សំណង់ប្រយោគទាំង ៤ ក្នុងភាសាអង់គ្លេស

sentence_structure

ក្នុងភាសាអង់គ្លេស ដើម្បីសរសេរឲ្យបានល្អ អ្នកត្រូវចេះប្រើប្រាស់នូវសំណង់ប្រយោគផ្សេងៗគ្នា។ សំណង់ប្រយោគសំខាន់ៗ មាន ៤ គឺ Simple Sentences, Compound Sentences, Complex Sentences, និង Compound Complex Sentences។ ខាងក្រោមនេះជាការពន្យល់ពីរបៀបប្រើប្រាស់នៃប្រយោគទាំងនេះ៖

     1. Simple Sentences

Simple sentence គឺសំដៅទៅលើប្រយោគដែលអាចឈរតែឯងបាន ហើយមានន័យពេញលេញ។

ឧទាហរណ៍ I kissed my daughter.

I kissed my daughter គឺជាប្រយោគដែលមានន័យពេញលេញ . វាមានប្រធាន (I) and កិរិយាស័ព្ទ (kissed), ដែលធ្វើប្រយោគមានន័យពេញលេញ។

     2. Compound Sentences

A compound sentence  គឺជាសំណង់ប្រយោគដែលមានន័យពេញលេញ២បូកបញ្ចូលគ្នា។ ប្រយោគទាំងពីរត្រូវបានតភ្ជាប់គ្នាដោយ  coordinating conjunction ឬ semicolon។ Coordinating conjunction មួយ គឺជាពាក្យដែលបានតួនាទីភ្ជាប់ឃ្លា ឬប្រយោគឲ្យជាប់គ្នា។

ឧទាហរណ៍ I kissed my daughter, and she was very shy.

I kissed my daughter  គឺជាប្រយោគដែលមានន័យពេញលេញមួយ។  she was very shy គឺជាប្រយោគដែលមានន័យពេញលេញមួយទៀត. And គឺជា coordinating conjunction ដែលភ្ជាប់ប្រយោគទាំងពីរជាមួយគ្នា។  ដូច្នេះ I kissed my daughter, and she was very shy គឺជា compound sentence.  

     3. Complex Sentences

Complex sentence គឺសំដៅទៅលើសំណង់ប្រយោគដែលមាន subordinate clause និង independent clause មួយរឺច្រើន. Subordinate clause មួយ គឺជាក្រុមពាក្យដែលមានប្រធាន និងកិរិយាស័ព្ទដែរ តែមិនមានន័យពេញលេញ ហើយមិនអាចប្រើវាអោយនៅតែឯងបានទេ។

ឧទាហរណ៍ She smiled because I kissed her.

She smiled គឺជាប្រយោគដែលមានន័យពេញលេញ (independent clause)។  Because I kissed her គឺជាប្រយោគដែលមិមានន័យពេញលេញឡើយ។ She smiled because I kissed herគឺជា complex sentence។

     4. Compound Complex Sentences

សំណង់ប្រយោគនេះគឺជាការច្របាច់បញ្ចូលគ្នារវាង compound sentences និង complex sentences។ សំណង់ប្រយោគបែបនេះតែងតែមានយ៉ាងហោចណាស់ independent clauses ២ (ដោយមានប្រើ coordinating conjunction) និងយ៉ាងហោចណាស់ subordinate clause (ដោយមានប្រើ subordinating conjunction) មួយ។

ឧទាហរណ៍ She smiled because I kissed her, and I called her my little princess.

She smiled និង I called her my little princess គឺជា independent clauses ទាំងពីរ។  ពួកវាត្រូវបានតភ្ជាប់ដោយ conjunction “and”។

 Because I kissed her គឺជា  dependent clause ដែលត្រូវបាននាំមុខដោយ subordinating conjunction។ ដូច្នេះប្រយោគទាំងមូលនេះជា compound-complex sentence។

ប្រភព៖ Grammar Revolution

អត្ថបទទាក់ទង៖

Facebook Comments