៊ីនធើណិតប្រចាំថ្ងៃជាមធ្យម សម្រាប់មនុស្សម្នាក់ៗ បានកើនឡើងទ្វេរដង រីឯការប្រើប្រាស់ស្មាតហ្វូនក៏បានកើនឡើងរហូតដល់ 14%”។

សម្រាប់ព័ត៌មានបន្ថែម សូមទាក់ទងទៅ កញ្ញា ឌិន ណៃគាង ប្រធានគ្រប់គ្រងផ្នែកទំនាក់ទំនងសាធារណៈ

M: +855 78 333 853 | E: [email protected]

កម្មវិធី Cambodian Net Idol នាំមកជូនដោយសែលកាត៖ MEGAMIND ក្លាយជាម្ចាស់ពានរង្វាន់ដំបូងគេនៅប្រទេសកម្ពុជា ទទួលបានរង្វាន់ទឹកប្រាក់ $2០,០០០

ភ្នំពេញ, ថ្ងៃទី ២៦ ខែធ្នូ ឆ្នាំ២០១៧ សែលកាតរកឃើញជ័យលាភីទាំង ៣នាក់ នៃកម្មវិធី Cambodian Net Idol ដែលជ័យលាភីលេខមួយបានទៅលើ ​Megamind រីឯ ជ័យលាភីលេខ២ និងលេខ៣ បានទៅលើ Bun Leng និង Rainie dara។ កម្មវិធីនេះកន្លងមកបានធ្វើការចាក់ផ្សាយ នៅលើទំព័រហ្វេសប៊ុករបស់សែលកាត ដែលជាបណ្ដាញទូរស័ព្ទចល័តឈានមុខគេនៅកម្ពុជា។

ដើម្បីអបអរនូវភាពជោគជ័យនេះ សែលកាតបានប្រារព្ធ កម្មវិធីជប់លៀងមួយ ដែលចាប់ផ្ដើមពីម៉ោង 6 ល្ងាច ដល់ 9 យប់ ដោយមានការចូលរួមយ៉ាងអ៊ូអរពីសំណាក់បេក្ខជនចូលរួមប្រកួត មិត្តភក្ដិរបស់ពួកគេ គណៈកម្មការក្នុងកម្មវិធី ក្រុមការងាររបស់Cake Experiential Communications ក្រុមការងារ និងអ្នកគាំទ្ររបស់សែលកាត​ រួមជាមួយអ្នកសារព័ត៌មានជាច្រើនរូបទៀត។

នាយកប្រតិបត្តិក្រុមហ៊ុនសែលកាត លោក អៀន វ៉ាតសុន បានមានប្រសាសន៍ថា៖ ‘‘Cake គឺជាដៃគូសហការដ៏ល្អ ក្នុងការស្វែងរកអ្នកដែលមានឥទ្ធិពលក្នុងអ៊ីនធើណិតដំបូងគេនៅកម្ពុជា ហើយយើងពិតជារីករាយនឹងលទ្ធផលនៃយុទ្ធនាការទាំងឡាយដែលបានផ្ដល់ឲ្យនូវចក្ខុវិស័យ សម្រាប់ត្រួសត្រាយយុទ្ធសាស្ត្រលើបណ្ដាញសង្គមក្នុងពេលអនាគត’’។

អ្នកនាង Natalie Saw អ្នកផលិតកម្មវិធី Net Idol ក៏ដូចជាអ្នកបង្ហាត់ដល់បេក្ខជនទាំងអស់ បានលើកឡើងថា៖ ‘‘ខ្ញុំពិតជាសប្បាយចិត្តដែលបានឃើញអ្នកទាំងអស់គ្នាបានឈានមកដល់ចំណុចនេះ ហើយចាប់តាំងពីពេលដំណើរការកម្មវិធីនេះរហូតមកដល់បច្ចុប្បន្ន គ្រប់រូបភាពទាំងអស់នៅតែដិតដាមក្នុងអារម្មណ៍របស់ខ្ញុំ ដោយសារភាពជិតស្និតនៃក្រុមការងារ និងបេក្ខជនទាំងអស់រួមបញ្ចូលគ្នា។
អ្នកនាង Natalie បានបន្ថែមថា “យុវជនកម្ពុជាពិតជាពោរពេញដោយសមត្ថភាព និងភាពក្លាហាន ហើយខ្ញុំរីករាយក្នុងការចូលរួមជួយបង្ហាត់ពួកគាត់ ដើម្បីអាចអោយគាត់បញ្ចេញសមត្ថភាពទាំងស្រុងរបស់ពួកគាត់”។

គួររំលឹកផងដែរថា មានតែបេក្ខជន 4នាក់ប៉ុណ្ណោះដែលអាចឈានដល់វគ្គពាក់កណ្ដាលផ្ដាច់ព្រ័ត ដែលមាន Rainiedara, Dalina, M. Megamind និង BunLeng ដោយ បេក្ខនារីដែលនៅសល់តែម្នាក់គត់គឺDalina ត្រូវបានជម្រុះចេញពីកម្មវិធីមុនវគ្គផ្ដាច់ព្រ័ត។

មុននឹងការប្រកួតចាប់ផ្តើម សែលកាតបានបង្ហាញពីការសង្ខេបខ្លីៗ អំពីការប្រកួតទាំង៨សប្តាហ៍ ដែលបានបង្ហាញពីចំណុចខ្លាំង និងខ្សោយនៃបេក្ខជនទាំងអស់រហូតអាចឈានមកចាប់ដំណែង ជាបេក្ខជនកំពូលទាំង 3 រូបចុងក្រោយ ដែលមានវត្តមាននៅលើឆាកនាថ្ងៃនោះ។

កម្មវិធី Cambodian Net Idol របស់សែលកាត ជាកម្មវិធីបែ​បជីវិតពិត ដែលប្លែកដំបូងគេនៅក្នុងប្រទេសកម្ពុជា ហើយបានទាក់ទាញអ្នកទស្សនាជាង ១០លាននាក់ក្នុងការប្រកួតនៃរដូវកាលទី១របស់ខ្លួន។

នៅក្នុងវគ្គផ្ដាច់ព្រ័ត បេក្ខជនចុងក្រោយទាំង 3 រូប ត្រូវឆ្លងកាត់វិញ្ញាសារបង្កើតជាវីដេអូខ្លីរយៈពេល ៣នាទី ស្តីអំពី “ថ្ងៃមួយនៃជីវិតប្រចាំថ្ងៃរបស់អ្នក”។ បន្ថែមពីនេះ ពួកគេ ត្រូវឆ្លើយសំនួរដោយឥតព្រាងទុក ដែលសួរដោយ ពិធីការនី កញ្ញា សារីតា ដែលជាសំណួរទាក់ទងនឹងចំណេះដឹងទូទៅ នៅលើបណ្តាញសង្គម និងឥទ្ធិពលនៃយុវជន។ មុនពេលការប្រកួតដល់ទីបញ្ចប់ បេក្ខជនបានឡើងបង្ហាញនូវសមត្ថភាពរបស់ពួកគេជាលើកចុងក្រោយដើម្បីដណ្តើមតំណែងជ័យលាភីលេខ១ ជាម្ចាស់ពានរង្វាន់ដំបូងគេនៃកម្មវិធី Cambodia Net Idol។

ជាចុងក្រោយ បន្ទាប់ពីការប្រកួតរដូវកាលទីមួយនេះបានបញ្ចប់ទៅ គណកម្មការទាំង 3 រូប បានបង្ហាញនូវឆន្ទៈក្នុងការនាំមកនូវភាពភ្ញាក់ផ្អើលបន្ថែមទៀត លើបណ្ដាញអ៊ីនធើណិតនៅក្នុងប្រទេសកម្ពុជា។ លលើសពីនេះទៅទៀត កម្មវិធី Cambodia Net Idol នឹងនៅទីនេះ ដើម្បីជួយដល់យុវជនដែលមានសមត្ថភាពនៅកម្ពុជា អោយបញ្ចេញសមត្ថភាពដែលខ្លួនមាន។

ប្រសិនបើអ្នកពុំទាន់បានទស្សនាវគ្គណាមួយនៃកម្មវិធីនេះ សូមចូលទៅកាន់ទំព័រ Facebook ផ្លូវការរបស់សែលកាត ដើម្បីតាមដានទស្សនាការប្រកួតនៃអាយដូលរបស់អ្នកតាមរយៈ www.facebook.com/CellcardFanPage/ ឬតាមរយៈ #NetIdolKH

សម្រាប់ព័ត៌មានបន្ថែម ស្តីពី Cambodian  Net Idol សូមចូលទៅកាន់ www.netidolkh.com.

សែលកាតសហការជាមួយដៃគូរក្រុមហ៊ុនទូរស័ព្ទទាំង 8 បង្កើតកម្មវិធីលក់បញ្ចុះតម្លៃពិសេសក្នុងឪកាសបុណ្យណូអែល​

ភ្នំពេញ​ ថ្ងៃ​ 25​ ធ្នូ​: ក្រុមហ៊ុនទូរស័ព្ទធំៗជាច្រើនគឺបានសហការគ្នាដើម្បី បង្កើតកម្មវិធីលក់បញ្ចុះតម្លៃពិសេសក្នុងឪកាសបុណ្យណូអែល​ ហើយបាននាំយក ជាមួយការលក់​បញ្ចុះតម្លៃដ៏ធំសម្បើមពីក្រុមហ៊ុនទូរស័ព្ទទាំង 8ខុសៗគ្នា។​

ការលក់បញ្ចុះតម្លៃនេះរួមមានទូរស័ព្ទទំនើបៗល្បីៗជាច្រើនដូចជា Huawei Nokia MEIZU Camfone​ LG Oukitel Vivo និង Philips និងមានការលក់បញ្ចុះតម្លៃរហូតដល់ទៅ 35% ជាច្រើនម៉ូដែល។

រាល់ការទិញទូរស័ព្ទ​លោកអ្នកនឹងទទួលបានស៊ីមសែលកាតលេខពិសេសឥតគិតថ្លៃ power bank ទំហំ 5000mAh​ កញ្ចប់សម្រាប់ការប្រើអ៊ីនធើណិត​ កាដូ​ និង​ការចាប់រង្វាន់ជាច្រើន​ពីសំណាក់​​​ដៃគូសហការដែលរួមមានដូចជា ក្រុមហ៊ុន Wing និង​Camlife ។

កម្មវិធីលក់បញ្ចុះតម្លៃពិសេសក្នុងឪកាសបុណ្យណូអែល ធ្វើឡើងនៅមុខការិយាល័យកណ្តាលសែលកាត  ចាប់ពីថ្ងៃ 25 ដល់  27 ធ្នូ ចាប់ពីម៉ោង 8:30 ព្រឹករហូតដល់ ម៉ោង 7យប់។

លោក Jee Kee Lim នាយកផ្នែកផលិតផលរបស់ក្រុមហ៊ុនសែលកាត បានលើកឡើង​ថាការលក់នេះ គឺជាឧទាហរណ៍មួយទៀត​នៃចក្ខុវិស័យរបស់ក្រុមហ៊ុនដើម្បីផ្តល់លទ្ធភាពដល់អតិថិជនរបស់យើង​ អាចជ្រើសរើសប្រភេទទូរស័ព្ទ 4G មកប្រើប្រាស់បាន។

លោក Lim បានបន្តទៀតថា “តាមរយៈការសហការជាមួយដៃគូទូរស័ព្ទរបស់យើង

អតិថិជនអាចទិញទូរស័ព្ទ លេខទូរស័ព្ទ​ និងសេវាអ៊ីនធើណិត 4G LTE ចុងក្រោមបំផុត ជាមួយនឹងតម្លៃថោកសមរម្យនៅកន្លែងតែមួយ។”

“អតិថិជនទាំងអស់អាចរកមើលនិងស្វែងរកជម្រើសដែលពួកគាត់ពេញចិត្តនៅទីតាំងកណ្តាលមួយដែលធ្វើធ្វើឱ្យវាកាន់តែងាយស្រួលនិងសប្បាយរីករាយជាមួយនឹងការលក់ បញ្ចុះតម្លៃពិសេសក្នុងឪកាសបុណ្យណូអែល”

“ប្រសិនបើលោកអ្នកកំពុងស្វែងរកទូរស័ព្ទថ្វី ឫ ទិញទូរស័ព្ទជាកាដូសម្រាប់អ្នកជាទីស្រលាញ់របស់អ្នក យើងបានផ្តល់ឲ្យលោកអ្នកនូវតម្លៃល្អបំផុត និង អត្ថប្រយោជន៍ជាច្រើនទៀត​។”

សម្រាប់ព័ត៌មានបន្ថែម សូមតេទៅ  812 ឫ​ 012 812 812 ឫចូលទៅ វេបសាយ www.cellcard.com.kh។​