All posts by Dave

អាហារូបករណ៍អនុបណ្ឌិតផ្នែក Social Work របស់ RUPP-EWHA

អាហារូបករណ៍នេះមានការសហការណ៍រវាងសាកលវិទ្យាល័យភូមិន្ទភ្នំពេញ និងសាកលវិទ្យាល័យ Ewha Womans University របស់កូរ៉េខាងត្បូង។ មុខវិជ្ជានេះនឹងមានសាស្ត្រាចារ្យជនជាតិកូរ៉េមកបង្រៀនផ្ទាល់ផងដែរ ដោយប្រើភាសាអស់គ្លេសសំរាប់ទំនាក់ទំនង។ ពិសេសត្រង់ថា អាហារូបករណ៍នេះតម្រូវសម្រាប់អ្នកធ្វើការក៏បាន ព្រោះរៀននៅចុងសប្តាហ៍ ប៉ុន្តែមិនមែនបានន័យថានិស្សិតមិនអាចដាក់ពាក្យបាននោះទេ។

ផុតទទួលពាក្យថ្ងៃទី ២៥ ខែមករា ឆ្នាំ២០១៧

សូមទំនាក់ទំនង មជ្ឈមណ្ឌលសហប្រតិបត្តិការកូរ៉េ កម្ពុជា នៅសាកលវិទ្យាល័យភូមិន្ទភ្នំពេញ។

Like ផេក អាឡាដាំង Like Ahladang ដើម្បីទទួលបានពត៌មានជាច្រើនទៀត។

img_0076

អាហារូបករណ៍ ២២ កន្លែងទៅសិក្សានៅប្រទេសថៃ

screenshot-157

ការសហការណ៍រវាងក្រសួងអប់រំប្រទេសថៃ និងបណ្តាសាកលវិទ្យាល័យជាច្រើនក្នុងប្រទេសថៃបានចាប់ផ្តើមបើកអាហារូបករណ៍អនុបណ្ឌិត និងបណ្ឌិតសម្រាប់ និស្សិតកម្ពុជា ឡាវ និងមីយ៉ាន់ម៉ាហើយ។ អាហារូបករណ៍នេះមានដល់ទៅ ២២ កន្លែងដោយមានមុខវិជ្ជាជាច្រើនសម្រាប់ជ្រើសរើស។ ប្រសិនបើអ្នកចាប់អារម្មណ៍ អ្នកអាចទៅសាកសួរទទួលពាក្យនៅស្ថានទូតថៃប្រចាំព្រះរាជាណាចក្រកម្ពុជា ដើម្បីបំពេញ។
ដោនឡូតគំរូពាក្យដើម្បីមើល

ផុតកំណត់ទទួលពាក្យនៅថ្ងៃទី ២៨ ខែកុម្ភៈ ឆ្នាំ២០១៧។

លក្ខខណ្ឌ៖

  • មានសញ្ជាតិខ្មែរ
  • បានបញ្ជប់បរិញ្ញាបត្រ រឺអនុបណ្ឌិត
  • មានកំរិតភាសាអង់គ្លេសល្អ
  • អាយុមិនលើស ២៧ឆ្នាំសម្រាប់ថ្នាក់អនុបណ្ឌិត និងមិនលើស៣៥ឆ្នាំសម្រាប់បណ្ឌិត
  • មានសុខភាពល្អ

សាកលវិទ្យាល័យមាន៖

  • Chiang Mai University
  • Khon Kaen University
  • King Mongkut’s Institute of Technology Ladkrabang
  • King Mongkut’s University of Technology Thonburi
  • Prince of Songkla University
  • Suranaree University of Technology
  • Thammasat University

បេក្ខជនជាប់នឹងទទួលបាន៖

  • ប្រាក់ឧបត្ថម្ភការចាយវាយ និងស្នាក់នៅ
  • ប្រាក់សម្រាប់ធ្វើដំណើរ
  • ធានារ៉ាប់រងសុខភាព
  • ប្រាក់ថ្លៃសៀវភៅ
  • ប្រាក់សម្រាប់បង់ថ្លៃសាលា និងផ្សេងៗទៀត

សូមទៅទាក់ទងទទួលពាក្យនៅស្ថានទូតថៃប្រចាំព្រះរាជាណាចក្រកម្ពុជា។

អាឡាដាំងគ្រាន់តែចែករំលែកពត៌មានប៉ុណ្ណោះ សូមអានពត៌មានបន្ថែមខាងក្រោម។ យើងនឹងជួយអ្នកទៅតាមលទ្ធភាពដែលពួកយើងអាចធ្វើទៅបានដូចជាការប្រឹក្សាយោបល់។
អានព័ត៌មានបន្ថែម

Like ផេក អាឡាដាំង Like Ahladang ដើម្បីទទួលបានពត៌មានជាច្រើនទៀត។

 

សំរាប់និស្សិតភូមិន្ទភ្នំពេញ និង ភូមិន្ទនីតិសាស្រ្តនិងវិទ្យាសាស្ត្រសេដ្ឋកិច្ច

ឥឡូវនេះសាកលវិទ្យាល័យ Chiba នៅប្រទេសជប៉ុនបានបើកអាហារូបករណ៍ ផ្លាស់ប្តូរការសិក្សារយៈពេល ១០ ថ្ងៃសំរាប់និស្សិតនៅតំបន់អាស៊ាន ក្នុងនោះមាននិស្សិតសាកលវិទ្យាល័យ ភូមិន្ទភ្នំពេញ និងភូមិន្ទនីតិសាស្ត្រនិងវិទ្យាសាស្ត្រសេដ្ឋកិច្ច ដែលអាចដាក់ពាក្យបាន។ សូមមើលលក្ខខណ្ឌខាងក្រោម៖

  • ជានិស្សិតសាកលវិទ្យាល័យទាំងពីរខាងលើ
  • មាន GPA ចាប់ពី ៣ ចុចឡើងទៅ
  • មានសុខភាពមាំមួនល្អ
  • មានសមត្ថភាពភាសាអង់គ្លេសល្អ
  • មានចំណាប់អារម្មណ៍ចង់យល់ដឹងពីប្រវត្តិសាស្រ្ត និងវប្បធម៌ជប៉ុន

ការដាក់ពាក្យត្រូវការ៖

  • Application Form with photo
  • Scanned copy of Parental Consent Form
  • Scanned copy of transcript of records
  • Curriculum vitae (no more than 2 pages in PDF file)
  • Scanned copy of passport which is valid for 6 months during the time of travelling

សូមដោនឡូតយកពាក្យនៅខាងក្រោម៖

Application Form 

Parental Consent Form

Spring School Program

សូមសំណាងល្អ!
15902785_1081351388658049_1584478249_o

អ្នកបន្ទាប់

img_0969

តើអ្នកជាមនុស្សដែលចូលចិត្តសង្ស័យពីជីវិតខ្លួនឯងមែនទេ? នៅពេលនេះអ្នកអាចចូលរួមកម្មវិធី អ្នកបន្ទាប់ ដែលអាចបើកទំព័រផ្នត់គំនិត បន្តក្តីសង្ឃឹម និងពង្រឹងការតាំងចិត្តដើម្បីឆ្ពោះទៅរកភាពជោកជ័យនៅថ្ងៃអនាគតរបស់អ្នក។
បន្ទាប់ពីចូលរួមកម្មវិធីនេះ អ្នកនឹងទទួលបាន៖

  • ការលើកទឹកចិត្ត ក្តីសង្ឃឹម និងបណ្តុះកូនចិត្តដើម្បីចាប់យកឱកាសអភិវឌ្ឍខ្លួនឯងឲ្យរីកចម្រើន និងសម្រេចក្តីស្រមៃ។
  • មានឱកាសបញ្ចេញសមត្ថភាព អភិវឌ្ឍខ្លួន មានគំនិតផ្តួចផ្តើម និងក្លាយជាអ្នកដោះស្រាយបញ្ហាក្នុងសហគមន៍។
  • ក្លាយជាយុវជន ធនធានសកម្មក្នុងសង្គមឈានទៅរកការកសាងភាពរីកចម្រើន ជឿនលឿនវិជ្ជមានក្នុងការអភិវឌ្ឍន៍។

កម្មវិធីនេះនឹងមានវាលក្មិនចូលរួមដែលសុទ្ធសឹងជាយុវជនជោគជ័យក្នុងការសិក្សានិងការងារ។ ព្រឹត្តិការណ៍នេះនឹងធ្វើឡើង នៅថ្ងៃទី១១ ខែធ្នូ ឆ្នាំ២០១៦ នៅក្នុងសាលធំរបស់សាកលវិទ្យាល័យបាត់ដំបង។

Like ផេក អាឡាដាំង Like Ahladang ដើម្បីទទួលបានពត៌មានជាច្រើនទៀត។

ខំប្រឹងរៀន ប៉ុន្តែអ្នកប្រឡងមិនសូវបានពិន្ទុច្រើនមែនទេ?

Studying hard

នៅក្នុងថ្នាក់រៀនតែងតែមានសិស្សដែលខំប្រឹងរៀននិងមិនសូវខិតខំរៀន ហើយនៅពេលប្រឡង ពួកគេតែងតែមិនសប្បាយចិត្តនឹងពិន្ទុរបស់ខ្លួនទៅលើការឆ្លើយសំនួរត្រិះរិះ (open questions)។ មានប្រភេទសិស្សមួយដែលខំប្រឹងរៀនហើយ នៅតែបានពិន្ទុទាប ជួនកាលពួកគេឆ្ងល់ថាហេតុអ្វីសិស្សដែលមិនសូវខំរៀនដូចខ្លួនបែរជាប្រឡងបានពិន្ទុច្រើនជាងខ្លួនទៅវិញ។ ទាំងនេះមានមូលហេតុ៣យ៉ាងដែលសិស្សខំរៀនមើលរំលង៖

មូលហេតុទី១៖

អក្សរដៃស្អាត គឺជាកត្តាសំខាន់បំផុតនៅពេលប្រឡង ព្រោះវាផ្តល់ភាពងាយស្រួលក្នុងការអានដល់លោកគ្រូអ្នកគ្រូនៅពេលពួកគាត់កំពុងកែ។ សិស្សដែលខំរៀនមួយចំនួន រៀនពូកែប៉ុន្តែមិនមានអក្សរដៃស្អាត ដែលជាហេតុធ្វើឲ្យពួកគេអាចបាត់បង់ពិន្ទុមួយចំនួន ចំណែកឯសិស្សមិនសូវខិតខំរៀនវិញអាចទទួលបានពិន្ទុច្រើនសមល្មម ប្រសិនបើពួកគេមានអក្សរដៃស្អាតចេះសរសេរអោយគ្រូងាយស្រួលយល់។ ប្រសិនបើអ្នកចង់ឆ្លើយសំនួរត្រិះរិះបានពិន្ទុច្រើនជាពិសេសអ្នកដែលរៀនមុខវិជ្ជាវិទ្យាសាស្រ្តសង្គម គួរតែព្យាយាមកែរអក្សរដៃរបស់ខ្លួនដែលមិនស្អាត។

មូលហេតុទី២៖

ការប្រើប្រាស់ទម្រង់សំនេរពិភាក្សាដោយមាន ហេតុ (premise) និង ការសន្និដ្ឋាន (conclusion) បានល្អ គឺជាសំនេរដ៏ល្អបំផុតសម្រាប់ធ្វើឲ្យគ្រូជឿលើការពិភាក្សារបស់អ្នក។ សិស្សខំរៀនមួយចំនួនពូកែរៀន (getting input) ប៉ុន្តែមិនពូកែពន្យល់ (output expression) អ្វីដែលខ្លួនបានរៀន។ នេះជាហេតុដែលធ្វើឲ្យពួកគេប្រឡងបានពិន្ទុមិនសូវច្រើន។ សូមមើលគំរូទម្រង់សំនេរពិភាក្សាខាងក្រោម៖

argument

មូលហេតុទី៣៖

ការឆ្លើយចំចំនុចដែលគ្រូចង់បាន ក៏ជាកត្តាចាំបាច់ផងដែរ។ មានគ្រូពីរប្រភេទដែលអ្នកត្រូវដឹង។ ប្រភេទគ្រូទី១ជាប្រភេទគ្រូដែលរំពឹងថាសិស្សនឹងឆ្លើយសំនួរនូវអ្វីដែលពួកគាត់បានបង្រៀន និងប្រភេទទី២ជាប្រភេទគ្រូដែលចង់ឲ្យសិស្សសិក្សាស្រាវជ្រាវខ្លួនឯងបានច្រើននិងឆ្លើយសំនួរដោយមានគំនិតថ្មីគួរឲ្យចាប់អារម្មណ៍និងត្រឹមត្រូវ។

សន្មត់ថាអ្នកពូកែអានសៀវភៅច្រើននិងខិតខំរៀនស្រាវជ្រាវខ្លួនឯងបានច្រើន អ្នកនឹងប្រឡងបានពិន្ទុច្រើនជាមួយប្រភេទគ្រូទី២នៅពេលអ្នកប្រើចំណេះដឹងលើសអ្វីដែលគាត់បានបង្រៀន ប៉ុន្តែបើសិនអ្នករៀនជាមួយប្រភេទគ្រូទី១វិញ អ្នកត្រូវប្រយ័ត្នបន្តិចទៅលើការប្រើប្រាស់ ពាក្យគន្លឹះ (key terms) ចំៗដូចអ្វីដែលអ្នកបានរៀនពីពួកគាត់។ បើសំនេររបស់អ្នកមិនដូចអ្វីដែលពួកគាត់បានបង្រៀននោះទេ ទោះជាអ្នកប្រើចំណេះដឹងប្រភពក្រៅបានច្រើនប៉ុណ្ណាក៏ដោយ អ្នកមិនអាចយកពិន្ទុច្រើនឡើយ។

មានសិស្សដែលខំប្រឹងរៀនមួយចំនួនចូលចិត្តប្រើប្រភពចំណេះដឹងដែលខ្លួនបានរៀនពីខាងក្រៅយកមកសរសេរជាចម្លើយច្រើន ដែលនេះមិនគួរយកមកប្រើប្រាស់ជាមួយគ្រូប្រភេទទី១ឡើយ។ ដូចនេះអ្នកត្រូវស្វែងយល់ពីគ្រូរបស់អ្នកឲ្យបានច្រើន ហើយព្យាយាមសរសេរនូវអ្វីដែលគ្រូរបស់អ្នកបានបង្រៀនផង និងបន្ថែមចំណេះដឹងថ្មីទៀតនោះ អ្នកនឹងឆ្លើយសំនួរដែលបានពិន្ទុច្រើនជាមិនខាន។

Like ផេក អាឡាដាំង Like Ahladang ដើម្បីទទួលបានពត៌មានជាច្រើនទៀត។